საახალწლო სურვილები by nino naskidashvili

ნინო ნასყიდაშვილი

2020-12-25 20:13:01 UTC

ყველაზე უცნაური კორონული სასწავლო წელი. გაუცნობლად გაცნობილი სადამრიგებლო კლასი... ონლაინგრძნობები, ონლაინღიმილები, ონლაინსიცელქეები და ონლაინდაღლები...

ონლაინფერადად მოპარული თუ შემოპარული ახალი წელი... ახალი მოლოდინებით, იმედებით, სურვილებით და ადამიანურცხოვრებამონატრებული ფიქრებით...
,,დაგბედებოდეთ ნატვრის ახდენა
და სიყვარული ბავშვივით წრფელი''.

ბექა ქობალია

2020-12-26 06:13:21 UTC

ჩემი ოცნება იყო ვეკუაში ჩაბარება.ვფიქრობდი რომ ახალ მეგობრებს გავიჩენდი,მასწავლებლებსაც გავიცნობდი მაგრამ ამაში ერთი პრობლემაა.როგორც შობა მოიპარა გრინჩმა ისევე მოგვპარა სასწავლო წელი კორონამ😁.ბავშვებსაც და მასწავლებლებსაც მივეჩვიე მაგრამ ცოტა რთულია ეს როდესაც ონლაინ გაკვეთილებით უნდა გაიცნო ბავშვები.მომავალი სემესტრიდან ძალიან მინდა რომ სკოლაში დაგვაბრუნონ.პირადად მე ძალიან მომეწონა ჩემი მასწავლებლები და კლასელები.ისინი მეგობრულები და პოზიტიურები არიან,ახლოდან რომ გავიცნობ დარწმუნებულივარ იმაზე მეგობრულები იქნებიან როგორც მე ვფიქრობ.☺ჩემი საახალწლო ნატვრა ისაა რომ ყველა კარგად ყოფილიყოს და სკოლები დაბრუნებულიყოს💞

🥳დამდეგს გილოცავთ❤

2020-12-26 06:58:10 UTC

გიორგი ჯიბუტი
მე ვეკუაში ჩაბარება არ მინდოდა,მაგრამ ვიცოდი რომ აქ გადმოსვლა ჩემს ცხოვრებას შეცვლიდა, არ მინდოდა ძველი მასწავლებლისა და კლასის დატოვება,თუმცა ვიცოდი რომ ახალ მეგობრებს და მასწავლებელს გავიცნობდი. მაგრამ არის ჯერ კიდევ ერთი პრობლემა ჩვენ ისევ ერთმანეთს ონლაინ ვხვდებით.
მე მინდა რომ ერთმანეთს მალე შევხვდეთ და უკეთესად გავიცნოთ.
დარწმუნებული ვარ ისინი უფრო პოზიტიურები და მეგობრულები იქნებიან ვიდრე ამას ონლაინ გამოხატავენ.
ჩვენ ამ შობა ახალ წელს კარანტინში უნდა შევხვდეთ კორონას გამო, ძალიან მინდა რომ ეს ყველაფერი მალე ჩაწყნარდეს და დამშვიდდეს მსოფლიო.
ჩემი მასწავლებელი ძალიან მიყვარს, ის სულ ცდილობს რომ ერთად ვიყოთ და გიყვარდეს ერთმანეთი, შორიდანაც ახერხებს ყველასთვის ყურადღების მიქცევას,კორონა მანაც და მისმა ოჯახმაც გადაიტანა,მაგრამ ის მაინც ახერხებდა ჩვენზე ზრუნვას,მე ამას ვაფასებ. ჩემი კლასი ძალიან მიყვარს,უკვე ძალიან დავმეგობრდით და მინდა რომ ერთმანეთს მალე შევხვდეთ❤️❤️
ბედნიერ და მშვიდობიან ახალწელს გისურვებთ❤️❤️❤️❤️❤️❤️

ალექსანდრე სუჯაშვილი

2020-12-26 08:16:45 UTC

ეს სასწავლო სემესტრი ყველაზე განსხვავებული,არეული და უცნაური გამოდგა ჩემთვის.ჩემს ცხოვრებაში დიდი ნაბიჯი გადავდგი და ჩავაბარე ვეკუაში,მაგრამ ვინ დაგაცადა კლასის და მასწავლებლების გაცნობა.ისევ კორონა და ონლაინ გაკვეთილები.საშინელება იყო სანამ მასწავლებლებს და ბავშვებს გავიცნობდი.მართლაც ძალიან რთულია როდესაც ახალ სკოლაში გადადიხარ და თითქმის არავის არ იცნობ მითუმეტეს როდესაც მათ შორის მასწავლებლებიც არიან.ბევრი სირთულეები შეგვხვდა კლასს,ზოგეჯერ ერთმანეთის მიმართ აგრესიასაც გამოვხატავდით,ზოგჯერ ვჩხუბობდით,იყო გაუგებრობიც მაგრამ ყველაზე დიდი აურზაობის ფონზეც კი ერთად სიტუაცია დავაწყნარეთ და ყველაფერი გადავლახეთ.რაც შეეხება ჩვენს მომავალ მეორე სემესტრს.იმედი კი მაქვს იმის,რომ ასეთ პირობებში აღარ გვექნება კომუნიკაცია,მაგრამ რაც საღიარბელია უნდა ვაღაროთ,თითქმის შეუძლებელია რომ კორონა ამ მოკლე დასვენების პერიოდში გაქრეს.ძალიან მინდა,რომ მოხდეს ეს მაგრამ რთულია.იმედია რაც შესაძლებელია სწრაფად მოშორდება კორონა,მომბეზრდა ასე სწავლა,მინდა რომ მეორე სემესტრში მაინც ვნახო მასწავლებელები და ბავშვები.ჩემი საახალწლო სურვილები და ნატვრები,ალბათ ამის გამოცნობა ძალიან მარტივია,პირვე რიგში ყველა ჯამრთელები ვიყოთ,ბედნიერები,მალე დავბრუნდე სკოლაში და გაქრეს ეს საშინელი ვირუსი,რომელმაც ყველას ცხოვრება გაანადგურა

თეკლა გავაშელიშვილი

2020-12-26 09:34:01 UTC

როდესაც გავიგე რომ ვეკუაში ჩავაბარე, ძალიან უცნაური გრძნობა დამეუფლა, ვერ წარმომედგინა ცხოვრება ძველი კლასელებისა და სკოლის გარეშე. მთელი სამი თვე მხოლოდ იმაზე ვფიქრობდი,როგორი იქნებოდა ახალი სასწავლო წელი. თანდათან ახლოვდებოდა 15სექტემბერი და ნერვიულობა იმატებდა. სულ რამდენიმე დღეში სწავლა იწყებოდა, როდესაც გავიგე რომ სწავლა ონლაინ იქნებოდა. ძალიან ავნერვიულდი. ვერ წარმომედგინა როგორ უნდა მესწავლა ახალ სკოლაში ონლაინ, უცნობ კლასელებთან და მასწავლებლებთან ერთად. ვეჭვობდი ძალიან ჩაკეტილი გავხდებოდი.
საბედნიეროდ ჩემი ეჭვები არ გამართლდა. 15 სექტემბრის დილა ჩემთვის ყველაზე დიდი ემოციებით იყო დატვირთული. ძალიან გამიხარდა რომ ასეთი კლასელები და მასწავლებლები შემხვდა. ჩართვის შემდეგ მივხვდი, რომ ამიერიდან ჩემს ცხოვრებაში ძალიან კარგი და საინტერესო ეტაპი დაიწყო და მივხვხი რომ თქვენთან კარგი ურთიერთობა მექნებოდა. სულ ცოტა დროში ძალიან შემიყვარდა აქაურობა. ამ სემესტრმა მეგობრობა მასწავლა. საოცრად კონტაქტურ ადამიანებთან კონტაქტი ძალიან სასიამოვნოა. მიუხედავად იმისა, რომ ყველაფერი ონლაინ იყო, ერთმანეთს დაბადების დღეებსაც ვულოცავდით, ვაწყობდით პოეზიის საღამოებსა თუ შეხვედრებს, რაც ჩემთვის ძალიან დიდი მოტივაცია იყო.
რა თქმა უნდა ვისურვებდი ერთმანეთს შევხვდეთ და ონლაინ დაწყებული ურთიერთობა, სკოლაში კიდევ უფრო საინტერესო გავხადოთ.
ბოლოს კი მინდა ყველას ძალიან დიდი მადლობა გადაგიხადოთ, რომ ასეთი ადამიანები ხართ. მიუხედავად ამ ცოტა დროისა, ყველა გაგიცანით და ვფიქრობ, რომ ჩვენი კლასი გამორჩეული უნდა იყოს, იმ სითბოთი რომელიც მუდამ იქნება ჩვენს შორის და რა თქმა უნდა დამრიგებლებით.
ვამაყობ რომ ამ კლასის მოსწავლე ვარ და ირგვლივ ასეთი კარგი ადამიანევი მყავს.
გილოცავთ დამდეგ შობა ახალ-წელს💛💞

2020-12-26 11:20:19 UTC

გიორგი დოგრაშვილი

როდესაც ვეკუაში ჩავაბარე ეს ჩემი ცხოვრების ყველაზე დიდი ნაბიჯი იყო. ძალიან გამიჭირდა ამის გააზრება, მთელი ზაფხული ჩაკეტილი ვიყავი... არვიცოდი რა მოხდება შემდეგ, როცა სკოლაში მივიდოდი და ახალი კლასელები მეყოლებოდა. აღმოჩნდა რომ ამ სემესტრში სკოლაში არ მივიდოდით და გაკვეთილები ონლაინ ჩატარდება ამ ფაქტმა მე უფრო შემარყია, ვფიქრობდი რომ კლასში ვერავის ვერ გავიცნობდი მაგრამ ყველასთვის, გასახარად ასე არ მოხდა. ყველამ ერთმანეთი გავიცანით და დავმეგობრდით იმის მიუხედავად, რომ ჩვენს შორის რაღაც გაურკვეველი, რამ მოხდა. წინ კიდევ ბევრი საინტერესო რამ გადაგვხდება თავს.
მინდა, რომ შემდეგი
სემესტრში უფრო დავახლოვდეთ და ერთმანეთი სკოლაში ვნახოთ და არა ონლაინ.❤️❤️

გილოცავთ დამდეგ ახალ წელს 💓💓💗💗

თემო მაისაშვილი

2020-12-26 11:47:40 UTC

წელს ჩემ ცხოვრბაში ძალიან მნიშვნელოვანი მოვლენა მოხდა, ჩავაბარე ილია ვეკუას სახელობის სკოლაში. ეს ამბავი, რომ შევიტყვე ძალიან გამიხარდა და სულ იმაზე ვფიქრობდი როგორები იქნებოდნენ ჩემი კლასელები და მასწავლებლები. გავიდა ზაფხულის არდადეგები და ერთი სული მქონდა როდის წავიდოდი ჩემს ახალ სკოლაში და გავიცნობდი კლასელებს და მასწავლებლებს, მაგრამ ერთი კვირით ადრე სწავლა ისევ გადადეს. სწავლის გადადება ძალიან მეწყინა, რადგან ერთი სული მქონდა მივსულიყავი სკოლაში. ჩვენ დავიწყეთ ონლაინ გაკვეთილები, სულ იმას ვფიქრობდი როგორ უნდა გამეცნო ონლაინ კლასელები, მაგრამ ისე მოხდა, რომ ერთმანეთთან კომუნიკაცია ადვილად დავამყარეთ და ძალიან კარგად დავმეგობრდით. თავიდან კი ძალიან რთული იყო, მაგრამ შემდეგ ყველა შევეგუეთ. ძალიან მინდა, რომ მეორე სემესტრიდან მაინც მივიდეთ სკოლაში და უკეთ გავიცნოთ ერთმანეთი. იმედია ეს დრო მალე დადგება და აღარ იქნება კორონა ვირუსი.

2020-12-27 13:35:58 UTC

გიორგი ქობალია
ეს სასწავლო წელი ჩემს ცხოვრებაში ძალიან რთულად გასავლელი იყო, რადგენ სულ სხვა რეალობაში აღმოვჩნდით - საკლასო ოთახიდან ეკრანის წინ. დისტანციურად სწავლა ძალიან გამიჭირდა, რადგან სასკოლო სწავლებისგან ძალიან განსხვავდება ეს, ვერ ბეკონტაქტებოდი მასწავლებლებს და ბავშვებს პირისპირ, ვერც პასუხისმგებლობას ვგრძნობდი ისე როგორც საჭიროა. რთული იყო ისიც, რომ არ ვიცნობდი კლასელებს და მასწავლებლებს, მაგრამ ბოლოს ამ ვითარებას ნაწილობრივ შევეჩვიე.
ზოგიერთი გაკვეთილი ძალიან საინტერესო და მრავალფეტოვანია, როგორიცაა ქართული, ტომელშიც უმაგრესი და უსაყვარლესი მასწავლებელი მყავს. ასევე საინტერესოა მუსიკის, ფიზიკის და მათემატიკის გაკვეთილები. ერთადერთი რასაც შევცვლიდი ის არის, რომ დავბრუნდებოდი სკოლაში.
საახალწლოდ ვისურვებდი, რომ შემდეგი სემესტრიდან განახლდეს სწავლა.ასევე ვისურვებდი, რომ ჩემს კუთხეში კერძოდ აფხაზეთში თაცისუფლად შემეძლოს წასვლა და ბებიის, ბაბუის და ბიწის მონახულება.
♡♡♡♡

2020-12-27 13:44:51 UTC

მარიამ კუჭავა
როცა გავიგე, რომ ვეკუაში ჩავირიცხე, ამ დროს ჩემი ერთ-ერთი ოცნება და სურვილი ახდა. ძალიან გამიხარდა ის, რომ, ვეკუაში ახალი გარემო მელოდებოდა, მაგრამ, ძალიან მეწყინა, რომ ჩემს კლასელებსა და მასწავლებლებს დისტანციურად უნდა გვაცნობოდი. ეს სემესტრი ჩემთვის ძალიან ემოციური იყო, რადგან არ ვიცოდი როგორ გავართმევდი თავს სწავლას ვეკუაში, თანაც დისტანციურად. მიუხედავად იმისა, რომ ჩემს კლასელებს და მასწავლებლებს არ ვიცნობ, ძალიან შემიყვარდნენ და ძალიან მინდა რომ რაც შეიძლება მალე შევხვდე მათ. ჩემი ნატვრაც ესაა. რაც შეეხება საახალწლო ნატვრას, მინდა რომ კორონა წავიდეს😀 და ასევე ყველა ერთად, და ბედნიერად ვიყოთ. დამდეგ შობა ახალ წელს გილოცავთ🥳♥️

ალექსანდრე გვარამია

2020-12-27 15:57:26 UTC

ჩემი ოცნება იყო გავმხდარიყავი ვეკუელი. ერთი სული მქონდა, როდის იქნებოდა გამოცდა. დადგა ეს ნანატრი დღეც, 2020 წლის 26 ივლისი და გამოვცხადდი გამოცდაზე. იმ დღეს ცოტა ვნერვიულობდი, სანამ შედეგს გავიგებდი. ჩემს სიხარულს საზღვარი არ ჰქონდა, როდესაც გავიგე, რომ 30 ქულით ჩაცირიცხე ვეკუაში. სულმოუთმენლად ველოდი 15 სექტემბრის დადგომას, რათა ახალ სკოლაში მივსულიყავი, გამეცნო მასწავლებელები და კლასელები. რამდენიმე დღით ადრე ჩანთაც კი ჩავალაგე და მაშინ მოხდა ის, რაც მოხდა, გამოცხადდა, რომ 15 სექტემბრიდან სკოლაში სწავლა არ იწყებოდა და კლავ ონლაინ უნდა გვესწავლა. ძალიან ვნერვიულობდი, თუ როგორ უნდა გამეცნო ახალი მასწავლებლები და კლასელები, როგორ უნდა მესწავლა ახალ სკოლაში. ვფიქრობდი, რომ სწავლა ძალიან მოსაწყენი გახდებოდა, მაგრამ დარდს ცოტათი ის მიმსუბუქებდა, რომ ეს შეზღუდვა ყველა კლასებზე არ მოქმედებდა და ვფიქრობდი, რომ ვეკუაშიც იქნებოდა, რაღაც გამონაკლისები, თუმცა ამაოდ, უკანასკნელი იმედის ნაპერწკალი გამიქრა, საბოლოოდ გავიგე, რომ სწავლა მაინც ონლაინ დაიწყებოდა. მაგრამ ჩემი დარდი, რეალობასთან შეუსაბამო აღმოჩნდა, შემხვდნენ არაჩვეულებრივი კლასელები და შესანიშნავი მასწავლებლები. ერთმანეთს კარგად შევეწყვეთ, ძალიან ვმხიარულობთ, ვაწყობთ პოეზიის საღამოებსა და უამრავ კლასგარეშე შეხვედრებს.

როგორც უკვე ავღნიშნე, მყავს ძალიან კარგი მასწავლებლები და საუკეთესო კლასის დამრიგებელი. მიუხედევად იმისა, რომ სწავლა ონლაინ მიმდინარეობს, ჩვენ მაინც არ შევჩერებულვართ, ვშრომობთ დაუღალავად მასწავლებლებიც და მოსწავლეებიც. ვაკეთებთ იმის მაქსიმუმს, რაც უნდა გაგვეკეთებინა.

ჩემი უდიდესი სურვილი არის, რომ ძალიან მალე დამთავრდეს კორონა ვირუსი და დავუბრუნდეთ ჩვეულ ცხოვრებას, დავბრუნდეთ სკოლებში, მინდა ახლოს გავიცნო ჩემი ახალი მასწავლებელები და კლასელები. ასევე, უდიდესი სურვილი მაქვს ყველანი ვიყოთ ჯანმრთელად, რადგან ამასე დიდი ბედნიერება ქვეყნად არ არსებობს.

მადლობა ყველა მასწავლებელს ჩვენდამი გაწეული შრომისათვის.❤️

ყველას გილოცავთ დამდეგ შობა-ახალ წელს, მრავალს ბედნიერად და ჯანმრთელად დაესწარით.

ანდრია სამხარაძე

2020-12-28 11:38:42 UTC

ვეკუაში ჩაბარება ნამდვილად ყველაზე კარგი რამ იყო ამ წელს. გასულ სემესტრში ძალიან ბევრი ცოდნა და ემოცია მივიღე. ჩემი აზრით, ძალიან კარგი სემესტრი გამოვიდა რადგან იყო ძალიან საინტერესო და სახალისო. გაკვეთილების მიმართ ძალიან კარგად ვარ განწყობილი. იყო ზომიერად მხიარული, შემეცნებითი და სასიამოვნო. რაც შეეხება მასწავლებლებს და კლასელებს ისინი ნამდვილად საუკეთესონნი არიან. საახალწლოდ ძალიან მინდა რომ სასწაულებრივად ვირუსი მთლიანად გაქრეს. ასევე მინდა რომ ორიათას ოცდაერთი წელი ყველასთვის ბედნიერი და წარმატებული იყოს. მინდა ყველას ჯანმრთელობა ვუსურვო❤️

თეკლა შუკაკიძე

2020-12-28 12:26:38 UTC

ჩემს სიხარულს საზღვარი არ ჰქონდა როდესაც გავიგე რომ ვეკუაში ჩავაბარე, მინდოდა რაც შეიძლება მალე დაწყებულიყო სასწავლო წელი, გამეცნო მასწავლებლები და ჩემი ახალი კლასელები დავმეგობროდი მათ და ერთად ბევრი მხიარული და ემოციებით ახსავსე დრო გაგვეტარებინა, მაგრამ სექტემბრის რიცხვებში გამოაცხადეს რომ სწავლა ონლაინ გვექნებოდა.
ონლაინ სწავლის მიუხედავათ მე ჩემი კლასის გაცნობა მაინც მოვახერხე, ახლა ჩემი სურბილია სკოლაში მივიდეთ, უკეთ გავიცნოთ ერთმანეთი და ბევრი ემოციებით ახსავსე დრო გავატაროთ ერთად.
ყველას გილოცავთ ახალ წელს და იმედია მალე შევხვდებით🥰

დავით გვინდადძე

2020-12-28 14:24:34 UTC

ძალიან დიდი სურვილი მქონდა, რომ სწავლა ჩვეულ რეჟიმში დაწყებულიყო და გამეცნო ახალი კლასელები, მაგრამ კოვიდე-19 პანდემიის გამო სწავლა ონლაინ რეჟიმში დაიწყო, ძალიან მეწყინა მაგრამ ონლინე რეჟიმშიც სწავლა მშვენივრად და მხიარულად გრძელდეობოდა. ძალიან მომწონს ჩვენი მასწავლებლის ახსნის და გაკვეთილის გარჩევის სტილი, მაგრამ ვისურვებდი, რომ შემდგომში უფრო მეტი ფანტასტიკური და უცხოელი წერლის ნაწარმოები განვიხილოთ. პირველ რიგში ყველას ვუსურვებ ჯანმრთელობას და ვინ ახლა ავად არის მალე გამოჯანმრთელებას ვუსურვებ. ასევე ვისურვები , რომ დავბრუნდეთ საკლასო ოთახებში და დასრულდეს კოვიდ-19 ის პანდემია. ყველას გილოცავთ დამდეგ ახალ წელს.

რუსუდან კუპატაძე

ruskakupatadze2 — 2020-12-28 14:25:41 UTC

სურვილები შეუზღუდავი რაოდენობით გვაწვებიან მხრებზე. ყოველ ორ წუთში ერთხელ ადამიანს ახალი რაღაც უნდება და არ ეშვება, სანამ საწადელს არ მიაღწევს.
რა მინდა? ბევრი რამ, ძალიან ბევრი, ისევე როგორც ყველა სხვა ადამანს. დღეს-დღეობით უმრავლესობა მაინც ერთსა და იგივეს ნატრობს, კორონავირუსის "გაქრობას", ყველაფრის ისე დაბრუნებას, როგორიც იყო, თუმცა ასე არ მოხდება, ცხოვრება აღარასდროს იქნება ისეთი, როგორიც წარსულში. უცნაურია, მაგრამ ასეა, მიუხედავად ამ დაბრკოლებებისა ცხოვრება გრძელდება. სიცოცხლე ყოველთვის არ გვაძლევს საჩუქას, რომელსაც ველით, მაგრამ ნამდვილი საჩუქარი თვითონ სიცოცხლეა.

ეკატერინე ლიკლიკაძე

2020-12-28 14:32:12 UTC

სკოლა ამ სემესტრში ძალიან რთული იყო, მაგრამ ჩემი აზრით თავი გავართვით. ეს სემესტრი იყო ნაყოფიერი, რა თქმა უნდა სკოლაში რომ ვყოფილიყავით უფრო ბევრს შევძლებდით, მაგრამ ასეც კარგი სემესტრი გამოვიდა.
მე ძალიან მინდა და დიდი სურვილი მაქვს იმისა, რომ შემდეგ სემესტრში კორონა დასრულდეს და ყველანი ერთმანეთს შევხვდეთ.
საახალწლოდ ბევრი არაფერი მინდა. ერთადერთი რაც მინდა არის, რომ კორონა დასრულდეს და ქვეყანა ისეთი გახდეს, როგორც ადრე იყო.

ლუკა ჩახნაშვილი

2020-12-28 16:06:00 UTC

მთელი ზაფხული ვფიქრობდი, დაიწყებოდა თუ არა სწავლა კლასებში. მე მეგონა, რომ მცირე ხნით მაინც შევძლებდი კლასელების გაცნობას. სამწუხაროდ, ჩემი მოლოდნები არ გამართლდა, უფრო მეტად დამწყდა გული, რომ ამ სემესტრში საერთოდ ვერ შევხვდი კლასელებს. თუმცა, ამ ყველაფრის მიუხედავად, კარგად, შეუფერხებლად წარიმართა სასწავლო პროცესი და დასრულდა პირველი სემესტრი.
ვეკუაში ძალიან მომწონს პედაგოგები, მათი ახსნის მეთოდები. ბევრია საინტერესო გაკვეთილი და საუცხოო დავალება. არ შემიძლია არ აღვნიშნო, რომ ეს სკოლა იძლევა პროგრესის,საკუთარი შესაძლებლობების განვითარების საშუალებას, განსხვავებით სხვა მრავალი სკოლისა.
სურვილებს რა დალევს, უპირველესად მინდა დავბრუნდე სკოლაში და უკეთ გავიცნო კლასელები, გავხდე მათი ნამდვილი მეგობარი. მინდა ვიყოთ ერთი გუნდი და ვიცხოვროთ ისეთ ქვეყანაში, სადაც ჩვენი შესაძლებლობების განვითარებასა და რეალიზებას შევძლებთ.

დიდი მადლობა ყველა პედაგოგს გაწეული შრომისათვის!

ბედნიერ ახალ წელს გისურვებთ!

სიდონია ტალიაშვილი

2020-12-28 16:08:11 UTC

ჩემი პირველი სემესტრი, ნამდვილად არ წარმომედგინა ასეთი. ვფიქრობდი რომ კვირაში 5 დღე სკოლაში ვივლიდი, დავიღლებოდი, რთული გამოცდები მექნებოდა და ბავშვებს ვერ შევეგუებოდი, მაგრამ ყველაფერი პირიქით მოხდა. პირველი სემესტრი ძალიან უცნაური და საინტერესო იყო, საინტერესო გაკვეთილებით, მასწავლებლებით და დავალებებით. ძალიან კარგი მასწაბლებლები შემხვდნენ და ამის გამო ძალიან ბედნიერი ვარ. რაც შეეხება გაკვეთილებს, ყოველ მხრივ საინტერესო და ინფორმაციული გაკვეთილები გვქონდა, მაგრამ ხშირად იყო რომ ბავშვები ერთმანეთს საუბარს არ ვაცდიდით, ვისურვებდი ეს პრობლემა მეორე სემესტრში გამოსწორებულიყო. საახალწლოდ ბევრი სურვილი არ მაქვს. პირველ რიგში მინდა, რომ მსოფლიომ კორონა ვირუსი დაამარცხოს და ყველა ბედნიერი იყოს, მინდა რომ ჩემი ოჯახი ჯანმრთელად შეხვდეს ახალ 2021 წელს, თუმცა ძალიან გამიხარდენოდა ნებისმიერი საჩუქარიც, მაგრამ არ მეწყინება თუ არაფერს მივიღებ.🥰🥰🥰 ყველას გილოცავთ დამდეგ შობა-ახალ წელს!!!

ლუკა პაპიძე

2020-12-28 18:43:02 UTC

როდესაც ვეკუაში ჩავაბარე რათქმაუნდა როგორც ყველას მეც ძალიან გამიხარდა მაგრამ ის ფაქტი არ მესიამოვნა, რომ ბავშვებს და მასწავლელების გაცნობა ინტერნეტით მომიწია, მაგრამ მაინც ასე თუ ისე გავიცანი ყველანი. როდესაც შევიტყე, რომ კოვიდ-19-ის გამო ონლაინ ჩატარდებოდა გაკვეთილები რაღაც მხრივ გამიხარდა მაგრამ კიდეც მეწყინა რადგან, სრულიად უცხო ადამიანების ონლაინ გაცნობა მომიწევდა. ეს არეულ დარეული სემესტრი მაინც კარგი იყო იმ მხრივ, რომ გამოცდილება მივიღე ვეკუაში სწავლის.
ბედნიერი ახალი წლები <3

რატი რატიანი

2020-12-28 19:39:07 UTC

დაახლოებით ერთი წლის წინ ჩემი ყველაზე დიდი სურვილი ვეკუას სკოლაში ჩაბარება იყო.
მეც მოვინდომე, რადგან ძალიან მიყვარს მათემატიკა და ბევრს ვმუშაობდი. ოცნება ამიხდა და მე ამ სკოლის მოსწავლე გავხდი. ეს ძალიან მახარებს, თუმცა ვფიქრობ ეს დიდი პასუხისმგეობლობაც არის. ეს ნამდვილად განსაკუთრებული სკოლაა და თითოეული მოსწავლისგან განსაკუთრებულ სიყვარულს მოითხოვს წავლისადმი, დიახ სიყვარულს, რადგან ჩვენ იმ ასაკში ვართ როდესაც კარგად გვაქვს გაცნობიერებული გვინდა თუ არა ასეთ გამორჩეულ სკოლაში სწავლა. ამიტომ, ყოველ ჯერზე უნდა ვეცადოთ ჩვენი შედეგების გაუმჯობესება. რთული იყო სრულიად უცხო გარემოში ახალ პედაგოგენთან, თუ ახალ ბავშვებთან ვირტუალურად ურთიერთობა, მაგრამ ვფიქრობ ყველამ კარგად გავართვით თავი. ძალიან მინდა საკლასო ოთახში და ჩვენ ახალ სკოლაში ცოცხალი ურთირთობა. მადლობა ყველა პედაგოგს, იმისთვის, რომ გვასწავლით და დიდ ცოდნას გვაძლევს.

ბარბარე წირღვავა

2020-12-29 08:13:05 UTC

ეს კორნია წელიც მთავრდება...
როგორი სახალისო იყო მაინც...
ჩემს კლასელებს არ ვიცნობ ისე კარგად როგორც ჩვენს ვეკუელებს. წარმოგიდგენიათ? ვეკუას დახმარებით საუკეთესო მეგობარიც მყავს! ჩემი ანა! ანა ძირკვაძე! რომელსაც ჩემი მთელი ცხოვრება ვეძებდი! მასწავლებლებს რაც შეეხება ჩემი ფავორიტები არიან ნონა თოდუა ნინო ნასკიდაშვილი და ნუგზარ მახათაძე. ნინო მასწი, ნინო მასწი არის ჩემი ოჯახის წევრი, ის არაა უბრალო მასწავლებელი რომელიც "გყავს რა" ასეთი მასწავლებელის მით უმეტეს დამრიგებლის ყოლისთვის იღბალი უნდა გქონდეს. ასევე ნონა მასწავლებელი, ის ფიზიკის მასწავლებელია, მან ფიზიკა ისე ჩამიდო თავში, რომ ვერც კი გავიგე! ის ტკბილია, არ ჩხუბობს არასდროს და თუნდაც 10 ჯერ რომ შეეკითხო 11ჯერ აგიხსნის ოღონდაც გაიგო. და ჩემი უსაყვარლესი მათემატიკის მასწი ნუგზარი. ის ერთადერთი "კაციმასწია" და მას საშაბათომდეც ვიცნობდი, თუმცა ჩემს არც ერთი ოჯახის წევრი არ ყოფილა ვეკუაში. ჩემი უზარმაზარი სურვილია რომ ყველას შევხვდე და ჩავეხუტო, თუნდაც ბიჭებს, ისინიც ხომ ჩემი მეგობრები არიან? მაგრამ ამდენ კარგთან ერთი უცნაურობაცაა😂 ჩვენ არ ვიცით ვინაა სპორტის მასწავლებელი, რა ქვია, როგორია, კაცია?, ქალია?, ძალიან მაინტერესებს!!!

ვეკუაში რომ ჩავაბარე ძალიან გამიხარდა,მაგრამ ძველი სკოლის მეგობრებზე ვფიქრობდი არ მინდოდა მათი დაკარგვა,მეგონა რომ ამ სკოლაში მე ისეთი ბევრი მეგობარი ვერ მეყოლებოდა,მაგრამ შვცდი.ეს კლასი ძალიან მშრომელი,მეგობრული და ხალსიანი გამოდგა.უკეთესი იქნებოდა პირპაპირ სკოლაში რომ ვიყოთ,რადგან დისტანციური სწავლა არ მიყვარს და მარტო მე კი არა არამედ არავის.იმედია შემდეგი სემესტრი დისტანციურად არ დავეკონტაქტებით ერთმანეთს,რადგან ძალიან მომწონს ეს კლასი და მასწავლებლებიც და მინდა რომ მათთან პირადი კონტაქტი მქონდეს.ეს სემესტრი ძალიან რთული იყო,მაგრამ ნაყოფიერი.ყველა კლასელს არ ვიცნობ კარგად ამიტომ მინდა შემდეგ სემესტრში ყველა კარგად გავიცნო.ხო და კიდევ ფრთხილად იყავით კორონასთან!

2021-01-06 13:09:16 UTC

საბა ჩუბინიძე

2021-01-10 11:19:16 UTC

ყველაზე განსხვავებული წელი იყო, კორონა, შეშინებული ხალხი, მაგრამ ვერ ვიტყვით რომ ცუდი წელი იყო. კორონა რომ არა ყველაფერი კარგი მოხდებოდა. ჩემი დიდი სურვილი იყო ვეკუაში ჩაბარება და ჩავაბარე კიდეც. შემხვდნენ საოცარი კლასელები და მასწავლებლები, რომელთა წყალობითაც ეს სემესტრი დაუვიწყარია. მომავალ წელს მინდა კორონა დასრულდეს, სკოლებში დავბრუნდეთ, უფრო კარგად გავიცნოთ ერთმანეთი და უფრო დავმეგობრდეთ.🥰🥰🥰

2021-01-16 08:18:21 UTC

ორი წლის წინ მიზნად დავისახე ჩამებარებინამ ამ სკოლაში. ჩემმა მუშაობამ და სურვილმა შედეგი გამოიღო. სრულიად შემთხვევით მოვხვდი ნანა მეტრეველთან, მასთან ერთად მუშაობამ უფრო გამიღრმავა ცოდნა და ჩემს მიზანთან ძალიან ახლოს მიმიყვანა.
ემოციური იყო წინა საგამოცდოს სამზადისი, ონლაინ გაკვეთილები, სტრესული სიტუაცია, რომელიც შეცვალა ჩემმა საგამოცდო პასუხმა. ეს იყო ზღვა დადებითი ემოცია შეგრძნება იმისა, რომ მიზანი მიღწეულია.
სიხარულით ველოდებოდი სექტემბრის მოსვლას, ახალი მეგობრები, ახალი ურთიერთობა, ათასი ფიქრი მიტრიალებდა თავში, თუმცა იმედი გამიცრუვდა რადგან ონლაინში სწავლა დაიწყო. მიუხედავად სრული საგვაკეთილო სწავლებისა სადაც ჩართულია თითოეული პედაგოგი მაქსიმალურად. ვისურვებდი, რომ დავმეგობრდეთ და ცოცხალ ურთიერთობებს დავუბრუნდეთ და ონლაინ გაკვეთილები დასრულდეს და გავაგრძელოთ ცხოვრება ურთიერთობებით💘

2021-01-18 09:38:08 UTC

გიგა გოგოხია
2020 წელს ჩემი ყველაზე დიდი მიზანი ვეკუაში ჩაბარება იყო და როგორც ჩანს ვარჯიშის შედეგად ეს გამომივიდა. ეს წელი ჩემთვის ძალიან უცნაური იყო, როცა სკოლებში პირველკლასელები მიდიოდნენ და მათ სწავლა ონლაინ უწევდათ მათ ეს არ მოსწონდათ. თავიდან არ მესმოდა მათი. მაგრამ როცა ეს მეც დამემართა მაშინ გავიგე მათი. ახალ სკოლაში არაჩვეულებრივი კლასელები შემხვდა და ძალიან მიხარია. მასწავლებლებიც იმდენად კარგები არიან ონლაინაც მოახერხეს ჩემთვის თავის შეყვარება, ასე მგონია მათ დიდი ხანია ვიცნობ. იმედია მალე შევხვდებით და ერთმანეთს კარგად გავიცნობთ მიუხედავად იმისა რომ ამაში ხელს კორონა გვიშლის.

2021-12-26 10:40:23 UTC