Sa pagsusulit na ito, napagtanto ko kung gaano kahalaga ang pagiging handa at masusing pag-aaral sa bawat aralin. Kahit hindi masyadong mataas ang aking nakuha na marka, naging paalala ito na kailangan ko pang pag-igihan at pagtuunan ng oras ang mga paksa na mahirap para sa akin. Nakatulong din ang pagsusulit na ito para malaman ko kung saan bahagi ako dapat magpursige. Sa susunod, sisikapin kong mas pag-aralan ang mga leksyon upang mas mapabuti ang aking resulta at mas maintindihan ang mga konsepto sa Araling Panlipunan.

---

Sa gawaing ito, natutunan ko kung paano gamitin ang demand function sa pagkukuwenta ng quantity demanded at paggawa ng graph. Naunawaan ko na kapag tumataas ang presyo, bumababa ang demand, at kapag bumababa naman ang presyo, tumataas ang demand. Naging malinaw sa akin kung paano ito ipinapakita sa graph at sa demand schedule. Nakita ko rin kung gaano kahalaga ang demand sa paggalaw ng ekonomiya, dahil ito ang nagpapakita ng kagustuhan at kakayahan ng mga mamimili

Sa gawaing ito, natutunan ko kung paano kinukuwenta ang quantity supplied gamit ang supply function at kung paano ito inilalarawan sa supply curve. Naunawaan ko na kapag tumataas ang presyo, mas dumarami ang gustong ipagbiling produkto ng mga prodyuser, at kapag bumababa ang presyo, mas kaunti ang kanilang handang ibenta. Ang paggawa ng supply schedule at graph ay nakatulong upang mas maintindihan ko ang ugnayan ng presyo at dami ng produkto sa pamilihan. Napatunayan ko rin na ang supply ay mahalagang bahagi ng balanse sa ekonomiya.