يامرحبا مرحبا مثل الزهر والورود

ياصحبنا يالصدور الما علاه الورود

يازين رد النقا من بعد سيق النذير

ماهي ختاله ورى العالم وغراتها

انا لاشفت الديار السانيه والمحل

شديت عنها وابدل بالمحل المحل

الديرة الطيبة حتى ف وجه البعير

نعرف وتعرف هالخبرة علامتها

دكتور قاف

دام البقا والمعاني بين بدعن ورد

اللي ورد ماصدر واللي صدر ماورد

ياجعل ماباس ياصوت الحجاز الشهير

ان كان عندك علومن وارده هاتها

الشيخ ابو سيف شغل موتره وادّهر

ويقول دار الحيا غار المحل والدهر

شعيل ماكبره غار العلف والشعير

شوف البعارين مختلفه حراكاتها

صوت الحجاز

ي كيف بالله تنساني ثنين وخوان

ماني بخاين ولا ربعي بواق وخوان

نعرف سلوم العرب ولا نبوق القصير

ونحفظ الاصحاب حضرتها وغيابتها

يمكن يباله مكانه فالمجلس وجاه

لكن يستاهل اللي قد حصله وجاه

دايم على الذنب يقدنه سلوك حرير

اهل الظليمة شنيعات نهايتها

دكتور قاف

لا ياشبابه ترا معاد حنا سوى

اللي يبا زين مايبغى شريحة سوى

واللي يبوق اقصراه آكيد مافيه خير

لاكن حجتك بالله عطني إثباتها

الجاه والعلم الابلج في كرم في وفا

ماكنت احسبه كذا ياحيف والله وافا

ف ايامك القادمة مدري وش اللي يصير

مدام هذي بداية من بداياتها

صوت الحجاز

الواضحة ماتبا برهان بعد الوضوح

لا تجحد المزن والبارق وضوح الوضوح

واللي رعدها وبارقها مطرها مغزير

يالله يالله لا تمحق بركاتها

من لا يعرف الوفا ماضن خاوا حروب

يثنون دون الخوي في سلم والا حروب

متواريثين الوفا صغيرنا عن كبير

واهل الوفا تحفظ الساير وعاداتها

دكتور قاف

ياصوت من كبر سنه جا بعظمه رعد

والجو كنه صحو مافيه برق ورعد

حده ماجاك المطر بالسيل تالي عصير

اللي يشيل البدو ويشيل نوقاتها

والنعم في حرب والعتبان وانا وانا

الحارثي بالوفا والمرجله ماونا

رح علم اصحابك الهذلان ولا مطير

ترى شبابه على النوماس راياتها