• Að nemendur verði færir um að byggja upp aðstæður í grunnskóla sem nægja til að kenna smíði úr góðmálmum.

• Að nemendur læri grunnaðferðir silfursmíðarinnar.

• Að nemendur fari í gegnum verkefnaferli sem þeir geta nýtt til kennslu í grunnskóla.

• Að nemendur læri um kennsluaðferðir sem byggja á skapandi starfi með börnum í grunnskóla.

• Að kennarar læri að byggja upp skólanámskrá er gerir ráð fyrir listrænni hönnun.

Námskeiðslýsing

Námskeiðið er hugsað fyrir nemendur sem vilja læra silfursmíði og kenna hana sem þátt í almennu námi gunnskólans.  Kennd eru grunnatriði við gerð verkefna og lögð áhersla á gerð verkefna sem nemendur geta nýtt sér fyrir kennslu í grunnskóla.  Verkefni svo sem vinna með koparfólíu, einfaldir skartgripir og nytjahlutir.

Inntak / viðfangsefni

Þjálfun í að nota handverkfæri og beita þeim, líkamsstellingar.

• Útsögun, þjölun og pússun.

• Pólering og massar.

• Þjálfun í tin- og slaglóðun.

• Læra að þekkja helstu tegundir málma, bræðslumark þeirra, eðlisþyngd og efnaheiti.

• Fjallað verður um kennslufræðilegar áherslur og þekkingarþætti er tengjast grunnskólaumhverfinu. 

• Hvernig er hægt að nýta silfursmíði sem þátt í almennri kennslu;

• Innsetning í skólanámskrá;

• Silfursmíði sem val í grunnskólanum;

• Búnaður, skipulag stofu og uppbygging á verkstæði;

• Skipulag kennslu og staðsetning í skólanámskrá ;

• Verkefni fyrir mismunandi aldur.

Vinnulag

Fyrirlestrar, verkleg vinna og vettvangsferð á silfursmíðaverkstæði.

Námsmat

Verkefni metin til einkunnar.

Líkami: Byrja á því að fitja 24 liggjur, 8 liggjur á 3 prjón. Tengja þrírhyrninginn með því að prjóna til skiptis hægri og vinstri í 1 umferð. Síðan eru prjónað 6 raðir hægri.

Herðir: Næstu umferðir eru byrjaðir með því að prjóna hægri en leggja saman 2 liggjur alltaf í byrjunin þangað til að bara 3 liggjur eru eftir á hverjum prjón.

Haus: Prjóna áfram hægri nokkrar umferðir og klippa þráðinn af (láta vera eftir 30 cm). Þræða þráðinn í gegnum prjónanál og tengja liggjurnar saman til að loka hausinn. Svo má búa til lyggju til að hengja engillinn á tré eða jólagjöf. Fylla síðan hausinn með smá ull og þræða þráð í gegnum vefnaðinn til að þrengja fyrir halsinn.

Hæfniviðmið fyrir hönnun og smiði

Við lok 10. bekkjar getur nemandi:

• valið aðferðir, efni og verkfæri við hæfi og sýnt rétta og ábyrga notkun verkfæra,

• sagt frá mikilvægi verkþekkingar í nútíma samfélagi.

• útskýrt hugmyndir sínar fríhendis- og með grunnteikningu,

• unnið sjálfstætt eftir verkáætlun og vinnuteikningu, útbúið efnislista og reiknað kostnað,

• framkvæmt flóknari samsetningar, s.s. samlímingu, töppun og skrúfun,

• hannað verkefni út frá efni, fagurfræði, tækni, umhverfi, notkun og endingu,

• sagt frá hvernig tækni er nýtt í atvinnulífinu,

• gert grein fyrir áhrifum nýsköpunar á umhverfi sitt og samfélag.

• greint vistvæn efni frá óvistvænum og haft sjálfbærni að leiðarljósi við vinnu sína, s.s. við efnisval,

• gert sér grein fyrir hvort og hvernig hægt er að endurnýja ýmsa hluti til að lengja líftíma þeirra,

• beitt viðeigandi vinnustellingum og notað réttan hlífðarbúnað og fjallað um vinnuvernd og hvers vegna reglur þar að lútandi eru settar.

Hæfniviðmið fyrir textílmennt

Við lok 10. bekkjar getur nemandi:

• beitt fjölbreyttum aðferðum og áhöldum greinarinnar við formun textílafurða,

• rökstutt eigið val á textílefni eftir viðfangsefni og efnisfræði,

• unnið með snið og uppskriftir, tekið mál, áætlað stærðir og efnisþörf.

• beitt skapandi og gagnrýnni hugsun í hönnun og textílvinnu,

• skreytt textílafurð á skapandi og persónulegan hátt,

• lagt mat á eigin vinnubrögð, sagt frá góðu handbragði, formi og hönnun og notað til þess viðeigandi hugtök,

• nýtt margvíslega miðla til að afla upplýsinga á gagnrýninn hátt um efni sem tengist textílsögu, hönnun og iðnaði.

• útskýrt tjáningarmáta og tákn textíla og tísku út frá mismunandi stíl, áferð og efniskennd, í tengslum við sérkenni íslenskrar textílvinnu, handverks, textílsögu og menningararfs,

• fjallað um helstu tákn og merkingar vefjarefna,

• sagt frá textíliðnaði og starfsgreinum tengdum fatagerð og textílhönnun,

• sagt frá vinnslu textílefna við mismunandi aðstæður og sett í samhengi við sjálfbærni og umhverfisvernd.

Hæfniviðmið fyrir hönnun og smiði

Við lok 7. bekkjar getur nemandi:

• valið og notað á réttan hátt helstu verkfæri og mælitæki,

• gert grein fyrir uppruna og notagildi þess efniviðar sem notaður er í smíðastofunni.

• útskýrt hugmyndir sínar með því að rissa upp málsetta vinnuteikningu,

• lesið einfalda teikningu, smíðað eftir henni og unnið eftir hönnunarferli frá hugmynd að lokaafurð,

• valið samsetningar og yfirborðsmeðferð sem hæfa verkefnum,

• hannað og smíðað verkefni sem nýtir orkugjafa og lýst því hvaða virkniþættir eru að verki í ýmsum hlutum,

• lýst hvernig tæknin birtist í nánasta umhverfi hans og almennt í samfélaginu,

• greint þarfir í umhverfi sínu og rætt mögulegar lausnir.

• gert grein fyrir hvort efni séu hættuleg og hvernig hægt er að endurnýta og flokka efni sem fellur til í smíðastofunni,

• gert við og endurnýjað eldri hluti og lengt þannig líftíma þeirra,

• útskýrt réttar vinnustellingar og valið viðeigandi hlífðarbúnað.

Hæfniviðmið fyrir textílmennt

Við lok 7. bekkjar getur nemandi:

• beitt grunnaðferðum og áhöldum greinarinnar,

• fjallað um efnisfræði og unnið úr fjölbreyttum textílefnum,

• unnið með einföld snið og uppskriftir.

• þróað eigin hugmyndir í textílverk og unnið eftir ferli,

• notað fjölbreyttar aðferðir við skreytingar textíla,

• útskýrt hagnýtt og fagurfræðilegt gildi handverks og fjallað um fagurfræði í eigin verkum,

• nýtt helstu miðla til að afla upplýsinga um textíla og textílvinnu.

• fjallað um íslenskt hráefni í samhengi við sögu og sjálfbærni,

• gert grein fyrir helstu eiginleikum náttúruefna og gerviefna,

• sett textílvinnu og textílverk í samhengi við sögu, samfélag og listir,

• gert grein fyrir endurnýtingu og efnisveitum.