E-Estranghero sa sarili iniala’y natamasa Noong una'y hindi pa nila inaakala

A- Ang mga bagay na hindi pa nila natutunghayan, Unti-unti na nilang natutuklasan

C- “Calling ito kung tawagin, Alam kong ito ay para sa akin”

H- Hamon at hirap man, handang harapin Makamit lamang ang aking adhikain

I- Ibubuhos, ibibigay, ibabahagi Kaalaman at karunungan, sa kanila ay magwawagi

N- Nag-uumapaw kong pagkasabik sa pagtuturo Tagumpay nila’y sigla sa aking puso

G- Gagampanan ko nang buong-loob ang tungkulin Nang sa gayo’y magagandang aral ay maihahabilin

P- Pag-asa’y dala ng iyong mga palad Mga palad na kabutihan ang inilalahad

R- Rinig ko kaninuman na ikaw ay kilalang-kilala Sa aking mga mata tila’y isang mabuting ina

O- Obra-maestra kung maituturing, Pagbibigay ng karunungan ang mithiin

F- Filipino, dedikasyon sa iyong dugo ay nanalaytay Pagsisilbihan ang bayan kong naghihintay

E- Edukasyon para sa lahat ang iyong pangitain Magsisilbing gabay sa daan na kanilang tatahakin

S- Subalit, gaya ng isang naglalahong apoy sa kandila Lakas at dedikasyon mo’y unti-unting mawawala

S- Sakripisyo mo’y nagsilbing bugso sa pagtupad ng pangarap Natutunaw mong butil-pagkit, luha sa’ming hinaharap

I- Ikaw man ay naghihirap, tila isang naghihingalong kandila Pakinggan mo sana ang aking mga salita:

O- “Oo, mahirap ang maging isang magiting na guro Pero walang magiging “ako” kung hindi dahil sa’yo”

N- Nawa’y ikaw ay magsisilbi pa ring ilaw sa aking buhay Patuloy kong imumulat, mga mata ko sa paglalakbay.