Salitang Siyokoy by KRYSTYLL FAITH SURRIGA

Siyokoy

krystyllfaithsurriga — 2025-05-08 06:51:49 UTC

Ang siyokoy ay mga nilalang sa mitolohiya ng Pilipinas na matatagpuan sa karagatan na katumbas na isang sirenang lalaki. Karaniwang silang inilalarawan na may anyong lalaki ngunit may ulong kawangis ang isda at nagtataglay ng kaliskis at palikpik. Hindi lang sa mga anyo ng tubig matatagpuan ang mga tinatawag na “siyokoy,” kundi pati sa wika.

Ang mga tinatawag na “salitâng siyókoy” ni Virgilio S. Almario, tagapangulo ng Komisyon sa Wikang Filipino (KWF), ay mga salitâng hindi hiram sa Español at hindi rin Ingles, at kadalasang bunga ng kakulangan sa kaalaman sa wastong anyong Español ng mga iskolar at edukadong nagnanais magtunog Español ang paggámit ng wika. Naobserbahan na rin ni Teresita F. Fortunato ang mga “haybrid” na ito na malabo ang deribasyon at predominanteng sumusulpot sa mga ispiker ng Filipino. Ibig sabihin, mahirap matukoy kung alin sa Español o Ingles ang pinagbatayan ng panghihiram, kung kaya maituturing ang salita na alanganin. Isa itong suliranin sa akademya at midya. Mabilis kumakalat ang mga salitang siyokoy dahil pinalalaganap ng mga sikat na artista, brodkaster, manunulat, at akademista na limitado ang kaalaman sa wikang Español at kalakaran sa panghihiram.

krystyllfaithsurriga — 2025-05-08 06:57:10 UTC

Nabubuo daw ang mga ito dahil nais ng ilang akademista na pagtakpan ng kanilang katamaran. Hinuhulaan nila ang mga salitang ‘Español’ na sa tingin nila ay katumbas ng iniisip na salitâng Ingles. Tanggap na raw ito at gagamiting katumbas sa Filipino. Kadalasan ay gumagana ang ganitong estratehiya dahil magkakahawig ang maraming salitang Ingles at Español sa kahulugan at tunog. Gayumpaman, paminsan-minsan ay hindi pumupuwede ang ganitong hula-hula at nabubunyag ang pagkukunwari nila kapag ginagamit nila ang mga salita na hindi tunay na Español at hindi rin Ingles.

Mga Salitang "Siyokoy"

krystyllfaithsurriga — 2025-05-08 07:01:11 UTC

Ang salitang siyokoy ay madaling matukoy kung mahahalatang hiram ang salita. Tingnan ang teybol sa taas.

Salitang Siyokoy Flashcards

krystyllfaithsurriga — 2025-05-08 07:08:10 UTC

Ang link na ito ay naglalaman ng flashcards patungkol sa mga salitang siyokoy. Pindutin ito upang masubok ang iyong natutuhan mula sa naging tampok na paksa.

krystyllfaithsurriga — 2025-05-08 07:17:10 UTC

krystyllfaithsurriga — 2025-05-08 07:18:35 UTC

krystyllfaithsurriga — 2025-05-08 07:19:41 UTC

krystyllfaithsurriga — 2025-05-08 07:21:09 UTC

Samar, Edgar Calabia. 2019. Mga Nilaláng na Kagila-gilalas. Quezon: Adarna House.

Almario, Virgilio S. 2014. KWF Manwal sa Masinop na Pagsulat. Quezon: Komisyon sa Wikang Filipino.

Santos, Benilda. 2003. Ang Wikang Filipino sa Loob at Labas ng Akademya't Bansa. Quezon: Sentro ng Wikang Filipino.

Morrow, Paul. 2003. Mga Salitang Siyokoy. Hunyo 15. http://paulmorrow.ca/siyokoy.htm.

krystyllfaithsurriga — 2025-05-08 07:22:57 UTC

Gayumpaman, iba sa mga salitang siyokoy ang “neolohísmo” o sinasadyang eskperimento sa pagbuo ng salita. Nagaganap ito kadalasan ngayon sa paglalagay ng hulaping pangkatawagan, tulad ng -ismo, -ero, -ista, atbp. Ang mga ilang halimbawa ng neolohismo ay makikita sa sumusunod na teybol: