Joseph, un viúvo alcohólico dominado pola violencia atopa esperanzas de redención en contacto con Hannah, unha traballadora da caridade cristián. Joseph ironiza sobre a fe de Hannah e a súa idílica existencia. Pronto percibe que a vida de Hannah non ten nada de plácida. A relación avanza e descobren que o amor e a amizade aparecen incluso nos lugares máis escuros. Dirixida polo tamén actor Paddy Considine, premiada en Sundance.

Wiseman amosa en Domestic violence as posibles respostas á violencia de xénero doméstica e as aplicacións en mulleres e cativos. O relato recolle a acción policial, os grupos de terapia, as actividades educativas e os centros de prevención en localidades de Tampa (Florida). Gañadora no Festival de Chicago. 

 

Tempo despois da Guerra da Iugoslavia. Esma vive coa súa filla Sara no barrio de Grbavica (Sarajevo). Organízase unha viaxe no colexio e Esma quere que a súa filla Sara, de doce anos, participe. Sara precisa presentar un certificado que acredite que o seu pai morreu como un mártir na guerra para conseguir un desconto. A situación económica de Esma fai que traballe polas noites de camareira nunha discoteca. Sara quere saber as circunstancias da morte do seu pai e mesmo sofre as burlas de compañeiros/as. Esma, perseguida polos violentos acontecementos do seu pasado, asiste a unha terapia de grupo no Centro de Mulleres do barrio. Que feitos terribles garda na súa memoria? Gañadora en Berlín 2006 e participante en Sundance.