Í áfanganum Umhverfisfréttafólk vinna nemendur í anda alþjóðlega verkefnisins Young Reporters for the Environment.

Nemendur kanna umhverfismál á gagnrýnin hátt, læra að nota áreiðanlegar heimildir og vinna svo sín eigin umhverfisfréttaverkefni. Verkefnið er rekið af Landvernd á Íslandi og er hluti af Grænfánanum.

Nemendur geta valið sjálfir hversu margar einingar þeir taka, eftir því hve umfangsmikið verkefni þau vilja vinna. Ein framhaldsskólaeining samsvarar 18 - 24 tímum (2 - 3 dagar í vinnu), því geta nemendur stillt áfangann þannig að hann passi við áhuga þeirra og vinnuálag í önninni.

Nemendur funda reglulega með kennara yfir önnina og halda tímaskýrslu. Þar skrá nemendur alla vinnu sem fer fram utan kennslustunda, til dæmis rannsóknir, gagnaöflun, viðtöl, skriftir, myndbandsvinnu eða aðra úrvinnslu.

Þetta tryggir að nemendur fái einingar í samræmi við þá vinnu sem þeir leggja í verkefnið og læri um leið að vinna sjálfstætt, skipulega og faglega.

Finndu sköpunarkraftinn í þér:-) Hér er frábært tækifæri ef þig langar að vinna öðruvísi og skapandi verkefni, vinna verkefni sem mögulega getur orðið að einhverju meira - framúrskarandi verkefni geta mögulega orðið þáttakendur í keppni ungs Umhverfisfréttafólks bæði á Íslandi og svo erlendis.

Frábær leið til að þjálfa sig í sjálfstæðum vinnubrögðum og prófa sig áfram með ólík form miðlunar. Myndbandagerð, ljósmyndun, vefsíðugerð, kynningar, blaðagreinar, þrívíddarvinna(þrívíddarprentari), búa til leiki og keppnir og fleira og fleira...

Tilvalið fyrir nemendur sem vilja stækka vinahringinn sinn, vinna með ólíku fólki - það má líka að sjálfsögðu vinna sér og það getur verið mjög gaman líka:-)

Tilvalið fyrir vini og kunningja sem vilja vinna saman að skemmtilegu verkefni sem nær út fyrir skólann.