Volesse ence doentar guida alpina e dar ousc a mia pascion per la rampeada.

No sé che che me speta tel davagnir, ma spere de realisar mie ensomesc, e spere che chesta vera anter Russia e Ucraina la fenesce dant che l é meso. E ence che l covid l fenesce, per aer l met de seghitèr co na vita normala.

Peisse al conflit anter Russia e Ucraina e a duc i etres che vegn da spes desmentié. Peisse a la pera jent che vif sot n regim ditatorial, olache tras zensura e violenza vegn manacià la libertà de pensier e l derit a la vita. Peisse ai 150 miliarc (de chisc, 100 miliarc é pesc) de besties che ogne an vegn copà su la tera per ruèr te nosc piat. Peisse a la catastrofes naturèles, che capita semper più da spes e che copa milions de persones, soraldut ti teritories manco fortuné. Olà ruarone pa con dut chest?

Purampò son ence n muie speranzous: veide che mia generazion – e coscita se spera ence cheles che vegnarà – é tant più sensibola a chisc problemes. N muie de nos é ence vertesc a mudèr sia vita per miorèr chesta situazions, enceben che chest comporte sacrifizies.

Son otimist, ma serf che duc se dae ju per chest!!

Anter l Covid-19 e chesta vera spere che dut fenesce dant che l é meso e de no cogner me cruzièr più.

Spere che sie più respet per duc e soraldut che i problemes desche la violenza su la femenes no i vegnisse metui da na man, ma che aessa vèlch conseguenza e che se n rejone semper de più.

Volesse viver con manco cruzies per chel che podessa suzeder.

Volesse jir inant zenza cruzies per me dèr ju a fèr su mie davegnir con gaissa e legreza.

Da man mia vèrde ence de me comportèr delvers e aer respet per duc... no demò per la jent ma ence per l ambient.

Seguramenter fossa bel che la veres no fossa più combatudes, che tel mond sie demò la pèsc.

Ma no demò chest: me piajessa ence didèr l ambient, limitan coscita i efec del cambiament climatch.

Gé metaré dut mie empegn per chel tant che l é possibol per didèr a troèr na soluzion a chisc problemes.

Per chest ensomesc me daré ju dassen muie acioche posse ruar olache voi.

Volesse che duc fosse bogn de se entener e che i vegnisse a una un col auter. 

Volesse che l mond l stae ben.

Volesse che la tecnologia e la medejina se svilupe semper de più.

Volesse che no sie più jent pureta.

Volesse che no sie più jent che cogn semper fèr o viver veres.

La strèda la pel esser lengia e no semper sorida, ma spere de arjonjer mie obietives.

Timpruma no volesse demò arjonjer mie obietives, ma volesse che ence i etres i podesse arjonjer i sie. 

Volesse che duc su la Tera i stae ben: no più veres, meseria, mudamenc climatics, a na vida che duc posse viver ensema, zenza discriminazions.

Volesse ence didèr i etres per i fèr stèr miec