Ychydig a wyddys am y dyn a ddisgrifiwyd gan Shakespeare yn Henry IV, Part I fel ‘not in the roll of common men’ [‘nid un o blith y gwŷr cyffredin’].

Ond does fawr o amheuaeth fod Owain Glyndŵr, yr arweinydd carismatig, wedi cyflawni llawer o’r daroganau canoloesol cyfrin am atgyfodiad y ddraig goch.

Roedd o waed bonheddig a chafodd fagwraeth gonfensiynol, yn rhannol yn Lloegr o bobman! Roedd ei waed brenhinol yn hybu’r hawl a wnaeth i fod yn Dywysog Cymru, gan ei fod yn ddisgynnydd uniongyrchol i dywysogion Powys a Chyfeiliog, ac oherwydd ei statws, dysgodd Saesneg, astudiodd yn Llundain, a daeth yn filwr teyrngar a nodedig i frenin Lloegr, cyn dychwelyd i Gymru a phriodi.