Arfurinn by Þorkell Hrafn Einarsson

lun13thorkell — 2025-02-06 13:05:24 UTC

Arfurinn Eftir Arndísi Þórarinsdóttur

Söguþráður

lun13thorkell — 2025-02-06 13:12:25 UTC

Sagan fjallar um 12 ára strák sem heitir Hannes. Foreldrar Hannesar skildu og pabbi og systir hans, Álfrún, fluttu. Hannes og mamma hans eru saman. Píanokennarinn hans, Guðvarður, lést og Hannes gaf Guðvarði loforð að tortíma bók á Snæfellsjökli 21. júní. Það var versti tími sem gat verið því þá þurfti hann að vera á þremur stöðum á sama tíma. Hann átti afmæli á þessum degi, Hann var að fara að keppa á píanómóti og nú þurfti hann líka að vera á Snæfellsnesi. Síðan fór dularfullt fólk að hóta skólastjóraum Völu. Þau voru að leita að bókinni. Hannes vissi fyrst þarna að hann þyrfti að tortíma bókinni svo hann hringdi í Álfrúnu og bað hana að skutla sér á Snæfellses. Hún skuldaði Hannesi greiða svo hún gerði það fyrir hann. Þau lenda í mörgum ævintýrum á leiðinni og undarlega fólkið, sem kom seinna í ljós að þau væru frá undirheimum, elta þau og reyna að ná bókinni af þeim. Í endann slasast Álfrún en hún bjargast. Hannes kemst að lokum á Snæfellsnes, brennir bókina OG kemst til Stokkhólms.

Sögusvið

lun13thorkell — 2025-02-06 13:12:35 UTC

Það eru mörg sögusvið í þessari bók. Eitt af þeim eru hverfið hans og húsið hans þar sem sagan byrjar. Bíllinn hennar Álfrúnar sem þau notuðu til að komast á Snæfellsnes og Þjóðvegurinn kannski. Svo er líka Skálholt þar sem Björgunarsveitin var að berjast við verurnar og Stokkhólmur þar sem Hannes keppti. Svo er auðvitað Snæfellsnes og Snæfellsjökull þar sem Hannes þurfti að brenna bókina.

Sögutími

lun13thorkell — 2025-02-06 13:12:46 UTC

Ytri tíminn er nútíminn. Hún gerðist á 21. öldinni örugglega sirka 2021 því að hann var með nýjustu símategundina og þau voru með nýtísku bíl og fleira.

Innri tíminn. Sagan er svona sirka 5-6 vikur að gerast því að hann var lengi enn heima í hverfinu sínu eftir að Guðvarður dó. T.D. þegar hús Guðvarðar hrundi var hann enn heima og þegar dularfulla fólkið birtist var hann enn heima. Svo var hann náttúrulega lengi að keyra með Álfrúnu.

Persónur

lun13thorkell — 2025-02-06 13:13:22 UTC

Helstu aðalpersónur í bókinni eru t.d Hannes, Álfrún, systir eða fyrrverandi systir Hannesar, Guðvarður, píanókennari Hannesar og ég myndi segja að vonda undirheimafólkið teljast sem aðalpersónur því það var mikið talað um þau í bókinni.

Aukapersónur eru t.d. Mamma Hannesar(það kemur ekki fram hvað hún heitir) Bókavörðurinn sem vildi fá bókina af Hannesi, Siggi, pabbi Hannesar, Vala skólastjóri sem vonda fólkið hótaði, Björgunarsveitin, Konan í kirkjunni sem sagði frá friðsemd, Starfsmennirnir á bensínstöðinni og kynnirinn á píanómótinu.

Mat á bókinni/Boðskapur

lun13thorkell — 2025-02-06 13:13:54 UTC

Mér fannst bókin vera góð blanda af skemmtilegu og spennandi. Mér fannst hún skemmtileg vegna þess að það var mikið að gerast í bókinni og eiginlega aldrei sem það var bara leiðinlegur kafli eða partur. Mér fannst hún spennandi vegna þess að þau voru elt af furðuverum sem vildu drepa þau og fá bókina og svo var svo mikið af óvæntum uppákomum og hindrunum. Ég held að boðskapurinn í bókinni sé að gefast ekki upp á markmiðum sínum.

Ég gef þessari bók 4/5 stjörnur