1. Aðildarríki viðurkenna að andlega eða líkamlega fatlað barn skuli njóta fulls og sómasamlegs lífs, við aðstæður sem tryggja virðingu þess og stuðla að sjálfsbjörg þess og virkri þátttöku í samfélaginu.  

2. Aðildarríki viðurkenna rétt fatlaðs barns til sérstakrar umönnunar, og skulu þau stuðla að því og sjá um að barni sem á rétt á því, svo og þeim er hafa á hendi umönnun þess, verði eftir því sem föng eru á veitt sú aðstoð sem sótt er um og hentar barninu og aðstæðum foreldra eða annarra sem annast það. 

3. Með tilliti til hinna sérstöku þarfa fatlaðs barns skal aðstoð samkvæmt 2. tölul. þessarar greinar veitt ókeypis þegar unnt er, með hliðsjón af efnahag foreldra eða annarra sem hafa á hendi umönnun þess, og skal hún miðuð við að tryggt sé að fatlaða barnið hafi í raun aðgang að og njóti menntunar, þjálfunar, heilbrigðisþjónustu, endurhæfingar, starfsundirbúnings og möguleika til tómstundaiðju, þannig að stuðlað sé að sem allra mestri félagslegri aðlögun og þroska þess, þar á meðal í menningarlegum og andlegum efnum. 

4. Aðildarríki skulu í anda alþjóðlegrar samvinnu stuðla að því að skipst sé á viðeigandi upplýsingum um fyrirbyggjandi heilsugæslu og læknisfræðilega, sálfræðilega og starfræna meðferð fatlaðra barna, þ. á m. með dreifingu á og aðgangi að upplýsingum um endurhæfingaraðferðir, menntun og atvinnuhjálp, er miði að því að gera aðildarríkjum kleift að bæta getu sína og færni og auka reynslu sína að þessu leyti. Hvað þetta snertir skal tekið sérstakt tillit til þarfa þróunarlanda.

Barnaheill – Save the Children á Íslandi hafa frá upphafi lagt áherslu á að vinna að mannréttindum barna á Íslandi. Með Barnasáttmálann að leiðarljósi hafa helstu áherslur verið á að standa vörð um réttindi barna, baráttu gegn ofbeldi á börnum, heilbrigðismál og að efla áhrifamátt barna í íslensku samfélagi. 

Samtökin hafa hafa meðal annars vakið athygli á og fjallað um fátækt, mansal á börnum, kynferðisofbeldi gegn gjaldi (sex tourism) og vegalaus börn. Þá hafa Barnaheill skilað fjölda lagaumsagna og ályktana til Alþingis og stjórnvalda auk þess að standa að undirskriftasöfnunum sem beint er til stjórnvalda til að knýja á um úrbætur á ýmsum sviðum sem varða heill og velferð barna.
https://www.barnaheill.is/is/starfid-okkar/gaetum-rettinda-barna

Mikilvægt er fyrir leikskóla kennara að þekkja réttindi barna. Þegar foreldri skráir barn á leikskóla, gefur hann starfsfólki skólans rétt til að annast uppeldi, menntun og umönnun barnsins og því fylgir gríðarlega mikið traust. Starfsmönnum leikskóla er treyst fyrir að taka réttar ákvarðanir og að bregðast rétt við í mismunandi aðstæðum er varðar barnið. Því þurfa starfsmenn leikskóla að vera meðvitaðir um hvað börnum er fyrir bestu og teljum við það vera nauðsynlegt að kynna alla starfsmenn leikskóla fyrir reglum um réttindi barna.

Stjórnaskrá lýðveldisins Íslands nr. 33/1944 eru æðstu lög landsins og verða því sett lög að standast ákvæði stjórnarskrárinnar. Í 65. gr. laganna er jafnræðisregla og kveður hún á um að allir séu jafnir fyrir lögum. Í 76. gr. er kveðið á um að börnum skulu vera tryggð vernd og umönnun sem velferð þeirra krefst.

Barnalög nr. 76/2003 eru sett útfrá þeim ákvæðum sem koma fram bæði í barnasáttmálanum og stjórnarskráinni. 1. gr. laganna snýr að réttindum barnsins og er það einnig megin markmið laganna. Í 1. mgr. 1. gr. kemur fram það sem mestu máli skiptir í þessu samhengi „Barn á rétt á að lifa, þroskast og njóta verndar, umönnunar og annarra réttinda í samræmi við aldur sinn og þroska og án mismununar af nokkru tagi. Óheimilt er að beita barn hvers kyns ofbeldi eða annarri vanvirðandi háttsemi.“

Lög um leikskóla nr. 90/2008 eru sett vegna alls ofangreinds. Þessi lög hafa að geyma allar helstu reglur sem leikskólakennarar þurfa að taka tillit til í sínu starfi og eru ýtarlegri útfærsla á þeim skyldum sem mótast af réttindum barna. Gildissvið laganna kemur fram í 1. gr. „Lög þessi taka til starfsemi leikskóla. Leikskólinn er fyrsta skólastigið í skólakerfinu og er fyrir börn undir skólaskyldualdri. Leikskóli annast að ósk foreldra uppeldi, umönnun og menntun barna á leikskólaaldri í samræmi við lög þessi.“ Leikskólakennarar taka við uppeldi foreldra á meðan barnið er í leikskólanum og má því með sanni segja að starfið mikilvægt.