2- Կարելի է ստեղծել տնային շարժապատկերի մթնոլորտ, դիտելով մայրիկին հետ ունեցած ձեր հին պատկերները: Անոնք կրնան հաճելի յիշատակներ արթնցնել ձեր մէջ:
 3- Ընտանիքին կեանքին մէջ գտէք ծիծաղաշարժ երեւոյթներ ու դէպքեր: Երեկոն միասին անցնելով, փորձեցէք վերյիշել եւ գրի առնել ընտանեկան կեանքէն ներս  անցնող տարուան ընթացքին տեղի ունեցած ծիծաղաշարժ ու հաճելի երեւոյթներն ու պատահարները: Այսպիսով երջանիկ պահեր պարգեւած կ՛ըլլաք ձեր մայրիկին:
 4- Երաժշտութեամբ պայծառացուցէք ձեր ընտանեկան մթնոլորտը:  
 5- Մայրերու Օրը շատ իմաստալից կ՛ըլլայ ամուսինին եւ զաւակներուն կողմէն կնոջ կամ մօր պարգեւել այն ինչ, որուն կարիքը ունի: Ցանկը երկար է, բայց կարելի է յիշել հետեւեալները.-
 * Մայրիկին ազատ ժամանակ պարգեւել:
 * Առաւօտեան մինչեւ ուշ ժամերը քնանալու առիթ ստեղծել մայրիկին:
 * Քոյրիկ-աղբարիկ «կռիւները» յետաձգել մինչեւ յաջորդ օրը:
 * Որեւէ բան, որուն կարիքը ունի մայրիկը՝ ձեր կարծիքով:
 6- Ծաղիկներ ցանեցէք կամ նոյնիսկ ծառ տնկեցէք ձեր մայրիկին համար: Կարելի է նոյնիսկ ծառ մը տնկել եւ յետագային անոր տուած իւրաքանչիւր պտուղին հետ անգամ մը եւս յիշել կամ պատուել մայրիկը: Պարտէզին մէջ երեխաները կրնան քաղցր խօսքեր գրել մայրիկին՝ հողին վրայ:
 7- Վերջապէս ինչպէ՞ս կարելի է երեւակայել մայրերու օր առանց ամուր «փաթթուկներու» կամ տաքուկ եւ համովիկ «պաչիկներու»:

 

Ես իմ մայրիկիս նախաճաշ պիտի պատրաստեմ ։Վերջը անոր պատկեր մը պիտի գծեմ իմ ծրագիրս այսպէս է։