Моя звездная доска Padlet by Kundyz Mustafaeva

Елімізде 5 мың педагог жетіспейді

mustkuz2002_1 — 2024-05-02 09:35:31 UTC

Бүгінде елімізде 5 мың педагог жетіспейді. Бұл көрсеткіш жылдан-жылға артып келеді. Ал педагогика саласында оқыған әрбір бесінші түлек өз мамандығы бойынша жұмыс істемейді.

Мектептерді қауіпсіз орынға айналдыру

mustkuz2002_1 — 2024-05-02 09:36:34 UTC

Мектеп ең қауіпсіз орынға айналуға тиіс. Мектепте балалар өзін қай жағынан да жайлы сезінуі керек. Бөгде адамдардың мектепке кіруіне жол беруге болмайды. Сондықтан, білім ошақтарының бәріне дабыл қағу, бейнебақылау жүйесі орнатылуы керек.

Заман талабына бейімделу

mustkuz2002_1 — 2024-05-02 09:37:24 UTC

Балаларымыз заманға сай озық білім алуы қажет. Қазір еңбек нарығы өте жылдам өзгеруде. Көптеген салаға жасанды интеллект еніп жатыр. Бұл үдеріс жылдан жылға қарқын ала беретіні сөзсіз. Бүгін жоғары сұранысқа ие мамандық ертең қажет болмай қалуы мүмкін. Ғалымдар 2050 жылға қарай қазіргі кәсіптердің жартысына жуығын цифрлық және техникалық жүйелер алмастырады деген болжам айтып отыр. Сондықтан, азаматтарымыз жаңа заманға қажетті дағдыларды үйренуі керек. Бұл – өте маңызды міндет.

Мектептегі орын тапшылығын жою

mustkuz2002_1 — 2024-05-02 09:38:50 UTC

Мектептердегі оқушы орны тапшылығы мәселесі де өте өзекті болып тұр. Бұл проблеманы шешу үшін өткен жылдың желтоқсан айында Үкімет «Жайлы мектеп» жобасын қабылдаған. 2025 жылдың соңына дейін 842 мың оқушыға арналған 401 жаңа, заманауи, жайлы мектеп ашылмақ. 218 мектеп – қалада, 183 мектеп ауылдық жерде бой көтереді. 2023-2024 жылдары – 226 мектеп, 2024-2025 жылдары 175 мектеп пайдалануға беріледі деп жоспаланып отыр.

Кітапханаларды дамыту

mustkuz2002_1 — 2024-05-02 09:40:03 UTC

Кітапханада қажетті кітаптың бәрі болуы керек, яғни әдебиет қала және ауыл оқушыларына бірдей қолжетімді болуы тиіс. Балаларға тең мүмкіндік беру үшін білім сапасын барлық аймақта бірдей жақсарту қажет.

Қала мен ауыл мектептеріндегі білім сапасының теңсіздігін жою

mustkuz2002_1 — 2024-05-02 09:42:20 UTC

Елімізде 7 500 мектеп бар. Оның 6 мыңы – ауылдық мектеп. Осы ауылдық мектептің 4 мыңы – толыққанды 1 200-ден 3 600 балаға дейін оқитын ірі білім ошақтары, қалғаны – шағын мектептер. Ауыл мектептері мен қала мектептеріндегі білім сапасының алшақтығы ауқымды мәселеге айналып отыр. Ауыл балаларының білім алу мүмкіндігі шектеулі екені баршаға мәлім. Бұған қажетті құрал-жабдықтың және білікті педагогтердің тапшылығы себеп болып отыр. Ауылдағы білім ошақтарының тең жартысы – шағын мектептер. Онда барлық пәннің мұғалімі бола бермейді. Бір сыныпта әртүрлі жастағы балалар оқиды. Мұның бәрі – жылдар бойы қордаланған түйткілдер. Оның көбі жұрттың жаппай қалаға көшуіне байланысты туындап отыр. Ауыл мектептерін зияткерлік, сондай-ақ қоғамдық орталық ретінде дамыту маңызды.

Мектептерді жоғары интернетке қосу

mustkuz2002_1 — 2024-05-02 09:46:00 UTC

ICILS-2018 зерттеулері бойынша қазақстандық мектеп оқушылары цифрлық сауаттылықтықтан 14 қатысушы мемлекеттің ішінде ең соңғы 14-орында болған. Оқушылардың 54 пайызы компьютерлік және информатикалық сауаттылық бойынша ең төменгі 1-деңгейге де жете алмаған. Сонымен бірге, еліміздегі мектеп оқулықтарының 20 пайыздан астамында цифрлы баламасы жоқ. Мектептердің тек 18,5 пайызында ғана интернет талапқа сай. Жүйе цифрлы контенттің өте аздығымен, цифрлы орта тиісінше дамымағандығы және цифрлы мәдениеттің төмендігімен сипатталады.

Оқушыларға озық біліммен қатар өнегелі тәрбие беру

mustkuz2002_1 — 2024-05-02 09:49:02 UTC

2016 жылы бекітілген оқушылардың мектеп формасы мен киіміне қатысты бұйрық бар. Ол өзгерген жоқ. Сондықтан, балалар білім ордасына мектеп формасымен келуі керек. Бұл балалардың бірдей білім алуы үшін жасалып отыр. Бірінші кезекте біз негізгі мақсат пен адамдардың қосымша ойын шатастырмауымыз керек. Бала мектепте сапалы білім мен саналы тәрбие алуға міндетті.