סועד : مَرْحَبَا, بَقْدَر أًوَصِّي؟

מלצר : أًهْلاً, يَلّا ثَوَانِي وْبَكُون مَعك, حالِيًّا شوف بالمينيو شو موجود عنّا وشو حابب تطلب.

מלצר : إتفضّل شو حابب اتوصّي؟

סועד : اوّل إشي بدي كاسة عصير ليمون مع نعنع ومع شوية ثلج إِذا بتسمح.

מלצר : ولا يهمك, وشو حابب توكل؟

סועד : بصراحة متحيّر, مبيّن في ملان أشياء زاكية ومش عارف اذا حابب اوخد لحوم أو أسماك.

بما انك بتشتغل هون وعندك تجربة بشو بتنصحني؟

מלצר : عنّا بالمطعم كثير أشياء زاكية, بس إذا حابب توكل أسماك بنصحك بسمك دينيس أو السلطان إبراهيم بنفع تطلبه مقلي أو مشوي, مع كل الوجبات بكون إضافة بطاطا مقلية وبنفع توخد كمان مشكّل فواكة بحر مطبوخ كوجبة أولى.

أمّا اذا جابب توكل لحوم في عنّا وجبة ستيك فيليه مشوي, ستيك انتريكوت, وجبة مشاوي مشكّل.

סועד : بهالحالة حيّرتني بزيادة, مبيّن كله زاكي. شو سعر كل وجبة؟

מלצר : كلهن الوجبات أسعارهن تقريباً بترواح بين ال 160 لحد 180 شيكل.

وكل الوجبات بيجين مع مجموعة مشكلة من السّلطات, صحن حمّص, فلافل, جبن مقلي وشوربة اليوم.

סועד : معناها بّدي سمكة دينيش مقلية وبدّي أوصّي لإبني الصغير وجبة شنيتسل مع بطاطا مقلية.

وبنفع تحكيلي شو نوع الشوربة؟

מלצר : اليوم متواجد شوربة خضار.

סועד : بدّي أغلبك إتجيبلي صحنين, بس واحد منهن ميكنش كثير سخن وقنية مي صغيرة بعينك الله.

מלצר : ولا يهمّك, حابب تطلب كمان إشي؟

סועד : لا شكراً بس اذا في مجال تستعجل وجبة الولد لأنه كثير جعان.

מלצר : ماشي ولا يهمك.

بعد مرور 5 دقائق......

מלצר : الاكل جاهز كله, إِتفضّلوا صحة وهنا.

סועד : شكراً, يعطيك العافية.

מלצר : الله يعافيك.