(Joines og Payne, 2017)

 

Góðan daginn 

Við erum þrír iðjuþjálfanemar á fjórða og jafnframt síðasta ári í náminu okkar við Háskólann á Akureyri. Við erum að vinna síðasta verkefnið okkar í náminu sem snýr að markaðssetningu. Námið okkar tekur á afar fjölbreyttum málum en einn hluti þess fjallar um Algilda hönnun (e. Universal Design) og vinnan okkar kemur m.a. til með að snúast um að auka færni og þátttöku einstaklinga. Til þess að skjólstæðingar okkar hafi jöfn tækifæri til þátttöku þarf aðgengi að vera gott og aðstæður eins og best verður á kosið, hvort heldur sem er í heimahúsi eða þar sem þeir sækja vinnu og hvers kyns þjónustu. Á fjölbreyttum vettvangsstöðum höfum við séð ýmislegt sem betur mætti fara, þar sem fólk getur verið í byltuhættu eða ekki komist um, oft gamalt húsnæði sem við vitum að erfitt er að eiga við en einnig nýtt eða nýlegt sem einhverra hluta vegna uppfyllir ekki þau lög og reglugerðir sem eru í landinu okkar og sem segja til um að algild hönnun eigi að vera til staðar sem og aðgengi fyrir alla.  

Meðfylgjandi er kynning á því hvernig iðjuþjálfar og arkitektar hafa sameiginlega sýn á að allir geti lifað í sátt og samlyndi við bestu aðstæður sem völ er á og okkur langar að komist sem víða og því er það ósk okkar að þið gætuð sent þetta á ykkar félagsmenn 

Bestu kveðjur 

Aðalheiður, Guðrún Lilja og Helga Dröfn