Allir sammála um mikilvægi þess að setja markmið fyrir kennslustund í byrjun og jafnvel ræða í samhengi við markmið námskeiðs í heild. Þannig finna nemendur að æfingakennari talar inn í stærra samhengi. 

Allir höfðu áhuga á að virkja nemendur í kennslustundum og lögðu því áherslur á það. Allir nýttu sér því þær tæknilausnir sem þeir hafa kynnst í náminu í HÍ  með það að markmið i(padlet, nearpod,kahoot og answergarden.ch) Almennt gekk það allt vel. Einn lenti í því að ekki væri hægt að deila glærum á zoom án þess að minnispunktar kennarans séu líka sýnilegir. Það var leyst með því að finna aðra tölvu á heimilinu og nota sem aukaskjá. 

Undirbúningur fyrir kennsluna var meðal þess sem var rætt en mismunandi væntingar virðast hafa verið meðal æfingakennara til kennaranema. Sumir áttu auðvelt með undirbúning þar sem þeir voru með skýrt afmarkað efni eða efni sem var nátengt þeirra sérfræðiþekkingu. Kennaranemi í sagnfræði fékk mikið frelsi í efnistökum og var með efni sem var frekar framandi fyrir hann. Sá nemi talaði því um að mikil orka hafi farið í að finna efni, lesa það og útbúa kennsluefni þar sem það var ekkert skaffað nema þema frá æfingakennara. Annar hafði svo orð á því að það efni sem hafði komið frá æfingakennara hafi ekki verið spennandi og bauð upp á litla möguleika. Hann varði því líka mjög miklum tíma í undirbúning. Aðrir kennaranemar höfðu kannski minna fyrir undirbúningi og nefndu frekar að tímastjórnun innan kennslustofu hafði verið meiri áskorun og að áætlaður tími fyrir sambærileg verkefni hafi gengið fyrir einn hóp en ekki annan. 

Allir voru sammála um að það hafi verið minna gefandi að fá ekki viðbrögð frá nemendum sem voru fæst í mynd. Í mörgum kennslustundum hjá æfingakennurum svöruðu nemendur ekki einu sinni öðruvísi en eingöngu á spjallinu. Kennaranemar höfðu annars orð á því að vel hafi gengið hjá þeim sjálfum að virkja nemendur og að lykillinn hafi stundum verið að gefa þeim nægan tíma til að svara og ganga eftir svörum. Vera óhrædd við þögnina. 

 

 

Mikill kostur að vera alltaf með einn nemanda sem
brýtur ísinn. Það er þá líklegra að aðrir nemendur fylgi með. Við mælum sem sagt með að kennarar fái sér einn málglaðan nemanda. Sumum nemendum fannst þæginlegra að tala í gegnum Zoom með enga
myndavél, það kom okkur á óvart. Þá var meira talað í gegnum netið heldur en í
kennslustund. Það var eins og nemendur urðu öruggari á bak við myndavélina.