Mikilvægt að niðurstöður úr námsmati er notað fyrir áframhaldandi kennslu.

Dylan Williams er þekktastur fyrir verk sitt „Inside the black box“ og fjallar hvaða áhrif námsmat getur haft á nemendur. Hefðbundið námsmat leiðir aðeins til samanburðar og getur haft letjandi áhrif á suma nemendur á meðan leiðsagnamat hvetur nemandann og lætur hann miða við sjálfan sig.

Sé kennt eftir fræðum Vygotsky er t.d. ekki nafnorð kennd heldur vinnur kennari að því að auka þekkingu nemendans og í fyllingu tímans áttar nemandinn á því hvað nafnorð er.

Claxton nefnir mikilvægi þess að skólakerfið þróist í takt við samfélagi og skv. honum er einkar mikilvægt að spyrja nemendur um námið sjálft, þ.e. hvað þeir eru að læra og hvað þeir vilja læra meira um. Fjórir þættir styrkja námsetu nemenda og það er seigla, úrræðasemi, hugmynda, hugkvæmni og samvinna. 

Carol Dweck fjallar sjálfstraust og mikilvægi þess að kenna nemendum að takast á við áskoranir. Skv. honum er ekki gott að hrósa nemendum fyrir gáfur heldur að segja þeim frá núverandi stöðu og hvetja þá áfram á betri stað.

Ef kennt er eftir flokkunum Blooms þarf verklegt nám (Leiknisvið), hópavinnu (viðhorfa- og tilfinningasvið) og bekkjarvekrefni (þekkingarsvið).

David Kolb byggir á upplifunarlærdómi. Það er jákvætt fyrir þróun námsstíls að nemendur geti skilgreint sinn eigin námsstíl.
 
 Bruner segir að nemandi lærir best með uppgötvunarnámi og að það eigi að kenna nemendum undirstöðuatriði fremur en að hrúga að þeim staðreyndum. Með því að kenna undirstöðuatriði lærir nemandi að skipa staðreyndum í kerfi og lærir þannig hvernig hann getur bætt við sig þekkingu. Menning og umhverfi hefur áhrif á nám og menntun. Margir valmöguleikar varðandi nám og hópavinna með mismunandi aldri. Kennsla verður að byggja á og vera í takti við reynslu nemenda. Fyrst er innlögn einföld og svo er farið í dýpri og flóknari atriði. Hlutverk skólans er því að ögra lífsskoðun nemenda. Kennari notar ýmsar aðferðir við að láta nemendur skilja, skoða og uppgötva aftur það sem þau hafa þegar lært.

Schön fjallar um fagmennsku kennara og segir frá mikilvægi þess að kennarar deili hugsunum sínum með öðrum til að læra af mistökum og líka til að deila jákvæðri reynslu. Ígrundun kennara í starfi er mikilvæg.

Urie Bronfenbrenner kom með vistfræðikenninguna og skiptir samfélaginu í fjögur svið: nærumhverfi (micro), millikerfi (meso), stofnanakerfi (exo) og ysta kerfið (macro). Kenningin tekur tillit til kerfa samfélagsins og áhrifanna sem þau hafa hvert á annað og hvernig kerfi samfélagsins hafa áhrif á samskipti og líðan einstaklinga. Samfélagið er byggt upp af flóknum kerfum sem hafa mótandi áhrif á þroska manneskjunnar. Bronfenbrenner lýsir því að fastmótaðir líffræðilegir þættir og umhverfi komi saman og móti þroska og þróun manneskjunnar. Vistfræðikenningin lítur á umhverfið sem röð af föstum punktum eins og heimili, skóli, vinnustaður og fleiri staðir þar sem fólk eyðir tíma hversdagsins. Hvert kerfi hefur áhrif á þroska, síðar bætti hann við kenningu sína hvaða áhrif tími hefði, tímamótaviðburðir eins og sérstakir atburðir og breytingar í menningu með því að bæta tímakerfi (chronosystem) í kenninguna. Í kjölfarið endurnefndi hann kenninguna og kallaði hana lífvistfræðikenningu (bioecological model) til að leggja áherslu á þátt lífrænna ferla í þroska. Hann leit svo á að líffræði segði til um þroskamöguleika en félagsleg og umhverfisleg öfl réðu því hvort einstaklingurinn næði þeim þroska. Nærumhverfi (micro) er umhverfið sem er næst barninu eins og heimilið og skólinn. Aðilar í þessu umhverfi hafa áhrif á barnið og barnið hefur áhrif á þessa aðila. Millikerfi (mesosystem) er samskipti aðila í nærumhverfinu, gæði og tíðni samskipta milli þessara aðila. Bronfenbrenner sagði að aðstæður fyrir þroska barna væri afkastamestur ef samband milli aðilanna í nærumverfinu væri sterkt. T.d. ef gott samband væri á milli kennara og foreldra.

Stofnanakerfið (exo) er hluti af umhverfi barnsins, barnið er ekki beinn þátttakandi í þeim samskiptum en samskiptin hafa engu að síður áhrif á þroska þess. Stofnanakerfið kemur í framhald af millikerfinu. Vinnnumarkaðurinn, nágrennið, fjölmiðlar, sveita- og ríkisstjórnir eru hluti af þessu kerfi. Stofnanakerfið getur haft áhrif á þroska barns því það hefur áhrif á þætti í millikerfinu, t.d. getur vinna eða vinnutími foreldra haft jákvæð eða neikvæð áhrif á barnið.

Ysta kerfið (macro) er ysta lagið á umhverfi barnsins. Bronfenbrenner sagði að ysta kerfið væri öðruvísi en önnur kerfi í vistfræðikenningunni. Hér talar hann um lög, venjur, siði, menningu sem hefur áhrif á samskipti á hinum kerfunum.

Tímakerfið (chronosystem) er síðasta lagið. Hann bætti þessu kerfi við vegna þess að hann taldi að vistfræði mannsins breyttist með tímanum, þessar breytingar gætu verið ytri breytingar eins og fráfall foreldra eða innri breytingar eins og líkamst og sálrænar breytingar sem að gerast eftir því sem barnið eldist. Hann hvatti til þess að að þroski barns yrði skoðaður í ljósi þeirra þátta sem hafa áhrif á þroska þess, þeirra þátta sem eru í umhverfi þess.

Lífvistfræðikenning Bronfenbrenner snýr ekki beint að kennslu eða námi þannig að hagnýting hennar fyrir börn og nám þeirra snýr meira að umhverfisþáttum. Kennarar og skólayfirvöld geta horft til Bronfenbrenner til að sjá hvað áhrif umhverfisþættir eru fyrir börn og þroska þeirra. Bronfenbrenner lagði mikla áherslu á að foreldrar fylgdust með námi barna sinna. Það væri afar mikilvægur hlekkur í þeirra þroska. Kennarar þurfa að átta sig á bakgrunn nemenda og skilja mikilvægi þess að börnin koma úr ólíkum áttum og ólíkar fjölskyldugerðir, trúarbrögð og fleira. Í þeirri fjölmenningu sem við lifum í er afar brýnt að kennarar taki mið af því í samskiptum. Skilningur á bakgrunni nemenda og víðsýni er lykill að farsælli kennslu og námi. 

Starfsendarannsókn Helgu Rúnu Traustadóttur (2016) leiddi í ljós mikilvægi þess að hafa samráð við nemendur um þróun markmiða. Helstu niðurstöður bentu til þess að samvinna við nemendur um skilgreiningu á meginmarkmiðum og viðmiðum varð til þess að námsferlið var markvissara og nemendur áttu einfaldara með að fjalla og meta sitt eigið nám.