Irakasleek ere gelako classrooma erabiliko dute, edo berena, nahi izatera.

Bideoak hiru minutu ingurukoak izan behar dira. Garrantzitsua da irakaslea noizbait agertzea, konexioa handiagoa izan dadin. Bideoak YouTuben jar daitezke, ezkutaturik, eta esteka Google Classroom bidez zabaldu. Horrela ikasleek nahi beste aldiz edo behar duten guztietan ikusten eta entzuten ahalko dute azalpen bakoitza. 

Ikasleen gaitasun digitalek aukera emanez gero, honelako atazak sar daitezke: Interneten informazioa bilatzea, bideoak sortzea, aurkezpenak, podcastak grabatzea, narrazio digitalak, eta abar. Gainera, horrela gaitasun digitalak landuko dituzte.

Tutorearekin egiten diren bideokonferentzietan (astelehenetan eta asteazkenetan, esaterako) hurrengo egunetako lana azalduko da eta zalantzak argituko dira; gainera, giro lasaian hitz egin daiteke: zer ari diren egiten, nola sentitzen diren, eta abar. Autorregulazioa bultzatzen saiatuko gara, ikasleek berek antola ditzaten beren atazak eta berek erabaki dezaten zenbat denbora eman behar duten bakoitzean.

Gela batean bi tutore badaude, bakoitzak bideokonferentzia bat eginen du, txandaka. Gelan batean laguntza-irakaslerik badago, edo bi irakasle ari badira, denek har dezakete parte saioetan, edo bestela taldeak irakasleen artean banatzen ahal dira.

Astean GHko saio bat.

Astean, edo bi astean behin, musika saio bat.

A eta D ereduetako ikastetxeetan, astean ingeles saio bat, atazak azaltzeko, zalantzak argitzeko eta abar.

Talde txikiak mantendu behar dira; saioen iraupena 20-30 minutukoa izanen da, GHko saioetan izan ezik, horiek 40-50 minutukoak izan daitezke eta.

Taldeko kide guztiek parte hartzen ez duen espezialitateren bat badago (frantsesa, erlijioa...), irakasle espezialistak bere taldeak antolatzen ahalko ditu.