Мысалы: тауға шығып серуендеу, көл жағасында демалу, тарихи қалаларды аралау немесе шипажайда ем қабылдау - мұның бәрі рекреацияға жатады. Оны жүзеге асыруға мүмкіндік беретін – сол орындардың табиғи сұлулығы, жайлы ауа райы, жолдың болуы, демалатын жерлердің барлығы – міне, осының бәрі рекреациялық ресурстар.

Рекреациялық ресурстар – бұл белгілі бір аумақта табиғи-ландшафтық, климаттық, гидрологиялық және биотикалық компоненттерден (орман-дала, су айдындары, таулы массивтер, климаты) және мәдени-тарихи-әлеуметтік объектілерден (мұражайлар, ескерткіштер, демалыс нысандары, туристік инфрақұрылым) тұратын кешен.

Рекреациялық ресурстар – бұл адамның физикалық және психикалық саулығын нығайтуға, күнделікті күйзелістен арылтуға, танымдық көкжиегін кеңейтуге ықпал ететін табиғи, тарихи-мәдени және әлеуметтік орта нысандарының үйлесімді жиынтығы.

Рекреациялық ресурстар – белгілі бір аумақтың табиғи және антропогендік компоненттері негізінде қалыптасқан, адамның демалу, сауықтыру және танымдық қажеттіліктерін қанағаттандыруға бағытталған кеңістіктік ресурстық потенциал. Оларға климаттық жағдайлар, гидрографиялық желі, орографиялық құрылым, ландшафт эстетикасы, тарихи-мәдени мұралар және көлік инфрақұрылымы жатады.

Адамның бос уақытын тиімді өткізуге мүмкіндік беретін ресурстар (мысалы, ормандар, көлдер, таулар, жағажайлар, ұлттық парктер, тарихи ескерткіштер және т.б.).

Олар адамның тынығу, сауықтыру, туризм және танымдық іс-әрекеттерін жүзеге асыруына қолайлы. Рекреациялық ресурстар құрамына геоморфологиялық құрылымдар (тау жоталары, шатқалдар, үңгірлер), гидрогеологиялық объектілер (минералды сулар, көлдер, өзендер), климаттық факторлар және табиғи ландшафттардың эстетикалық тартымдылығы жатады.