Texnologiyalar evolyutsiyasida videokamera tarixi insonlarga voqea-hodisalarni tasvirga muxrlash, ularni saqlab qo’yish yoki bo’lishish kabi imkoniyatlarni bergani bilan qiziq bo’ldi. Yaratilgan ilk onlaridagi oq va qora ranglardan iborat xira, sifatsiz tasvirlar tobora sifatlilashib, tiniqlashib, rang-baranglashib bordi. Bugungi kunga kelib esa kundalik hayotimizning ajralmas qismiga aylanib ulgurgan videokameralar hali hanuz rivojlanish yo’lida jadal davom etmoqda va o’z o’rnini yangidan-yangi avlodlariga bo’shatib bermoqda.