БӨЛМӨ ГҮЛДӨРҮ – ЖАКШЫ МААНАЙ ЖАРЧЫСЫ by Аделя Укубаева

Топурак:

adelya8401 — 2024-07-15 05:59:52 UTC

Жашылча-жемиштердин кабыгын, отоо чөптөрдү ыргытпай, майдалап туурап огороддогу бош жерге таштап коё бериңиз. Ал жерди казып топурак менен аралаштырабыз да, бир жыл коюп коюу керек. Мындай топурак табигый витамин, минералдарга бай болуп, гүл жакшы өсөт. Сапатсыз топурак бозомук тартып, ныгырылып өзү эле билинип турат, ал эми сапаттуусу борпоң болуп, өңү кочкул күрөң, кара болот.

Идиш:

adelya8401 — 2024-07-15 06:03:17 UTC

Чоподон жасалган гүл челектерге караганда пластмасса идиштерге отургузсаңыз, аба алмашуу жакшы жүрүп, гүл жакшы өсөт.

Отургузуу:

adelya8401 — 2024-07-15 06:06:42 UTC

Алгач идиштин түбүнө пенопластты майда бөлүктөргө бөлүп, 1-2 сантиметрдей калыңдыкта салабыз. Пенопласт абаны жакшы өткөрөт. Таш салгандар да бар, бирок таш топуракты ылдый тартып, топурак тез басырылып кетет.

Сугаруу:

adelya8401 — 2024-07-15 06:08:26 UTC

Гүлгө алдын ала кайнатылып, муздаган суу куюу керек. Кайнабаган суу топурактын шорун чыгарып, топурак ныгырылып, үстү, идиштин четтери ак болуп калат. Сууну гүлдүн жалбырагынын үстүнө куйсаңыз, кычкылдануу (окисление) жүрүп, жалбырак тез чирийт. Андыктан сөзсүз түрдө гүлдүн тамырына туштап куюңуз. Гүл суу керек же жогун өзү эле билдирет. Топурагын колуңуз менен кармап көргөндө нымдуулук бар болсо суу куюунун кереги жок, ал эми кургап калганын сезсеңиз, анда сугаруу маалы келди. Күн ысыкта аптасына 1-2 жолу, суукта 1 жолу эле сугаруу жетиштүү.

Көчүрүү:

adelya8401 — 2024-07-15 06:11:32 UTC

Гүлдөрдү бир жылда бир, жазында же күзүндө топурагын алмаштыруу, чоңоюп кетсе идишин алмаштыруу үчүн көчүрүп туруу абзел. Антпесе топурактын курамындагы пайдалуу азыктар жоголуп, гүлдүн да сапаты кетет. Көчүрөрдөн 1 саат мурун гүлгө суу куюп жумшартып алуу зарыл. Андан кийин гүл челектен этият алып чыгып, тамырындагы ашыкча топурактарды түшүрүңүз да, жаңы топурак салынган идишке отургузуп, суу куюп коюңуз.

Жер семирткич:

adelya8401 — 2024-07-15 06:13:37 UTC

Гүлгө ашыкча жер семирткичтерди берүүнүн кажети жок. Топуракты жумшартуу жана нымдуулукту сактоо үчүн 2 ирет: жазында жана күзүндө топурактын үстүнө 0,5-0,7 грамм аммофос затын кошуп, анан суу куюп коюу жетиштүү.

КҮНӨСТҮҮ ЖЕРДЕ ӨСҮҮЧҮ ГҮЛДӨР:

adelya8401 — 2024-07-15 06:16:10 UTC

Фиалка, гвоздика, фикус, глоксиния, азалия, бокарнея, орхидея фаленопсис, цикламен, кодиеум (кротон), примула жана башка.

КӨЛӨКӨ ЖЕРДЕ ӨСҮҮЧҮ ГҮЛДӨР:

adelya8401 — 2024-07-15 06:17:57 UTC

Антуриум, замиокулькас, спатифиллум, диффенбахия, драцена, хризантема жана башка

ҮЙДӨ ДА, СЫРТТА ДА ӨСҮҮЧҮ ГҮЛДӨР:

adelya8401 — 2024-07-15 06:21:34 UTC

Крокус, калатея, энотера, папоротник, хоста, герань, петуния, фикус. Булар бирде жылуу, бирде салкын болуп алмашып турган абаны жактырган гүлдөр. Бул гүлдөрдү бөлмөдө, балкондо, короодо да өстүрүүгө болот