Kynningarnar ykkar þurfa því ekki endilega að vera hefðbundnar glærukynningar; þær geta líka verið í alls kyns öðru formi. Það er hægt að finna margs konar verkfæri til að búa t.d. til myndbönd eða einhverja allt aðra leið til miðlunar; hlaðvarp eða rafbækur. 

Á þessum Padlet vegg eru dæmi um verkfæri sem þið gætuð nýtt ykkur við að útbúa kynningarnar ykkar og í umræðuhluta málstofunnar ykkar. 

Það er ekki skylda að velja neitt af verkfærunum á þessum vegg ef þið hafið aðrar hugmyndir eða aðgang að öðrum verkfærum. Hérna eru bara sýnishorn til að koma ykkur á sporið því nú er aldeilis tíminn til að prófa sig áfram með óhefðbundnar leiðir til náms og miðlunar. 

Ef þið hafið prófað einhver önnur verkfæri þá er líka núna tíminn til að deila með kollegum sínum leiðum til að kynna og læra á óhefðbundinn hátt. Sendið Ingileif ábendingar og hún bætir þeim inn í þessa verkfærakistu. 

Gangi ykkur áfram sem allra best 
Guðrún, Ingileif og Oddný

Það er líka hægt að hittast á Zoom eða Teams og halda fyrirlesturinn þar og jafnframt að taka hann upp.
Zoom er t.d. ókeypis fyrir 40 mín. fundi.

Inni í Canvas getið þið gert skjáupptökur í Studio. Sjá leiðbeiningar.

FilmForth er ókeypis myndbandsforrit frá Microsoft. Hægt að taka upp, klippa og skeyta saman. Ég hef ekki notað það sjálf en fengið verkefnaskil sem unnin hafa verið í þessu verkfæri. Það kom vel út.

Camtasia bæði til að taka upp og klippa. Kostar nokkuð en hægt að fá sér 30 daga prufuáskrift.

Scrrencastomatic þykir handhægt í notkun. Hægt að vera með ókeypis aðgang og einnig að kaupa sér hann. Ekki mjög dýrt.

OBS er auðvelt í notkun og ókeypis.

Með Recordcast er hægt að taka upp 30 mínútur ókeypis. Mælt með því af reyndum kennara í fjarkennslu.

Loom þykir snjallt og einfalt í notkun.