Unang halimbawa, sa kabanata 1, ipinapakita ang korapsyon sa pamahalaan sa pamamagitan ng pagbibigay ng sobra-sobra sa kanyang mga alagad at pamumuhay ng mayaman na mga prayle. Sa kabanata 2 naman, makikita ang pagpapakita ng pang-aabuso ng mga prayle sa kanilang kapangyarihan, lalo na sa pamamagitan ng pagpapahirap sa mga taong hindi sumusunod sa kanilang mga utos. Sa kabanata 3, ipinakikita ang kaugnayan ng mga prayle at ang kahalagahan ng kanilang impluwensya sa lipunan, pati na rin ang mga patakaran at pamamaraan ng mga kolonyal na namumuno. Sa kabanata 6 naman, makikita ang palakasan sa pamahalaan, na kung sino lang ang may pera ay maaaring mamolitika at inaalagaan lamang ang sariling kapakanan, pamilya at kalakal. Sa kabanata 8, makikita ang paglalarawan sa mga baluktot na sistema sa edukasyon kung kaya’t kinakailangan pang mangibang bansa para mag aral. Sa kabanata 10 naman, makikita ang epekto ng kolonyalismo sa mga tradisyon at kultura ng Pilipinas, lalo na sa pamamagitan ng pagbabago sa pangalan ng mga lugar at ang pagpapatupad ng mga bagong batas at regulasyon. Sa kabanata 15, ipinapakita ang paglabag sa karapatan ng mga Pilipino, lalo na sa pananakit kay Crispin sa harap ng kanyang kapatid na si Basilio. Sa kabanata 16 naman, matutunghayan ang kahirapan at pang-aapi sa mga mahihirap ng mga mamamayan, lalo na sa pagpapakita ng kondisyon ni Sisa at ng kanyang mga anak. Sa kabanata 17 at 18, ipinapakita ang pang-aabuso ng mga prayle sa kanilang mga nasasakupan, lalo na sa pamamagitan ng pagpapahirap kay Sisa at sa kanyang mga anak. Sa kabanata 21 naman, ipinakikita ang kawalang-katarungan sa sistema ng hustisya, lalo na kay Sisa na nagdurusa. Sa kabanata 28 naman, pinakita ang impluwensya ng mga prayle sa mga tao at sa mga gawi at tradisyon ng lipunan, lalo na sa pagdiriwang ng mga prusisyon at ritwal. Makikita rin sa ilang kabanata ang kawalang-katarungan at pang-aapi sa mga Pilipino, lalo na sa pamamagitan ng pagpapahirap sa mga mahihirap at walang kapangyarihan. Sa kabanata 1 at 6, ipinapakita ang pagkakaroon ng mga estratehiya ng mga prayle upang mapanatili ang kanilang kapangyarihan at kontrol sa lipunan. Matutunghayan din sa ilang kabanata ang kahirapan at kawalang-katarungan sa mga taga-bundok.. Bilang panghuli, sa kabanata 3 at 19, ipinapakita ang impluwensya ng mga prayle sa mga tao at ang kanilang kakayahan na manipulahin ang isipan at kilos ng mga tao sa pamamagitan ng relihiyon.

Ang mga dahilan na nabanggit ay naging sanhi upang tawaging “social cancer” ang nobelang isinulat ni Dr. Jose P. Rizal. Naging kanser (cancer) at sakit ito ng lipunan noong panahon na isinulat ni Rizal ang Noli Me Tangere, dahil alam naman natin na ang kanser ay isang sakit na mapanganib at nakamamatay sa mga tao. Katulad lamang ito sa mga pangyayari na naganap sa panahon ng mga Kastila. Patunay lamang na inilarawan ni Rizal ang mga katiwalian, pang aabuso, at pang-aapi ng mga Kastila sa Pilipinas noong panahon ng kolonyalismo.

Hindi maganda ang impluwensya ng mga Kastila sa mga Pilipino. Nawawalan ng dangal, walang hustisya at hindi sila malaya sa sarili nilang bansa kung kaya't ito ay isang sakit na malubha ng isang bayan na nahirapan silang gamutin.