Outro campo sería que, coa personalización da educación flexibilizamos a aprendizaxe do alumnado, mentras que coa individualización o único que facemos é excluír ao alumno/a da aula.

Ademais, axudoume a reflexionar sobre as miñas habilidades e capacidades como persoa, de forma que poda reflexionar sobre isto para ou ben intentar mellorar, ou ben seguir manténdome na mesma liña na que me atopo.

Polo tanto, a materia e a elaboración do portafolio permitiume a nivel profesional mellorar como futura docente e adaptarme ás demandas tanto da sociedade actual como do sistema educativo, reflexionando sobre todos estes aspectos co propósito de incluílos na miña futura docencia.

Finalmente, considero que a elaboración do portafolio tamén me permitiu poder reflexionar sobre o que é a función docente e todo o que abarca, que dende logo, non só se resume á docencia.

Sumado a isto, no portafolio abordei as prácticas voluntarias, que dende logo aportáronnos aspectos como os patios inclusivos, formas de avaliación e metodoloxías, lectura fácil, identificación do abuso sexual nos nenos/as… que dende logo representan parte fundamental da nosa labor e proporciónanos un coñecemento que poderemos aplicar na nosa futura profesión.

Non quero rematar esta pequena reflexión sen comentar que o portafolio serviume para reflexionar sobre o sistema educativo actual e vinculalo coa realidade, pois a educación cambia e en moitos casos xa non se realiza como cando éramos pequenos/as (aspecto que puiden observar nas miñas prácticas) de forma que realizar o portafolio a partir dos contidos e experiencias da materia brindoume un choque coa realidade, así como a adquisición de coñecementos que son fundamentais aplicar na miña futura labor.

A través deste proceso, podo identificar os meus logros, intereses, fortalezas e aqueles aspectos nos que preciso mellorar, o que me axuda a ter unha visión máis completa de min mesma, así como tamén do meu traballo realizado.

Ademais, sérveme para organizar mellor as miñas ideas e obxectivos, facilitando a planificación do meu futuro tanto a nivel académico como persoal.

Finalmente, tamén considero que é unha ferramente moi útil para mostrar o meu traballo, as miñas capacidades e a miña evolución. Ao mesmo tempo, este proceso axúdame a desenvolver habilidades importantes como a comunicación, a reflexión crítica e a capacidade de planificación, converténdose así nun recurso dinámico e valioso que podo ir modificando e actualizando ao longo do tempo.

Ademais, permitiume desenvolver habilidades fundamentais da docencia, como a autoavaliación, a planificación ou mesmo a reflexión crítica, o que se converterá nun recurso útil para mostrar o meu perfil profesional de maneira organizada e persoal.

Así mesmo, axudoume a organizar mellor o meu traballo, a marcar obxectivos de mellora e a desenvolver habilidades como a autonomía, a responsabilidade e a capacidade crítica.

Ademais, serviume como guía para coñecer mellor quen son, como aprendo e cara onde quero ir e enfocar a miña futura labor docente.

Así mesmo, as conversas desenvolvidas nas aulas abertas foron especialmente valiosas, pois a intervención de docentes profesionais achegounos á realidade cotiá do traballo nunha aula.

Por outra banda, a realización das diversas tarefas propostas, como as prácticas voluntarias e outras actividades complementarias, contribuíron de maneira significativa ao meu desenvolvemento profesional. Estas experiencias permitíronme aplicar os contidos teóricos ao contexto real, reforzar a miña autonomía e responsabilidade, e mellorar a miña capacidade de análise e reflexión crítica.

En conxunto, considero que todo este proceso foi moi positivo para a miña formación como futura mestra.

Ademais, permitiume evidenciar e recopilar o traballo realizado ao longo de toda a materia, algo que considero moi valioso para a miña futura labor docente. Foi especialmente enriquecedor reflexionar e valorar o rol da titoría de maneira favorable, posto que a miña experiencia foi sempre negativa.

Ademais, penso que reforcei e adquirín coñecementos de gran utilidade, xa que están directamente relacionados coa realidade cotiá das aulas. Ser consciente desta realidade contribúe de maneira moi positiva á miña formación como futura docente.

Ademais, agradezo e valoro moito a oportunidade de ter cursado esta materia co alumnado de Educación Primaria, posto que son persoas novas, con ideas orixinais e innovadoras dos que aprendín moito.

Grazas a este proceso, fun capaz de avaliar, dende a miña posición actual como futura mestra, se as accións e estratexias desenvoltas polos meus mestres no colexio ou durante o período de prácticas eran axeitadas, xustificadas e coherentes coas teorías e enfoques traballados.

A combinación entre reflexión e práctica favorece unha aprendizaxe máis significativa e duradeira, permitindo conectar os contidos teóricos coas experiencias reais e co contexto educativo.

Ademais fíxome recordar aspectos da miña etapa educativa, ata onde estou agora, permitíndome cambiar a miña perspectiva sobre certas cousas das que antes non tiña coñecementos.

En definitiva, podo decir que me abriu portas que non coñecía e sobre todo axudoume a reflexionar sobre min mesma na miña etapa educativa e a pensar nun futuro sobre a miña labor como docente, co que podo contar e co que non.

Ademais diso tamén me permitiu desenvolver novas habilidades como a autocrítica, autoavaliación, reflexionar e analizar tanto dende un punto de vista profesional como persoal certas problemáticas, que vistas dende diferentes polos a resposta cara elas son moi diferentes.

O propio portafolio poderá ser un bo recurso, nun futuro, para poder recorrer a el e ir mellorando nas miñas habilidades, destrezas e actitudes.

Outro aspecto do que me gustaría falar é sobre as miñas aprendizaxes pois nel recollo unha serie de reflexións e explicacións previas sobre o traballado nas diferentes sesións que me poden servir de axuda, por exemplo os test de autocoñecemento, diferentes vídeos que mostran a realidade dos nosos días, entre outras moitas.

Ademais, tamén foi unha forma para ir ao día para chegar a ter, finalmente, unha liña de evolución da materia, podendo sempre volver atrás para rectificar.

Ademais, permitiume levar un maior e mellor seguimento e organización da materia, pois grazas ao mesmo puiden relacionar contidos de diferentes clases e que podían enriquecer as reflexións xa feitas, ademais de decatarme de que cambios están na miña man facer.

E xa, como futura docente/titora, serviume para coñecer novas ferramentas ou metodoloxías que son interesantes á hora de aplicalas na aula, polo que abrir este abano é importante, xa que son recursos que posiblemente nalgún momento precisaremos ou nos gustaría ter información á man, polo que ter estes coñecementos serán moi útiles á hora de aplicalas correctamente.

Tamén engadir que esta metodoloxía me parece máis enriquecedora que outras, pois o feito de ter que pensar e realizar análises dos contidos, prácticas, debates... realizados na aula, leva a unha aprendizaxe máis enriquecedora e integrada en nós mesmos/as.

No caso do meu grupo, coa caixa de convivencia, tiven a oportunidade de analizar como realmente inflúe a mesma no centro educativo, e o impacto que ten no desenvolvemento da aprendizaxe. Ademais, a través das diversas liñas de acción puidemos coñecer moitas alternativas que poden enriquecer a mesma, pois son modificacións sinxelas pero que as súas consecuencias poden ter un gran impacto positivo.

Ademais, a interacción das clases permitiume tamén aprender dos demais, tanto da propia docente como dos meus compañeiros, polo que me enriquecín moito das diferentes opinións e traballos.