Sumali ako sa BNI noong pandemic, akala ko magandang investment. Pero sa loob ng isang taon, narealize kong hindi ito business growth platform—isa itong mahal at umagang-umagang “networking” cult.

Recruitment Overload
Laging may "Magdala kayo ng bagong member!" speech. Kapag bumabagal ang recruitment, may mga bumibili na lang sa isa’t isa para mukhang may business activity. Parang umiikot lang ang pera sa loob.

Referrals na Walang Silbi
Isang taon akong nag-attend, nag-pitch, at naghintay ng quality referrals—wala akong natanggap kahit isa. Pero kapag ako ang nagbigay ng referral, hindi man lang tinawagan. At yung mga nirefer sa akin? Either ghosting o hindi naman interesado. Para lang may ma-report sa meeting.

Hindi Lahat ng Members Mapagkakatiwalaan
May mga kasapi na naniningil ng mahal pero mediocre ang trabaho—at patuloy pa rin silang nare-refer dahil sa sistema.

Saan Napunta ang Contributions?
Bukod sa ₱32K membership fee, may buwanang ambag para sa birthdays at iba pang gastos ng chapter. Pero noong birthday ko? Wala man lang pa-softdrinks.

Walang Pakialam Pagkaalis Mo
Nung hindi na ako uma-attend, hindi man lang ako tinanong kung bakit. Ang natanggap ko lang? Isang cold, automated email na tinanggal na ako sa grupo. Biglang parang hindi na ako kilala.

Kung may isang taong maliligtas ko sa scammy networking na ‘to, sulit na ang post na ‘to.