Ядро by

Ядро. Құрылысы мен қызметі

aminanurlanova1 — 2024-10-31 03:27:57 UTC

Ядро - жануарлар мен өсімдіктер жасушаларының негізгі және тұрақты жиынтығы. Ядросы бар ағзаларды – эукариоттар (грекше. “карион” - ядро) деп атайды. Тірі ағзаның тіршілік қасиеттерінің бірі - көбею, ол ядромен тікелей байланысты. Зат алмасу, көбею және өсіп-даму ядросы бар жасушаларда қарқынды түрде жүреді.

Құрылысы

aminanurlanova1 — 2024-10-31 03:38:16 UTC

1. Ядролық қабықша – екі қабатты мембрана, ол ядроны цитоплазмадан бөліп тұрады. Бұл мембранада арнайы саңылаулар (поралар) бар, олар арқылы молекулалар мен ақпараттық сигналдар тасымалданады.

2. Ядрошық – ядро ішінде орналасқан арнайы құрылым. Бұл жерде рибосомалардың синтезі жүреді.

3. Хроматин – ядроның ішіндегі ДНҚ мен ақуыздардан тұратын кешен. ДНҚ молекулалары хромосомалар түрінде оралған және жасушаның генетикалық ақпаратын сақтайды.

4. Нуклеоплазма – ядро ішіндегі жартылай сұйық орта, онда ядрошық пен хроматин орналасады.

Ядроның қызметі

aminanurlanova1 — 2024-10-31 03:41:51 UTC

1. Генетикалық ақпаратты сақтау – ДНҚ молекулаларында жасушаның генетикалық коды болады.

2. Репликация – жасуша бөлінер алдында ДНҚ молекуласы екі еселеніп, генетикалық ақпарат ұрпақ жасушаларға беріледі.

3. Транскрипция – ядро ішінде ДНҚ ақпаратынан РНҚ молекуласы түзіледі, бұл процесс ақуыз синтезіне қажет ақпаратты тасымалдауға мүмкіндік береді.

4. Жасушаның қызметін басқару – ядро жасушадағы барлық процестерді, соның ішінде өсу, даму және бөліну процестерін басқарады.

aminanurlanova1 — 2024-10-31 03:45:31 UTC

Жасушалық құрылысы бар тірі ағзалардың барлығы ядросыздар (прокариоттар) және ядролылар (эукариоттар) болып екі топқа бөлінеді. Ядросыздарда сақиналы ДНҚ-ның тек бір молекуласы ғана болады және ол тікелей цитоплазмада жатады.

Жоғары сатыдағы көптеген өсімдіктер, жануарлар мен саңырауқұлақтардыңжасушаларында бір ядро бар. Қарапайымдармен төменгі сатыдағы өсімдіктердің бірнеше ядросы болады.

aminanurlanova1 — 2024-10-31 03:49:04 UTC