Менің ойымша адам темпераменті оның кәсіби жетістікке жетуіне өзің белгілі бір әсерін тигізеді. 

Адамның темпераменті адамның өмір сүру салтына өз ықпалын тікелей тигізетіні анық: сөйлеу манерасы, іс-әрекеті, қылықтары және т.б. Осы орайда темпераменттің адамның кәсіби жетістіктерге жетуіне қатысы бар екені сөзсіз екенін байқаймыз. Дегенмен, тек қана темпераментпен байланысты деу қате тұжырым болып табылады. Адамда бір ғана емес, төрт темпераментте болуы мүмкін.Соның ішінде белгілі бір темперамент басым қызмет атқарады. Бірақ өмірінің әртүрлі тұстарында белгілі бір басым емес темпераменттер басым қабілетке ие болады.

Темпераментпен туа біте пайда болса, мінез жүре келе қалыптасады. Адамның мінезі мен темпераменті үйлесімділікте болғаны сияқты үйлесімділікте болмауы да мүмкін. Ал адамның мамандығы бойынша жетістікке жетуі мінезіне де байланысты болып келеді. 

Жетістікке жетуге тек қана адамның мінезі мен темпераменті ғана емес, сондай-ақ, қабілеті де үлкен рөл атқарады. Меланхолик темпераментіндегі адамды ұялшақ, жасқаншақ, эмоционалды түрде сезімтал деп қарастырсақ, оны шығармашылық салада жетістікке жетуге бейімірек дейміз. Бірақ меланхолик темпераментіндегі адамның белгілі бір күш-жігерді, шапшаңдылықты, жігерді талап ететін спорт саласына қабілеті бар болса, ол өзінің ерік-жігері (сила воли) арқылы сол спорт саласында үлкен жетістіктерге жетуі әбден мүмкін. 

Сонымен қатар адамның кәсіби жетістікке жетуге деген ынтасы, мотивациясы болмаса, оның жетістікке жетуі мүмкін емес деуге де болады. 

Қортындылай кетсек, адамның кәсіби салада жетістікке жетуіне темпераменттің өз әсері бар. Дегенмен мінезі, және де басты деген факторлар: қабілеті, таланты, ерік-жігері (сила воли), мотивациясы жеке әсерлерін тигізеді.