Ég hef unnið á Vesturborg í tvö ár og vil læra í háskolann til að verða betri kennari. Mér finnst mjög gott að vinna á leikskóla af því að ég held að það sé mikilvægt að hugsa vel um aðra og gæta þeirra og ég held að það sé gagnlegt að kunna að passa og fræða börn. Ég kláraði sálfræði BS á Spáni í júlí 2021 og ég er spenntur til að byrja að læra aftur, en ég er líka smá kvíðinn út af því að ég verð að gera það á tungumáli sem er enn að læra og ég veit ekki hverning starfar háskoli á Íslandi, en mér þykir gott að mæta áskoranir.

Ég hef áhuga á tungumálum, list, tónlist, nátturu og tölvuleikjum, sérstaklega á hryllingslekjum.

Ég heiti Atli Már Erlendsson og hef starfað við leikskólastörf síðan 2012 en er með bakgrunn sem kvikmyndagerðamaður með sérgrunn í hljóðvinnslu. Leikskólastarf er einfaldlega það skemmtilegasta starf sem ég hef unnið við og þótt að það er hægt að tuða endalaust um launin þá elska ég þetta starf og hugsa hversu fáranlegt það er að ég fæ borgað fyrir að leika mér með börnum. Eftir að ég byrjaði í náminu hef ég fengið mörg "oh shit" móment þar sem ég fatta hvað annað fagfólk hefur verið að tala um og fá smá innsýn hvernig börn hugsa. Enda goal-ið mitt er að vinna sem deildarstjóri og enda sem aðstoðar og/eða leikskólastjóri.

Ég hef ástríðu fyrir tölvuleikjum, elska fína craft bjóra, grilla og ferðast um heiminn. Mjög basic bitch gaur hahaha.

Hlakka til að fara vinna með ykkur í haust.

Áhugamálin mín eru að njóta með fjölskyldunni minni og vinum, hekla og fara í gönguferðir í náttúrunni.

Áhugamál mín eru tónlist, hjólreiðar og hafa gaman með skemmtilegu fólki.

Mér líst vel á námsefnið og hef þær væntingar til námsins að það efli mig enn frekar í stjórnunarstöðu en líka sem faglegur leiðtogi.

Öll menntun er af hinu góða en ég vænti þess að þetta námskeið mun efla mér í mínu starfi og sem einstaklingur og dýpka skilning minn á hlutverk leiðtoga.

Ég hef unnið í leikskólanum Hömrum í Grafarvogi síðan ég útskrifaðist lengst af sem deildarstóri á elstu deild.

Mínar væntingar til námskeiðsins er að bæta mig í samskiptum og styrkjast í því að taka á erfiðum eða viðkvæmum málum sem geta komið upp í starfsmannahópnum eða í samskiptum við foreldra og börn. Mér finnst mjög gaman að prjóna, og fara í gönguferðir.

Áhugamálin mín eru að prjóna, fara á snjóbretti, eyða tíma með fjölskildum og vinum, svo nýlega er ég komin með hlaupadelluna og er að elska að fara út að hlaupa

Ég er með B.Sc. gráðu í líffræði og B.A. í tónsmíðum og hef mjög gaman að sagnfræði og tónlist.

Ég heiti Kristín Sif Kristjánsdóttir og var að klára B.Ed í Leikskólakennarafræðum. Ég hef unnið í Leikskóla Seltjarnarness í 17 ár sem leiðbeinandi og aðstoðar leikskólakennari eftir að ég kláraði grunnnámið. Eftir að grunnnámið kláraðist ákvað ég að halda áfram og valdi Leikskólakennararfræði, MT námsleiðina í meistarnáminu. Ég bý á Seltjarnarnesi og er tveggja barna móðir, á son sem er 18 ára og dóttir sem er 16 ára. Áhugamálið mitt er að fara í gönguferðir og njóta náttúrunar og að eyða sem mestum tíma með fjölskyldu og vinum.

Væntingar til námskeiðisins er bara að hafa gaman og læra helling í leiðinni.

Ég byrjaði að vinna í leikskólanum Akraseli á Akranesi haustið 2019 og ári seinna skráði ég mig í leikskólakennarafræði og kláraði B.Ed. vorið 2023. Er búin að vera deildarstjóri í Akraseli í rúmlega eitt ár og fannst vera kominn tími á að halda áfram með námið.

Mér finnst mjög gaman að prjóna og er í handverkshóp vestur í Dölum og sel lopapeysur þar í lítilli búð sem handverkshópurinn Bolli á og rekur. Til dæmis held ég mun betri athygli við að hlusta á fyrirlestra með prjóna í hönd en þegar ég er ekki með þá ;)

Ég hef áhuga á hreyfingu, útiveru, ferðast, upplifa eitthvað nýtt og skemmtilegt og er að byrja að spreyta mig í útsaum.

Áhugamálin mín eru í handverk, bækur, útivera, og garðyrkja.

Ég hef starfað innan skólageirans frá árinu 1980 sem tómstundafulltrúi, leikskólakennari, deildarstjóri, leikskólastjóri, leikskólafulltrúi og fræðslustjóri og starfa nú við Menntavísindasvið. Ég hef gaman af lestri, gönguferðum og samveru við fjölskyldu og vini. Þá finnst mér ótrúlega gaman að kenna og stunda rannsóknir 😊

Ég hef starfað sem deildarstjóri í leikskólum frá árinu 2011, hef unnið bæði með mjög fjölbreyttum barnahópum og starfsmannahópum.

Hlakka til að bæta við mig meiri og dýpri þekkingu.

Ég er alltaf kölluð Vala, er 39 ára, bý með manni og tveimur dætrum á Seltjarnarnesi (samt 101 Rvk. gella - fædd, uppalin og alltaf í hjartanu) og starfa þar einnig á leikskóla Seltjarnarness.

Nýútskrifuð með B.Ed. í leikskólakennarafræðum og vildi halda strax áfram í master og ekki taka pásu.

Hagur barna er mér alltaf efst í huga og fagmennska þeirra sem starfa með þeim og ég hræðist ekki gagnrýni né að gagnrýna - alltaf á uppbyggilegan hátt. Allt sem gerir okkur að hæfari einstaklingum til þess að styðja við þroska og lærdóm barna.

Elska þætti og kvikmyndir og hef sérstakan hæfileika í að taka enduráhorf í milljónasta skipti. Finnst gaman að labba hratt en ekki hlaupa og finnst að útivera tvisvar á dag (minnst!) í leikskólum eigi að vera í lögum.

Spennt fyrir vetrinum og því að efla mig faglega.

Ég heiti Lillian og er 33 ára.
Ég er upprunalega frá Noregi en fyrir um það bil níu árum ákvað ég að flytja til Íslands eftir að hafa kynnst kærastanum mínum. Við búum saman í Reykjavík með dóttur okkar og tveimur köttum.

Mig hefur alltaf dreymt um að vinna með börnum og eftir eitt og hálft ár í leikskóla hef ég sannfærst um að þetta er draumastarfið mitt. Ég hef lokið BA námi í leiklist og nú er ég í Menntunarfræði leikskóla (MT).

Fyrir mig skiptir miklu máli að fá tækifæri til að vaxa og þroskast, bæði sem manneskja og sem leikskólakennari. Ég hlakka því til að taka þátt í þessu námskeiði, kynnast nýju fólki með svipuð áhugamál og fá að deila og læra af reynslu hvers annars.

Áhugamálin mín eru að prjóna, Formúla 1 en það helsta eru ólympískar lyftingar og er ég að fara að keppa á mínu fyrsta móti í desember.

Væntingar mínar til námsins er að styrkja mig í stjórnendastöðu, gefa mér innsýn í reynslu annara og kynnast nýjum leiðum í starfi stjórnanda.

Ég heiti Svandís Rós og 25 ára Reykvíkingur. Ég kláraði BA í uppeldis- og menntunarfræði í fyrra og vann á leikskóla samhliða því námi. Ég hef unnið á sama leikskólanum síðan árið 2020 og tók við sem deildarstjóri á yngstu deildinni síðasta vetur. Nú er ég að byrja í menntunarfræði leikskóla MT og er mjög spennt að bæta við mig þekkingu og getað orðið betri deildarstjóri. Áhugamálin mín eru að ferðast, lesa, hreyfa mig og njóta tíma með vinum og fjölskyldu.

Ég útskrifaðist með B.ed. í sumar og er að hefja M.ed. nám núna ásamt því að vinna sem deildarstjóri á miðdeild í leikskóla.

Ég er búin vinna í leikskóla í 5 ár og 3 þeirra sem deildarstjóri.

Áhugamálin mín eru að lesa bækur og að safna að mér gagnlausum fróðleik um kvikmyndir og sjónvarpsseríur.

Er ekki með sérstakar væntingar til námskeiðsins heldur opin fyrir nýjum upplýsingum og dýpkun á fyrri þekkingu.

:)

Ég hef unnið á leikskóla síðan 2012 og lengst af sem deildarstjóri elstu barna.

Ég á mér einstaklega lítið af áhugamálum en ,, minn tími,, er að fara í ræktina.

mínar væntingar til námskeiðsins eru engar sérstakar nema auka við mig þekkingu og úrræðum til að nýta mér í starfi.

Ég starfa sem sérkennari á leikskóla í Reykjanesbæ og er verkefnastjóri í mínum skóla hvað ISAT varðar, mér líkar það einstaklega vel. Ég hef mikin áhuga á þroska og getu barna og hef setið allskonar námskeið og lesið mér ýmislegt til hvað þau málefni varðar.

Það má segja að það sé partur af mínum áhugamálum að fræðast um geðheilsu og andleg málefni, fræðast um mataræði og áhrif þess. Ég elska að gleyma mér með penslana- mála myndir og teikna. Hreyfing af ýmsum toga, hlusta á tónlist, fara í útilegu og svo bara að njóta þess að eiga gæðastundir með góðu og skemmtilegu fólki.

Ég hef unnið með hléum á leikskólum síðan ég var í menntaskóla og starfa í dag sem deildarstjóri á elstu deild á Náttúruleikskólanum Krakkakoti. Ég er með BSc í Sálfræði og ákvað núna að bæta við mig MT í Menntunarfræðum Leikskólakennara til þess að læra meira mér til ánægju og til þess að styrkja mig i starfi - því börnin eiga það allra besta skilið!

Ég á 4 ára dóttir og er einstæð. Ég elska alla handavinnu og sækist í að skapa allskonar í mínum frítíma ásamt því að eyða tíma með fjölskyldunni. Ég byrjaði í öðrum áfanga en skipti og kem því smá seint í hópinn. Ég er mjög ánægð að hafa skipt og er spennt fyrir þessum áfanga og því sem verður kennt.

Í starfi mínu finnst mér mikilvægt að byggja upp góð tengsl við börn, foreldra og samstarfsfólk og skapa jákvætt og öruggt umhverfi. Ég hef sérstakan áhuga á hlutverki kennarans og hvernig góð samskipti og samstarf geta stuðlað að betri þroska og námi barna.

Ég hlakka mikið til námskeiðsins og vona að ég geti lært mikið af ykkur, fengið nýjar hugmyndir og öðlast nýja þekkingu sem ég get nýtt í starfi mínu. Ég hlakka einnig til að deila eigin reynslu og læra af reynslu annarra.

Hlakka mikið til að kynnast ykkur!