Hópur 2 - rannsóknarstofur by ásdós

RannKYN - rannsóknarstofa um jafnrétti, kyngervi og menntun

asdisoskb — 2024-08-30 11:09:40 UTC

RannKYN er rannsóknarstofa sem var stofnuð árið 2010 með það í huga að veita fræðimönnum Menntavísindasviðs Háskóla Íslands tækifæri til að framkvæma rannsóknir um jafnrétti og kynjafræði í sínu fagi á vegum stofunnar.

Samkvæmt síðu HÍ eru yfirlýst markmið rannsóknarstofunnar eftirfarandi:

að stunda rannsóknir á sviði kynjafræði og jafnréttis í skólum og í kennaramenntun
að standa fyrir ráðstefnum, málþingum, fræðslufundum og útgáfum á sínu sérsviði.
að stuðla að þróunarstarfi á fræðasviðinu bæði í kennaramenntun, á vettvangi leik-, grunn- og framhaldsskóla og við stefnumótun.
að skapa ungum fræðimönnum aðstöðu til rannsókna, einkum meistara, -og doktorsnemum á fræðasviðinu.
að vera samstarfsvettvangur fræðimanna á sviði jafnréttis, menntunar og kyngervis og fræðimanna á öðrum sviðum.
að eiga samstarf við þá aðila sem móta stefnu og sjá um framkvæmdir á fræðasviðinu í samfélaginu.
að hafa frumkvæði að og ástunda samstarf við erlenda aðila um rannsóknir á fræðasviðinu.
að veita nemum í rannsóknartengdu framhaldsnámi tækifæri til að öðlast þjálfun og reynslu í vísindalegum vinnubrögðum með því að sinna rannsóknum og námsverkefnum á vegum rannsóknarstofunnar.
að stuðla að yfirsýn yfir rannsóknir á sviði jafnréttis, menntunar og kyngervis, miðla þekkingu og kynna niðurstöður rannsókna meðal annars með útgáfu fræðigreina, fræðirita og með fyrirlestrum og málþingum.

Rannsóknarstofa um skapandi skólastarf (RASK)

mlg16_1 — 2024-09-02 17:15:34 UTC

Hlutverk stofunnar er að rannsaka skapandi skólastarf á öllum stigum skólakerfisins, standa fyrir viðburðum, taka þátt í ráðstefnum og fundum til að miðla þekkingu á sviði stofunnar.

Rannsóknarhópurinn notar styttinguna RASKA yfir rannsóknina RAnnsókn um SKApandi skólastarf.

Hlutverk og markmið

Rannsaka skapandi skólastarf á öllum stigum skólakerfisins
Standa fyrir viðburðum
Taka þátt í ráðstefnum og fundum til að miðla þekkingu á sviði stofunnar
Stofan verði vettvangur fyrir og taki þátt í umræðu um skapandi skólastarf og taki að sér verkefni sem til hennar er beint
Skapa vettvang fyrir meistara- og doktorsnema til að taka þátt í rannsóknum og taka að sér rannsóknarverkefni sem til stofunnar er beint

Miðlar

https://menntavisindastofnun.hi.is/is/rannsoknir-rannsoknastofur/rannsoknarstofa-um-skapandi-skolastarf-rask

Facebook: Rannsóknarstofa um skapandi skólastarf

Skemmtilegt myndband um skapandi starf með börnum

Sir Ken Robinson, Ph.D., Out of Our Minds: Learning to be Creative

Rannsóknastofur menntavísindasviðs

mlg16_1 — 2024-09-06 10:58:11 UTC

Við Menntavísindasvið er starfrækt á þriðja tug rannsóknastofa. Markmið þeirra er að auka og efla rannsóknir hver á sínu fræðasviði, meðal annars með því að auka samvinnu rannsakenda, ekki síst þverfaglega og alþjóðlega og miðla þekkingu út í samfélagið.

RannUNG - Rannsóknarstofa í menntunarfræði ungra barna

lrg8_1_1 — 2024-09-06 11:08:56 UTC

Rannung var stofnuð 15. Maí 2007 við kennaraháskóla Íslands. Aðalmarkmið hennar er að bæta og fjölga rannsóknum á menntun og uppeldi yngri barna

Hlutverk og markmið

Eiga frumkvæði að og sinna rannsóknum á sviði menntunarfræða yngri barna
Hafa samstarf við innlendar og erlendar rannsóknarstofnanir og fræðimenn í menntunarfræðum yngri barna
Hafa samstarf og tengsl við starfsvettvanginn og þá aðila sem móta stefnu og bera ábyrgð á menntun yngri barna
Skapa aðstöðu til rannsókna fyrir unga vísindamenn á sviði menntunarfræða ungra barna og veita nemum í rannsóknartengdu framhaldsnámi þjálfun og reynslu í vísindalegum vinnubrögðum með því að gefa þeim kost á að vinna rannsóknarstörf á vegum rannsóknarstofunnar
Miðla þekkingu á sviðinu og kynna niðurstöður rannsókna m.a. með útgáfu fræðigreina og fræðirita og með fyrirlestrahaldi

Rannung hefur gefið út sex bækur og tvo bæklinga.

Miðlar

https://menntavisindastofnun.hi.is/is/rannsoknir-rannsoknastofur/rannsoknarstofa-i-menntunarfraedum-ungra-barna-rannung

https://www.facebook.com/RannUngHI/?fref=ts

Hvernig nýtast rannsóknastofur við leikskólastarf?

mlg16_1 — 2024-09-06 11:10:37 UTC

Rannsóknarstofur, eins og þær sem hér hafa verið nefndar, gagnast leikskólakennurum og verðandi leikskólakennurum á þann hátt að þeir fá tækifæri til rannsókna á ýmsum sviðum sem geta leitt til nýrra og merkra uppgötvana sem hafa áhrif á leikskólastarf framtíðarinnar.

Einnig geta þeir kafað enn dýpra ofan í mikilvæg mál/málefni sem tengjast starfi á leikskólum og börnum almennt.

Fólki gefst einnig tækifæri á að taka þátt í rannsóknum erlendis og fara í heimsóknir bæði innan lands sem utan. Afla sér nýrrar þekkingar frá ólíkum menningarheimum og áherslum.

Heimildskrá

mlg16_1 — 2024-09-06 11:24:03 UTC

RannUNG

https://menntavisindastofnun.hi.is/is/rannsoknir-rannsoknastofur/rannsoknarstofa-i-menntunarfraedum-ungra-barna-rannung

RASK

https://menntavisindastofnun.hi.is/is/rannsoknir-rannsoknastofur/rannsoknarstofa-um-skapandi-skolastarf-rask

Rannsóknarstofa í fjölmenningar- og fjöltyngisfræðum

https://menntavisindastofnun.hi.is/is/rannsoknir-rannsoknastofur/rannsoknarstofa-i-fjolmenningar-og-fjoltyngisfraedum

Rannsókna- og fræðslustofa um þroska, læsi

https://menntavisindastofnun.hi.is/is/rannsokna-og-fraedslustofa-um-throska-laesi-og-lidan-barna-og-ungmenna

RannKYN

https://menntavisindastofnun.hi.is/is/rannsoknir-rannsoknastofur/rannsoknarstofa-um-jafnretti-kyngervi-og-menntun-rannkyn

Rannsóknarstofa um þroska, mál og læsi barna og unglinga

2024-09-06 18:16:58 UTC

Rannsóknarstofan var stofnuð í desember 2007 og er áherslan lögð á rannsóknir á málþroska, læsi og þá þroskaþætti sem helst tengjast námi og farsælli skólagöngu.

Hlutverk og markmið

Að eiga frumkvæði að og sinna rannsóknum á málþroska, læsi og almennum þroska barna og unglinga,
Vera þverfræðilegur samstarfsvettvangur fræðimanna á þessum sviðum,
Eiga samstarf og tengsl við þá aðila sem móta stefnu og sjá um framkvæmdir á sviðinu í samfélaginu,
Efla samstarf við erlenda aðila um rannsóknir,
Veita nemum í rannsóknartengdu framhaldsnámi þjálfun og reynslu í vísindalegum vinnubrögðum með því að gefa þeim kost á að vinna rannsóknir og námsverkefni á vegum rannsóknarstofunnar,
Stuðla að því að yfirsýn náist yfir rannsóknir á umræddu sviði, að miðlun þekkingar og kynningu rannsóknarniðurstaðna meðal annars með útgáfu fræðigreina og fræðirita og með fyrirlestrahaldi,
Veita ráðgjöf og aðra þjónustu á sínu sviði eftir því sem aðstæður leyfa.

https://menntavisindastofnun.hi.is/is/rannsoknir-rannsoknastofur/rannsoknarstofa-um-throska-mal-og-laesi-barna-og-unglinga

Rannsóknarstofa í fjölmenningar- og fjöltyngisfræðum

kbo14 — 2024-09-07 13:12:38 UTC

Rannsóknarstofa í fjölmenningar- og fjöltyngisfræðum veitir fólki tækifæri til að sinna rannsóknaskyldu sinni tengdri fjölmenningu á Íslandi. Eins og nafnið gefur til kynna er áherslan hjá stofunni á sviði fjölmenningarfræða og hún leitast við að bæði skapa og efla samstarfsvettvanginn fyrir þessar rannsóknir.

Þessi rannsóknarstofa hefur gefið út ýmsar greinar og einnig nokkrar bækur sem sjá má á heimasíðu stofunnar hér að neðan. Í þeim er fjallað um innflytjendur í námi á Íslandi, fjöltyngi nemenda, kennsluaðferðir í tungumálakennslu og margt fleira.

Hlutverk og markmið

Eiga frumkvæði að rannsóknum á sviðinu og sinna þeim.

Vera vettvangur þar sem fræðimenn, bæði á sviðinu og á öðrum sviðum, geta unnið saman.

Halda tengslum og vinna með aðilum sem sjá um framkvæmdir og móta stefnu á þessu sviði samfélagsins.

Vinna með erlendum aðilum í rannsóknum.

Bjóða framhaldsnemum upp á að vinna rannsóknir og önnur námsverkefni svo þeir þjálfist í vísindalegum vinnubrögðum og öðlist reynslu.

Gefa út greinar og bækur til að það fáist yfirsýn yfir rannsóknir sviðsins auk þess að miðla þekkingu og greina frá niðurstöðum rannsóknanna.

Veita ýmsa þjónustu á sviðinu eins og til dæmis ráðgjöf.

Miðlar

https://menntavisindastofnun.hi.is/is/rannsoknir-rannsoknastofur/rannsoknarstofa-i-fjolmenningar-og-fjoltyngisfraedum