WikaSUOTAN - 11 GRANDE '24-'25 by Bea M. Bautista

27 Cloud Gabriel C. Mercado

cloudmercado2 — 2024-10-08 13:07:56 UTC

Hindi.. ‘di ako taga UP, excited lang mag pasko 😆 Hello! Ako si Cloud at hilig ko talaga ang kulay pula, medyo halata naman. medyo lang. At tsaka hilig ko rin pala ang basketball, pagbubuhat, pagbabasa, pagluluto, at paggigitara. Yun lang!

22 Cheska Victoria B. Jovellanos

2024-10-09 06:15:45 UTC

Hello! Ako si Cheska at ako ay isang dedikadon estudyante. Hilig kong maglingkod, mag-aral, at magsalita. May pribilehiyo akong gawin ang mga gawaing minamahal ko sa aking paaralan, Ateneo SHS.

Ako ay si Keira!

2024-10-09 08:14:50 UTC

Nakikita ko ang sarili ko sa ibang tao, lalo na sa mga pinakamahal ko. Ang larawang nakikita sa aking kasuotan ay ang Eraserheads, isang banda na minamahal ng aking tatay (at dahil dyan, ang aming buong pamilya) mula bata pa kami. Ang minamahal kong tao, musika, at sining, ay malaking parte sa aking pagkakakilanlan at ito ay isang halimbawa!

08 Danielle Rowan B. Conejos

2024-10-09 10:05:29 UTC

Hello po! Ako si Dani, at ang suot ko sa larawan ay isang sweater at kwintas na bigay sa akin ng aking lola (dati niyang pagmamay-ari), isang simbolo ng pagmamahal at tradisyon sa aming pamilya. Mahilig din akong magbasa ng mga libro at sumayaw ng ballet.

07 Julia Sharlene K. Choa

2024-10-10 02:21:42 UTC

Magandang araw! Ako si Julia, naniniwala ako na ang pagiging simple at mabuting tao ay mahalaga sa ating komunidad. Mahilig ako sa mga bagay na komportable, tulad ng suot kong sweater, na sumasalamin sa aking pagiging bukas-loob at maalaga sa kapwa. Nakikita ko ang mga katangiang ito sa ibang tao, at ito ang nagbibigay sa akin ng pakiramdam na kabilang ako sa isang pangkat na nagtataguyod ng pagkakaisa at mabuting pakikitungo.

10 Solomon Leone M. Crisanto

2024-10-10 07:56:16 UTC

Nakikita ko po ang mga suotan ko sa ibang tao. Sa larawan ito, nakasuot ko ang aking mga gear at may nakahawak kong baril para sa Airsoft. Sa baba ko ay ang isang kaibigan ko, si Lance Villamor, at sa kanan ko ay ang aking Kuya. Sa akin, ang mga gear ko ay hindi lang para sa Airsoft, kundi bilang simbolo sa akin ng pagmamahal ng kaibigan at pamilya ko.

05 Burt Stephen James Bass

burtbass1 — 2024-10-10 12:37:44 UTC

Hi! Ako si Burt at hilig kong bumuo at gumawa ng iba’t-ibang mga kasuotan na sa tingin ko, sumasalamin sa salitang “aesthetic”. Sa aking karanasan, dito sumisigla ang pagiging malikhain ko na nagiging daan upang pag-butihin ko pa ang libangan na ‘to. Isang halimbawa nito ang larawan na ‘to kung saan pinormahan ko ang karaniwang puting polo na ‘to sa paraan ng paglalagay ng mga halik sa may bandang dibdib at leeg upang bumagay sa tema ng concert na pinuntahan ko.

24 Aryana Jayden Tugas Maclang

2024-10-10 12:41:57 UTC

14 John Gabriel P. Evangelista

2024-10-10 13:43:42 UTC

Magandang araw, ako ay si Gaby, suot ay isang t-shirt sa panloob at sa ibabaw ng ito ay ang aking sweater. Ito'y aking sinusuot dahil gusto ko maging komportable habang nag-aaral at kapag ako'y nasa aking kompyuter. Mahilig din ako magbasa, maglaro sa aking kompyuter, at iba pa!

26 John Arren H. Mendoza

2024-10-10 13:51:50 UTC

Hello hi mabuhay!! Ako si Jarren at ang aking sinusuot ay t-shirt at tsaka headphones. Ang t-shirt ay sumisimbolo sa aking interes sa Kpop at sa grupong TXT. Ito kasi ang isinuot ko sa kanilang concert dahil nakita ko ito sa isa sa kanilang mga photoshoots para sa kanilang konsepto o album. Ang headphones naman ay sumisilbi bilang pang harang sa mga chimis na dumadaan sa aking tenga dahil mahilig din ako minsan makimaritess...JOKE ito talaga ay sumisimbolo sa aking pagmamahal sa pagkanta at musika!

25 Miguel Luis I. Martinez

2024-10-10 14:16:42 UTC

Magandang araw po! Ako si Miguel. Isa po akong swimmer para sa rehiyon ng ncr, at para sa ating eskwelahan. Pangarap ko pong makapasok sa national team ng ating bansa. Halos labing-isang taon na po akong naglalangoy. Kahit man gumising ng alas-quatro ng umaga at makarating sa bahay ng alas-otso ng gabi para sa aking praktis ay masaya parin ako sa ginagawa ko dahil isa po talagang karangalan para sakin na naabot ko ang kung nasaan po ako ngayon.

19 David Werner M. Jaranilla

2024-10-10 15:00:57 UTC

Magandang araw! Ako si David at sa larawang ito ay makikita na ako ay nakasuot ng isang maskara na may disenyo ng Oblasyon ng Unibersidad ng Pilipinas at ang Ateneo de Manila ID ko. Ang Unibersidad ng Pilipinas ay isang paaralan na sa ating kasaysayan ay nagsilbing isang pangunahing pook ng pakikipaglaban para sa kalayaan ng mga dukha at inaapi sa lipunan, at ang Ateneo de Manila naman ay isang paaralan kung saan karamihan sa mga mag-aaral ay ang mga burgis at may pribilehiyo. Sumisimbolo ang pagsuot ko ng dalawang bagay na ito ng kontradiksyon sa pagitan ng aking diwa at isipan na nais maglingkod sa masa at ang tunay at materyal na katayuan ko sa lipunan na mas malapit sa uring mayaman. Nagpapakita ito na ako ay isang produkto ng tunggalian at pagkakaiba ng mga uri sa lipunan — na ako ay isang anak ng kalagayang pribilehiyo na pinagsama sa kamalayan tungkol sa pagdurusa ng ating mga kababayan.

2024-10-10 15:12:38 UTC

Hi!! Ako si Kia at ang sinusuot ko ay isang diyaket na binigay saakin ng tatay ko (na dating sa kanya) at isang kuwintas na binigay saakin ng nanay ko. Sobrang importante ang mga ito para sa akin at laging sinusuot ko ang mga ito kapag ako'y lumalabas. Ang diyaket ay nagpapaalala sa akin ng aking tatay dahil sinusuot niya ito araw-araw bago binigay niya ito sa akin, at ang kuwintas ay naglalaman ng isang larawan ng aking pamilya kaya mahalaga ang mga ito sa akin.

40 Lance Ethan V. Villamor

2024-10-10 15:15:57 UTC

Hi ako ay si Lance at ito ang suot ko kapag naglalaro ako ng airsoft. Espesyal sa akin ang kit na ito dahil ito ang suot ko noong una akong naglaro ng airsoft kasama ang kaibigan kong si Solomon at isa rin itong paraan para magka-bonding kami ng tatay ko dahil naglalaro din siya ng airsoft. Ang kit na ito, para sa akin ay hindi lamang isang paraan para maglaro ako ng paborito kong hobby kundi isang simbolo din para sa aking pakikipagkaibigan at isang paraan upang makasama ang aking tatay.

34 Jaime Matteo C. Pascual

2024-10-10 15:18:14 UTC

Hi! Ako po ay si Jaime Matteo AKA Matty Pascual at mahilig ako sa mga video games tulad ng Mario, Zelda, at Persona. Pinili ko ang itong jacket dahil ito ay, una, mula sa Nintendo, ang kompanya na ginawa ng ilan ng mga games na nabanggit ko, at ikalawa, ito ay symbolo ng aking paglalakbay sumasama ng aking pamilya, dahil mahilig maglalakbay ang pamilya ko, at itong jacket ay mula sa Nintendo New York store na napunta kami noong June 2023.

38 Maya Samson

mayaalessandrasamson — 2024-10-10 15:51:47 UTC

Magandang araw po! Ako si Maya at ang suot ko ngayon ay ang jersey at cap ko pang softball. Maraming katangian akong natutunan habang ako'y naglaro ng softball at kapag nakikipag-ugnayan ako sa komunidad ng softball, tulad ng pagiging masipag, nakatuon matiisin, matulungin, at mabuting panalo at talo. Maraming bagong salita at terms ang natutunan ko rin, ilang halimbawa ay usog, palo, bato, salo, fast pitch, flyball, drive, at center.

33 Gian Karlo E. Parungao

2024-10-10 16:01:12 UTC

Heloo! Ako si Gian Parungao at nakasuot ako ng ateneo jacket na pinili ng nanay ko, na nakakaalam ng hilig ko sa mga jacket. Gusto ng nanay ko na pumunta ako sa ateneo at laging nandiyan para suportahan ako. at ngayong nandito na ako gagawin ko ang lahat para hindi sayangin ang oportunidad na ito.

17 Amanda Sophie A. Hernandez

2024-10-10 16:25:17 UTC

Magandang araw po! Ako si Amanda at sa larawang ito ay nakasuot ako ng matataas na bota. Nakasuot ako ng mga ganitong uri ng sapatos dahil ako ay isang pandak na babae. Mahilig din akong tumakbo, tumawa, at magbiro.

12 Hugo Matteo T. Ducusin

hugoducusin2 — 2024-10-10 22:48:52 UTC

Ako si Hugo, at mahilig akong magtanghal at sumulat. Suot ko sa larawan ang isang relo na bigay sa’kin ng aking ama, na sumisimbolo sa aking pamilya (at ang wika na aming ginagamit sa tahanan).

31 Diego Andres L. Nuestro

2024-10-10 22:54:22 UTC

Magandang araw! Ako'y si Diego at aking sinusuot sa larawang ito ay ang isang relong aking ibinili noong aking kaarawan nang ako ay naging labing-lima! Nais kong ipahayag gamit ito na mahalaga sa akin ang aking oras sapagkat aking pinapaniwalaan na ito ay may hangganang hindi natin alam kailan ,at kaya't kailangang gamitin ng maayos ang mga oras na andito pa tayo sa mundong ito.

09 CONEL, Zena Colleen R.

2024-10-10 23:13:50 UTC

Magandang Araw! Ako si Cadet Girl Scout Zena Colleen Conel, laging handang tumulong at maglingkod. Sa kasuotang ito, naipapahayag ko ang aking pakikiisa sa scouting movement at sa aking mga kapatid, ang kapwa kong scouts. Sa aming uniporme, naipapakita namin ang aming pagkakaisa sa misyon, wika, at tungkulin sa bayan.

41YAP CYRIL

2024-10-10 23:44:08 UTC

Hi, ako si Cyril Yap at ang suot ko sa image na ito ay isang black Metallica shirt. Mahilig kase ako sa musika, lalo na ang rock at metal, at bukod doon, tumutugtog rin ako sa isang band, at ganitong klaseng damit ang kadalasang sinusuot namin ng kabanda ko. Black ang suot ko dahil ito ay isang simpleng kulay at nararamdaman ko na ang kulay na ito ay narereflect rin ng aking sarili: tahimik at introverted.

02 Andre Martin I. Banzon

andrebanzon2 — 2024-10-11 00:26:37 UTC

Hello po! Ako si Andre, mahilig naman ako kumanta at gumuhit ng maraming bagay. Ang suot ko naman ay isang berde na t-shirt na may mahabang manggas at may mga pin ng mga gusto ko kagaya ng anime. Ang simbolo naman nito ay ako ay hindi nahihiya ipakita kung sino ako amd anong gusto ko sa buhay.

23 Maria Antoinette C. Lopez

2024-10-11 00:37:05 UTC

Mahalaga sa akin ang suot kong pulseras dahil and disenyo nito ay nakabatay sa isang kantang aking minamahal. Bukod dito, sinasalamin nito ang aking pagmamahal sa musika. Sa Pilipinas, mahalagang bahagi ang musika sa ating pang-araw araw na buhay. Pinagbubuklod-buklod nito ang pagkakaiba ng bawat isa sa kabila ng pagkakaiba ng ating mga kultura.

GRA32 OCHOA, Nat

2024-10-11 00:43:49 UTC

Magandang araw! Ako si Nat, at isa sa mga hilig kong gawain ay mag drag make-up. Sa larawang ito, hindi masyadong pulido ang aking make-up dahil layunin nitong gayahin o i-reference ang isa sa mga larawan ng aking kaibigan.

13 Espedido, Jean David Ryan L

2024-10-11 03:11:39 UTC

13 Espedido Jean David Ryan L.

2024-10-11 03:22:16 UTC

Magandang Hapon po, ako ay si Dave Espedido na nakasuot ng pangkasuotang gerilya noong WW2. Ang aking baril ay gawa sa kahoy, na iginagamit para sa ROTC. Bilang isang gerilya, Hindi maayos ang aking uniporme, pero isa akong magsasaka na lumalaban para sa kalayaan ng bansa. Nakapaa ako habang nagmumukhang gerilya o rebelde at ibinili ko ang aking gamit sa ukay ukay. Gayunpaman, iginamit ko ang pagkakataon na magmukhang gerilya para sa aming paaralan sa AJHS. Ang grupo ng gerilyang ipinapakita ko ay ang HUKBALAHAP noong panahon ng WW2. Dahil dito inaanyayahan ko na maging Mulat, Malay at Sangkot sa kasaysayan ng Pilipinas at sa politiko natin

15 FAROL, Remiah Valene G.

2024-10-11 04:40:03 UTC

Hello! Aka si Mia Farol. Mahilig ako sa mga kikay na pampaganda at mga maliliit na anik-anik. Kaya naman magaling ako kumuwa ng litrato at mag pose para sa kamera. Lagi niyo ako makikita umaawra at nagsusuot ng mga makukulay na damit sa Instagram. Sa larawan na ito, makikita niyo na ako ay nakasuot ng purple na dress at cowboy hat para dumalo sa isang concert nakaraan. Pag kasama ko mga aking kaibigan o pamilya, malalaman niyo agad kung sino ako dahil ako ay lagi naka makulay na panamit. Ito ang aking paraan para iekspres ang aking pagkatao.

GRA11 CRUZ, Jadon

2024-10-11 04:56:37 UTC

Dito, kahit di gaanong nakikita, ang pinaka simbolo ay ang choker. Sa paraang ito naipapakita ko ang asking personal na pamamaraang pambihis

29 Miralles, Angelo Gabriel E.

2024-10-11 05:06:42 UTC

Hi, ako si Angelo, at ang aking suot ay isang makeshift cosplay kay Swiper, wala itong kulay ngunit ang kailangan lamang ay ang imahinasyon. Ang simbolo nito ay ang pagbabalik tanaw sa aming dating gawain sa TD para sa mga bata, kung saan ang aming pag-aarte ay nagbigay ng saya sa'min.

2024-10-11 05:06:56 UTC

Magandang buhay! Ako si Zab at mahilig ako sa mga makukulay na ipit na kay rikit. Ito'y nagpapaalala saakin ng mahilimuyak na samyo ng mga Kamia sa Leyte. Makikita rin sa larawan ang tampipi laman ang mga Lansones na aking kinagigiliwan. Ating masasalamin na tunay ngang kay ganda ng ating kulturang nakagisnan!

01 RAPHAEL IGNACIO M. ALIKPALA

2024-10-11 05:20:07 UTC

Magandang Araw! Ako po si Raphael Alikpala, at ang ibabahagi ko ay ang aking jacket. Ako'y isang taong nagmamahal sa lahat. Minamahal ko ang aking pamilya ag ang aking mga kaibigan, dahil kung wala sila sa buhay ko, wala akong magagawa sa buhay ko. Itong jacket na ito ay isang regalo galing sa aking mga magulang, at ito'y palaging nagaalala sa akin na minamahal ako ng aking pamilya.

35 Erin E. Perez

2024-10-11 05:25:00 UTC

Hello! Ako si Erin! Nagsimula akong maging Girl Scout noong ako’y Grade 5 palang. Sa halos anim na taon na kabilang ako rito, marami akong napuntahang lugar at nakilalang kaibigan, na hinding hindi ko malilimutan. Marami rin akong natutunan dito, tulad ng pagiging handa sa anumang mangyari, ang kahalagahan ng pagtulong sa kapwa, at siyempre, pagmamahal sa ating bayan at kultura.

36 Abigail Beatrice A. Razon

2024-10-11 05:26:39 UTC

Magandang araw! Ako si Abby at mahilig akong magtanghal at manamit. Sa larawan, mayroon akong suot na... Ito ay aking isinuot sa isang dulang nagngangalang Linya at ako ay gumanap bilang ang karakter na si Mika, isang maglalakbay na hinahanap ang kahulugan ng kanyang buhay. Para sa aking karakter, sinisimbolo nito ang "pagtanaw." Para sa akin naman, sinisimbolo ng kasuotang ito ang paglagpas ko sa sarili kong "linya" at ang patuloy kong pagtanaw sa mga magagandang bagay.

2024-10-11 06:35:20 UTC

Magandang araw! Ako si Nat. Mahilig ako mangolekta ng mga bagay na malikhain at makasining. Isa na rito ay ang bag na ito na galing sa Ilocos. Nirerepresenta nito ang aking pagkakakilanlan bilang taong pinaglalaban ang kulturang Pilipino, isang halimbawa ay ang pagtatangkilik ng sariling atin.

37 SALVADOR, Lorenzo A.

2024-10-11 06:41:08 UTC

Magandang hapon sa inyong lahat ako si lorenzo pero ang palayaw ko ay enzo or brad. mahilig ako maglaro ng isports, magbisikleta, makinig ng musika at magbasa. Ang napili kong kasuotan ay ang aming class shirt last year. Mahalaga saakin ang tshirt na ito dahil isa itong simbolo ng pagkakaibigan namin ng aming klase na magkakasama ng apat na taon At marami kaming napagdaanan suot ito tulad ng pagpapanalo ng ilang sportsfests.

Yeehaw

2024-10-11 06:42:31 UTC

Magandang Umaga sa anyone lahat! Ako po ay si Jei Yohann A. Cattiling, mahilig ako sa mga kitty cats, kaya Cat-tiling. Englishero din ako kaya hindi pusa-tiling, at yan din ang rason kung bakit may cowboy hat ako nayon, kase English diba... Westernization, ganurn, basta lahat na iyan. Baka nakalimutan niyo na, pero ang magulang ay nanggaling sa Ifugao, kaya ganyan din ang apelyido ko galing sa Cattiling Clan. Pero ano yung kaugnayan ng probinsya ko sa cowboy hats? Sa probinsya ko, mahilig din sila sa mga country songs sa America, kagaya ng Blake Shelton. Proud ako sa heritage ko, at sa diyalekto doon, at ito ang paraan ko para i-honor ang kultura ko #IfugaoRepresentasyon. Ang koneksyon nito sa topic natin sa wika, ay Englishero ako at palaging Western ang media, kaya mas sanay ako sa Ingles. Pero kahit Englishero po ako, maintindihan ko naman ng mga salita sa diyalek, di ko kaya magsalita, pero maintindihan ko naman.

18 Emiliano R. Ibañez III

2024-10-11 13:22:18 UTC

Maayong adlaw! Ako si Thirdy at suot ko ang aking ID sa larawan na ito. Para sa akin, ang ID na aking suot ay nagrerepresenta ng aking pagiging parte ng kommunidad ng Ateneo! Sa aking libreng oras, mahilig ako maglaro ng basketball at video games.

39 Toledo, Daniela Amina B

2024-10-11 14:16:27 UTC

Hello !! Ako si Daniela, at suot ko ay ang aking wristband at gamit ang aking raketa. Itinuro sa akin ng tennis ang kahalagahan ng paglalaro nang mag-isa, at kasama ang iba pang manlalaro, dahil may iba’t ibang estratehiya upang manalo sa laro. Bukod dito, naglalaro ako ng mga video at mobile games (Final Fantasy, Breath of the Wild, Tears of the Kingdom, Wuthering Waves, atbp.), kumuha ng mga larawan gamit ang aking selpon o kamera, at nakikinig sa musika.

20 Rafael F. Jarilla

2024-10-11 14:16:46 UTC

Magandang araw kaibigan! Ang kasama ko ngayon ay ang aking headphones at libro. Siyempre, mahilig ako makinig ng musika, lalo na habang naglalakad papunta LRT. Nagpapakalma ito saakin, kahit hindi ko alam kung bakit. Tapos yung libro naman, ito ang paboritong libro ng nanay ko. Kaya palagi ko to dala, kasi palagi ko naalala ang pamilya ko gamit ito. Espesyal din ito dahil binili ko to kasama ang aking iisang minamahal, kaya, kapag may oras, binabasa ko po ito.