Unnið verður með viðfangsefni þemans í hópum, t.d. með púslaðferðinni. Þá draga nemendur dýr sem þau síðan leika og finna þannig hópfélaga sína. Þau byrja á að vinna í heimahópum þar sem þau ræða spurningar um dýrin. Spurningarnar gætu t.d. verið Hvað borðar dýrið?, Hvernig lítur dýrið út? Hvaða hljóð gefur dýrið frá sér? Framleiðir dýrið einhvern mat sem við borðum? o.s.frv. Nemendur skipta síðan námsefninu á milli sín og fara svo í sérfræðingahópa þar sem þau fræðast um viðfangsefni hinna hópanna og fara svo aftur í heimahópa sína að því loknu og fræða hópfélaga sína um það sem þau lærðu í sérfræðingahópunum.
Að lokum verður unnið með sveitina og dýrin á myndrænan hátt í samstarfi við myndmenntarkennara, þar sem nemendur teikna og föndra bóndabæ með uppáhalds dýrunum sínum og umhverfi þeirra.