babae ay maaaring diborsyo ng kanyang asawa ayon sa relihiyong confucianismo 

Ang mababang katayuan ng mga kababaihan sa bansang India ay naging daan upang maitatag ang iba’t ibang samahang pangkababaihan. Ilan sa mga aktibong samahan ay ang Bharat Aslam ni Keshab Chunder Sen ng Brahmo Samaj (1870); Mahila Samaj ni Pandita Ramabai at Justice Ranade (1880); at Anjuman-e Khawatin-e-Islam na itinatag ni Amir-un-Nisa. Isa pang samahan ay ang Women’s Indian Association (1917) at maging ang National Council of Indian Women (1925). Ang dalawang samahang ito ay naging aktibo sa paghahangad ng mga pagbabago sa isyung paggawa, dekonstruksyon ng mga kanayunan at batas ukol sa maagang pagpapakasal. Samantala, pinangunahan ni Sarojini Naidu ang pangangampanya na magkaroon ng karapatan ang mga kababaihang makaboto

Buong pusong pinangunahan ni Zulfiqar Ali Bhutto (1971-1977), ang malaking pagbabagong naganap sa katayuan ng mga kababaihan sa Pakistan, maging ang Saligang – Batas 1973 upang magkaroon ng pantay na pagtingin sa kababaihan at pagkakaroon ng posisyon sa National Assembly

Ang United Front for Women’s Right (UFWR) na itinatag sa gitnang bahagi ng 1970 ay pinamunuan ng may mga pinag-aralan at naging instrumento upang ibahagi ang hinihiling ng mga kababaihan. Samantala, mahalaga ang naging papel ng samahang Mother’s Front sa Sri- Lanka na naging daan upang maisulong ang iba’t ibang karapatang pangkababaihan. Ang Sri-Lanka Women’s NGO Forum na binubuo ng iba’t ibang samahan ay naging aktibo sa usaping pagtataguyod sa pulitika. Naging tanyag din ang LTTE o Women’s Front of the Liberation Tigers noong 1983 dulot ng digmaang sibil naging aktibo ang mga kababaihan sa pagtulong sa usaping pinansyal, pagkalat ng mga propaganda at maging sa pakikipaglaban na naging dahilan ito ng pagpapalaya sa kanilang sarili sa anumang uri ng pagmamalabis. Maging sa bansang Bangladesh ang Mahila Parishad noong 1970 ay isa sa pinakamalaking samahang pangkababaihan na naitatag. Malaki ang naitulong nito sa usaping pang kababaihan na naging daan sa ratipikasyon ng CEDAW (Convention on the Elimination of all Forms of Discrimination Against Women). 

Si Reyna Rania Al Abdullah ng Jordan ay nanguna sa pakikipaglaban sa iba’t ibang uri ng pang-aabuso laban sa mga kababaihan. Samantala sa Ehipto, naging instrumento si Susan Mubarak nang nabibigyang pansin ang batas pampamilya na ipinagbabawal ang pagkapon sa mga kababaihan. 

Sa rehiyong ito patuloy pa rin ang pakikibaka ng mga kababaihan sa iba’t ibang isyung kinasasangkutan nito. Ipinagbabawal sa Kuwait at Saudi Arabia ang makilahok sa halalan. Ngunit, matapos magkaroon ng pagpupulong ang mga Civil Society sa rehiyong ito na ginanap sa bansang Cyprus unti unting nagkakaroon ng pag-asa na mabigyan ng atensyon ang mga hinaing pangkababaihan.

Isa sa mga naging tanyag na namumuno sa bansang UAE ay si Sheikha Fatima Bint Mubarak. Sa pamamagitan ng National Council of Women at nabigyan ng karapatan na makapag-aral sa kolehiyo ang mga kababaihan at magkaroon ng karapatang ekonomiya. Sa kasalukuyan ang mga kababaihan sa rehiyong ito ay patuloy at aktibong nakikilahok sa pulitika at iba pang usaping pangkapayapaan.

Ang aking mga natutunan sa araling ito ay ang pagkakaroon ng tiwala ng mga kalalakihan sa mga kababaihan sa panahon ng pandaigdigang digmaan. Na tulad ng mga naging bayaning kababaihan na lumaban sa mga mapang abusong Espanyol, sila ang mga kababaihang handang ipagtanggol ang ating kalayaan ng ating bansa.