Kynning á þátttakendum námskeiðsins Forysta, samskipti og stjórnun by

Anna Magnea

annahreinsdttir1_1 — 2024-08-01 10:02:43 UTC

Ég er umsjónarkennari þessa námskeiðs og hlakka mikið til að eiga í samræðum við ykkur um forystu og stjórnun.

Ég hef starfað innan skólageirans frá árinu 1980 sem tómstundafulltrúi, leikskólakennari, deildarstjóri, leikskólastjóri, leikskólafulltrúi og fræðslustjóri og starfa nú við Menntavísindasvið. Ég hef gaman af lestri, gönguferðum og þá sérstaklega með Nóa sem er labradorhundurinn okkar.

2024-08-09 12:32:07 UTC

Ég heiti Jenný Marín Kjartansdóttir og er á námsleiðinni Menntunarfræði leikskóla. Ég starfa sem deildarstjóri á leikskólanum Suðurborg í Breiðholti. Væntingar mínar til námskeiðsins er að dýpka þekkingu mína á forystu og samskiptaleiðum sem gætu nýst mér í starfi. Fyrir utan vinnu þykir mér gaman að verja tíma með stráknum mínum, fjölskyldunni og vinum, æfa crossfit, lesa góða bók í kindlinum mínum, njóta morgunkaffibollans og borða góðan mat. :)

Júlíana Tyrfingsdóttir

2024-08-12 15:36:09 UTC

Ég er starfandi leikskólastjóri í Jötunheimum á Selfossi en er jafnframt stundakennari í HÍ. Ég hóf störf í leikskóla 2003 og hef starfað sem ófaglærð, deildarstjóri en lengst af sem leikskólastjóri eða síðan 2008. Mitt áhugasvið er útivera og hreyfing, hestamennska og lestur góðra bóka. Ég hlakka mikið til að eiga samtal við ykkur í vetur og vona að námskeiðið veiti ykkur góða innsýn inn í heim forystu og stjórnunar.

Ana

2024-08-15 20:18:25 UTC

Ég heiti Ana. Ég er frá Serbíu og bý í Reykjavík siðan 2013, ásamt manninum mínum og tveim dætrum (9 og 3). Ég er tónlistarfræðingur að mennt en síðustu 6 ár hef ég unnið í leikskóla. Þar af seinustu 2 ár hef ég unnið sem deildarstjóri í leikskólanum Holt í Breiðholti. Ég valdi MT nám þar sem ég sé þar möguleika til að auka þekkingu mína á leikskólakennslunni og að lokum uppfylla draum minn um að geta unnið sem kennari. Áhugamál mín eru tónlist og að vera með fjölskyldunni.

Adda Þórey

2024-08-15 22:21:25 UTC

Hæhæ, ég heiti Adda Þórey og er 22 ára og bý í Hveragerði. Ég kláraði b.ed. í grunnskóla kennslu yngri barna núna í vor og er að halda áfram á þeirri námsleið í framhaldsnámi mínu. Ég hef verið stuðningur í 5 ára bekk síðustu tvö ári, en er núna að hefja kennslu sem umsjónarkennari í 5.bekk. Í frítíma mínum hef ég áhuga á að vera með vinum og vandamönnum þar sem við finnum alltaf eitthvað skemmtilegt að dunda okkur við eins og að fara í sund eða badminton.

Hjalti Hrafn Hafþórsson

2024-08-16 08:43:53 UTC

Hæ. Ég hef unnið í leikskólum í á annann áratug og starfa núna við útikennslu í Leikskólanum í Stykkishólmi. Ég þrífst best úti í náttúrunni og í sem mestri hæð. Því má oft finna mig á fjallstindum á Snæfellsnesi. Ég fer aldrei út úr húsi án þess að hafa með mér allavega tvær bækur (önnur gæti klárast) og það þarf að vökva mig reglulega með kaffi.

Hafdís Birna

2024-08-17 08:56:28 UTC

Ég heiti Hafdís Birna. Ég er deildarstjóri á leikskólanum Vesturkot í Hafnarfirði með 1-3 ára börn, er búin að starfa þar í eitt ár. Var deildarstjóri áður í leikskóla í Garðabæ frá 2020. Ég er með uppeldis- og menntunarfræði í grunninn og svo er ég með MA í Foreldrafræðslu- og uppeldisráðgjöf. Ég vildi bæta við mig þekkingu & fræðslu í bakpokann og fá leyfisbréfið og ákvað að skrá mig á námsleiðina Menntunarfræði leikskóla. Fyrir utan vinnu finnst mér gott að hoppa í sund, horfa á góða bíómynd og borða góðan mat en best er að eiga gæða stund með fjölskyldunni, ég á kraftmikla 2 ára stelpu og nýt þess að verja tíma með henni.

Þyrí Huld Guðmundsdóttir

2024-08-17 16:29:11 UTC

Ég heiti Þyrí Huld og er þroskaþjálfi á leikskólanum Stekkjarás í Hafnarfirði. Ég útskirfaðist sem þroskaþjálfi árið 2015 og hef síðan þá unnið bæði á leik- og grunnskóla stigi. Ég er á námsleiðinni Menntunarfræði leikskóla þar sem ég sá þar tækifæri til að efla mig sem fagmanneskju í starfi mínu með börnum

Ómar Tryggvason

2024-08-17 17:44:22 UTC

Hæhæ við heitum Ómar og Lubbi. Við vinnum á leikskólanum Vinagerði. Ég (Ómar) kynntist leikskólalífinu fyrir rúmlega einu og hálfu ári síðan. Undanfarinn var sá að ég vann við Covid – skimanir og var þar fljótlega settur í yfirumsjón yfir barnaherberginu. Fljótlega fékk í löngun í að vinna með börnum og sótti um á leikskóla og fékk ástríðu fyrir starfinu. Vinn með leikskólakennurum og fagleg þekking þeirra á starfinu hrífur mig. Þessa þekkingu þrái ég.
Finnst annars gaman af allri útiveru, fara í sund, ræktina, jóga, spila borðspil eða umkringja mig góðu fólki hvort sem það er fjölskylda eða vinir. Hlakka til að vinna með ykkur 😊

2024-08-17 18:41:19 UTC

Ég heiti Katherine Borrero, ég er með BA í spænsku og er á námsleiðinni Menntunarfræði Leikskóla, MT. Ég hef starfað á leikskólanum Langholti í 3 ár og þessi samskipti við börnin hafa hvatt mig til náms.

Ég er frá Kólumbíu, ég flutti til Íslands síðan 2006 og bý í Reykjavík.

Eitt af mínum uppáhalds áhugamálum er að fara í ræktina. Ég hef mjög gaman af Zumba, lyftingum og þolþjálfun.

Dóra

2024-08-17 18:43:37 UTC

Ég heiti Dóra og ég vinn í leikskólanum Tjarnarsel í Keflavík. Ég er með uppeldis- og menntunarfræði í grunninn og er á námsleiðinni menntunarfræði leikskóla. Fyrir utan vinnu finnst mér voða gott að eyða tíma með fjölskyldu og vinum og fara út að ganga.

Kristjana Ósk

2024-08-17 20:48:39 UTC

Ég heiti Kristjana Ósk og starfa sem deildarstjóri á leikskóla í Hafnarfirði með 3-4 ára gömul börn. Er með Ba í uppeldis- og menntunrfræði og er skráð í námsleiðina menntunarfræði leikskóla til að efla mína færni enn meira.

Ingi Vífill

2024-08-17 21:30:29 UTC

Komið sæl öll sömul!

Ég heiti Ingi Vífill og vinn með elstu börnunum, ásamt góðum hópi samstarfsfélaga, í leikskólanum Vinagerði. Ég lærði leikhúsfræði í Danmörku fyrir mörgum árum og síðan grafíska hönnun í LHÍ sem eru minn bakgrunnur inn í námið. Ég hef unnið í Vinagerði í 1 ár en vann áður í 1 ár á Austurborg. Utan þess hef ég starfað sjálfstætt við grafíska hönnun og framleiðslu.

Í mínu starfi legg ég áherslu á að kenna félags- og tilfinningafærni, ásamt því að ást mín á stafrófinu leitar oft inn í kennsluna hjá mér með einum eða öðrum hætti.

Hlakka til að læra þessi fræði með ykkur á komandi árum!

2024-08-18 18:36:51 UTC

Hæhæ :) ég heiti Vera Fjalarsdóttir og hef unnið á leikskólanum Langholti síðan árið 2018, verið í fullu starfi en einnig í hlutastarfi samhliða námi og er núna að taka við sem deildarstjóri með 2-3 ára börnum. Ég er með BA í kvikmyndafræði en starf með börnum hefur alltaf verið það sem mér finnst skemmtilegast og ákvað því að skrá mig í áframhaldandi nám í menntunarfræði. Ég er spennt fyrir haustinu og öðlast meiri þekkingu í starfi :)

2024-08-18 18:57:55 UTC

Ég heiti Auður Brynjólfsdóttir og er 29 ára gömul og starfa á leikskólanum Stekkjarás í Hafnarfirði.

Ég útskrifaðist úr stjórnmálafræði 2019 en er núna í menntunarfræði leikskóla.

Elska að vinna með börnum og langar að efla mig í starfi og fagmennsku.

Hanna Tryggvadóttir

2024-08-18 21:15:22 UTC

Hæ, ég heiti Hanna og er að hefja nám í Menntunarfræði leikskóla MT. Ég er gift þriggja barna móðir. Ég er fædd árið 1974 og börnin mín eru að verða fullorðin en þau eru fædd 2003, 2006 og 2009. Ég er svo lánsöm að eiga einnig stjúpdóttur sem er fædd 1999.

Ég hef mjög gaman af vinnu með börnum og starfa í dag á yngstu deild á leikskóla í Garðabæ. Ég starfaði í hátt í 10 ár sem dagforeldri bæði ein og með samstarfskonu. Ég hef lokið þremur árum í grunnskólakennarafræðum frá Háskóla Íslands (B.Ed). Áður en ég gerðist dagforeldri vann ég hjá Icelandair bæði á söluskrifstofu og sem flugfreyja á árunum 1997 til 2006. Samhliða grunnskólakennaranáminu vann ég á frístundaheimilum í Reykjavík.

Ég hef gaman af ferðalögum með fjölskyldunni, helst innanlands og lestri góðra bóka.

Anna María Hoffmann Guðgeirsdóttir

2024-08-18 21:35:43 UTC

Ég heiti Anna María Hoffmann Guðgeirsdóttir og er á námsleiðinni menntunarfræði leikskóla MT.

Ég er fædd árið 1986 og á 3 börn á aldrinum 17, 13 og 7 ára. Er búsett á Selfossi.

Er með BA gráðu í félagsfræði og lagði áherslu á kynjafræði, diplomu sem áfengis og vímuefnaráðgjafi og framhalds diplomu í fötlunarfræðum.

Ég vann í 2 ár á leikskólanum Hulduheimum á Selfossi og er nú starfandi sem sérkennari yngra stigs í Hólabrekkuskóla í Breiðholti.

Ég hef notað mikið í sérkennslunni verkfæri sem ég fékk í vinnu minni á leikskóla eins og hljóðavinnu (Lubba), að læra í gegnum leik og félagsfærni.

Áhugasvið mitt er lestur góðra bóka, tónlist, eyða tíma með börnum mínum og eiginmanni, matargerð og er mikið sögu og félagsfræði nörd.

Árný Gestsdóttir

2024-08-18 21:54:53 UTC

Ég heiti Árný Gestsdóttir og er 24 ára gömul. Ég elst upp í Þykkvabænum en flutti til Reykjavíkur fyrir 6 árum. 2021 útskrifaðist ég með BA gráðu í mannfræði og sama ár hóf ég störf á leikskólanum Álfaheiði. Þar vaknaði áhuginn á að vinna með börnum og er ég að hefja nám í Menntunarfræði leikskóla MT þetta haustið.

Selma Birna

2024-08-18 23:14:13 UTC

Ég heiti Selma og hef mikinn áhuga á börnum og menntun. Ég er að læra Menntunarfræði leikskóla. Ég er gift og á tvö börn. Ég lærði íþróttafræði bs, kennsluréttindi og MBA ásamt því að hafa tekið mörg námskeið t.d. á vegum EHÍ. Ég hef unnið við kennslu og þjálfun í rúm 23 ár, unnið á mörgum stöðum og sinnt flestum störfum innan leikskóla. Ég hef áhuga á mörgu t.d. hreyfingu, útiveru, ferðalögum, fólki ásamt því að fegra heimili mitt og garð. Ég hlakka til að kynnast ykkur.

Elva Margrét Elíasdóttir

2024-08-19 03:34:39 UTC

Hœhœ, ég heiti Elva og útskrifaðist með B.Ed. gráðu í grunnskólakennslu með áherslu á samfélagsgreinar núna í vor. Ég er 23 ára og er fœdd og uppalin í Mosfellsbœ. Ég hef alltaf haft gaman að því að vinna með börnum og starfa núna sem verkefnastjóri í félagsmiðstöð. Það sem mér þykir gaman að gera í frítíma mínum er útivera, hreyfing, ferðast og að eyða tíma með vinum og fjölskyldu:)

farnoosh farsi razavi

2024-08-19 14:50:34 UTC

Hæ

Ég heiti Farnoosh Farsi Razavi, er núna níu ára, bý á Íslandi og hef unnið í leikskóla í sjö ár. Áður vann ég með börnum með sérþarfir, en núna vinn ég í bekk með tveggja ára börnum.

Guðmundur Sigurþórsson

2024-08-19 14:59:49 UTC

Ég heiti Guðmundur, er 29 ára og hef starfað á leikskólum í að nálgast 10 ár. Síðustu 6 hef ég verið á Leikskólanum Sunnuási og hef þar starfað sem Deildarstjóri og Verkefnastjóri Tónlistar. Ég er í Menntunarfræði Leikskóla MT þar sem ég sá þar gott tækifæri á að styrkja mig í starfi og sem faglegur leiðtogi á mínum vinnustað.

Ég er með B.A. í Ensku í grunnin en bætti við mig diplómu í Uppeldis og Menntunarfræði til að brúa bilið

2024-08-19 15:03:17 UTC

Ég heiti Arna Kristín og er 25 ára en ég hef starfað síðastliðin 3 og hálfa árið á leikskólanum Hvammi í Hafnarfirði bæði sem hópstjóri og í afleysingu með skóla. Ég er með grunn í félagsráðgjöf en er nú á námsleiðinni Menntunarfræði leikskóla MT.

Kristín Snæfríður Sigurðardóttir

2024-08-19 15:04:26 UTC

Ég heiti Kristín Snæfríður og er 27 ára og kenni 1. bekk í Akurskóla. Ég útskrifaðist með B.ed gráðu í grunnskólakennslu yngri barna árið 2022 og er í MT námi í grunnskólakennslu yngri barna.

Sandra Halldórsdóttir

2024-08-19 15:05:56 UTC

Ég heiti Sandra Halldórsdóttir. Ég er deildarstjóri á leikskólanum Álfasteini í Hafnarfirði með yngstu börnin, er í M.ed menntunarfræði leikskóla. Ég er með BA og MA í félagsfræði. Ég hlakka til vetursins og er nokkuð viss um að ég hagnist á þessu námskeiði í starfi mínu.

Ólöf Erla Einarsdóttir

2024-08-19 15:09:05 UTC

Ég er starfandi á leikskóla í Hafnarfirði, hef unnið á leikskóla í rúm tíu ár. ég er með Félagsráðgjöf í grunn menntun. Ég ákvað að dýpka skilninginn á því sem ég elska að gera og næla mér í leyfisbréf í kennslu.

Elín Grétarsdóttir

2024-08-19 15:12:22 UTC

Ég heiti Elín og bý í Ásahreppi. Ég er gift þriggja barna móðir og fósturmóðir fleiri barna. Einnig er ég heppin að eiga þrjú ömmubörn sem eiga heima í næsta húsi og þar af leiðandi er samgangurinn mikill. Sérstaklega gaman að vera vakin upp snemma á morgnana þar sem það er kominn dagur - og foreldrar enþá sofandi 😀.

Ég er með BA í uppeldis- og menntunarfræði. Vinn á leikskólanum á Laugalandi í Rangárþingi ytra yfir vetrartímann. Hlakka til vetrarins.

Sandra Jónsdóttir

2024-08-19 15:36:08 UTC

Ég heiti Sandra og hef unnið á leikskóla síðan í febrúar 2021. Þar áður vann ég sem flugfreyja. Ég er með BA gráðu í almennri bókmenntafræði og frönskum fræðum. Ég hóf nám í hagnýtri ritsjórn og útgáfu á meistarastigi áður en ég varð ólétt en kláraði það ekki. Einnig hef ég lært dans í 20 ár og fiðlu- og tónlistarnám í 16 ár. Ég hef mikla unun af að lesa ævintýrabækur og hef alltaf þörf fyrir að skapa eitthvað í höndunum, hvort sem það er að fríkka heimilið, teikna, prjóna eða annað. Útivist veitir mér mikla orku en ég fer árlega í göngur um íslensk fjöll og firnindi. Ég hef mikinn áhuga á skapandi starfi með börnum og bý ég við þau forréttindi að hafa leikskólastjóra að móður og hef ég nýtt mér þann viskubrunn óspart í gegnum leikskólastarfið. Ég hlakka mikið til vetrarins þar sem nýir og spennandi tímar taka við en ég mun fylla í skarð fráverandi deildarstjóra og er því námskeiðið heldur betur að fara að nýtast mér sem stuðningur við stjórnunarstarfið. Ég er einstæð móðir með 7 ára gamlan skólastrák og mun ég glöð taka þeirri áskorun sem felst í því að vera í námi með fullu starfi og að sinna stráknum í háu hlutfalli og sömuleiðis að sinna eigin áhugamálum.

Sandra Dögg

2024-08-19 16:47:12 UTC

Ég heiti Sandra Dögg og er 36 ára. Ég útskrifaðist með B.Ed. í Faggreinakennslu í grunnskóla 2013. Ég er á námsleiðinni Menntunarfræði leikskóla.

Ég hef unnið við leikskóla frá 2013, bæði sem starfsmaður á deild, sérkennari og svo vann ég í 3 ár sem sérfræðingur hjá skólaþjónustu Garðabæjar. Í dag er ég sérkennslustjóri á leikskólanum Borg í Breiðholti.

Ég á tvö börn, 12 og 15 ára og einn 2 ára Golden Retriever en mín helstu áhugamál eru gott veður og körfubolti.

Margrét Rut Halldórsdóttir

2024-08-20 11:07:16 UTC

Ég heiti Margrét, er 36 ára og bý í Hafnarfirði með manninum mínum og eigum við þrjú börn. Í júní útskrifaðist ég með B.ed. gráðu í grunnskólakennslu yngri barna og held áfram þeirri vegferð nú í master.

Ég vann á leikskóla í mörg ár, ásamt því lærði ég Tanntækni. Eftir það nám vann ég á tannlæknastofu í mörg ár áður en ég hóf námið mitt á Menntavísindasviði. Í dag starfa ég í Fjölbrautarskólanum við Ármúla að kenna Tanntækni. Mér líkar það mjög vel, virkilega gaman að blanda báðum greinum saman. Ég elska að ferðast, labba fjöll og vera með vinum og fjölskyldu.

Júlía Guðbrandsdóttir

2024-08-20 12:46:14 UTC

Ég heiti Júlía Guðbrandsdóttir og er tveggja barna móðir og bý í norðlingaholti. Ég starfa á leikskólanum Rauðhól og einnig í skammtímadvölinni Álfalandi. Ég kláraði B.e.d. í leikskólakennarafræðum árið 2021 og er ég núna á öðru ári í meistara náminu. Áhugamál mín eru hestamennska og skíði og finnst mér ekkert jafnast á við góða útiveru með fjölskyldunni. Ég brenn fyrir að styðja börn í leik og starfi þar sem áhuginn þeirra fær að njóta sín.

2024-08-20 16:19:20 UTC

Ég heiti Hafrún og er gift, tveggja barna móðir, búsett í Reykjanesbæ. Ég starfa þar sem deildarstjóri á heilsuleikskólanum Heiðarseli og líkar vel. Í grunnnámi tók ég uppeldis- og menntunarfræði og stefndi þaðan á talmeinarfræði svo ég tók undurbúningsnám í það samhliða grunnnámi. Ég skráði mig í menntunarfræði í leikskóla vegna mikils áhuga á starfi mínu og á þeim kúrsum sem eru í þessari námsleið. Ég er spennt fyrir komandi misserum og hlakka til samstarfsins með ykkur.

Birna Marín Aðalsteinsdóttir

2024-08-28 14:04:22 UTC

Ég heiti Birna Marín, ég er 34 ára, gift og á 4 börn. Ég er deildastjóri á leikskólanum á Siglufirði. Ég er í master í yngri barna kennslu en fékk ekki starf í grunnskólanum hérna eftir fæðingarorlof, þannig ég ákvað að prófa aftur að vinna á leikskóla og það er mjög gaman líka. Ég hef unnið með börnum eiginlega frá því ég fór á vinnumarkaðinn og finnst það alltaf jafn skemmtilegt.