Matsferill - Ágústráðstefna Samtaka áhugafólks um skólaþróun 14. ágúst 2025 by Ingvar Sigurgeirsson

Matsferill í hringrás mats og kennslu

ingvarsigurgeirsson — 2025-03-25 15:41:17 UTC

Matsferill er safn fjölbreyttra matstækja sem dregur upp heildstæða mynd af námslegri stöðu og framförum nemenda, reglulega yfir skólagönguna. Þeim er ætlað að auðvelda starfsfólki skóla að miða kennslu við þarfir hvers nemanda og koma auga á þau börn sem telja má í áhættu vegna framvindu í námi og þroska. Matsferill er því verkfæri sem hjálpar til við þrepaskipta þjónustu eins og farsældarlögin gera ráð fyrir.

Í erindinu verður varpað ljósi á hvað Matsferill er og þá grunnhugmyndafræði sem þróun hans hvílir á. Hlutverk Matsferils í hringrás og mats og kennslu verður skoðað sérstaklega þar sem kennsla og stuðningur er skipulagður á grunni upplýsinga sem aflað er um hvern nemanda, bæði með formlegum og óformlegum hætti.

Sjá einnig hér

Freyja Birgisdottir

ingvarsigurgeirsson — 2025-03-25 15:41:17 UTC

Freyja Birgisdóttir er með doktorspróf í sálfræði og var dósent við Menntavísindasvið og Sálfræðideild Háskóla Íslands um árabil. Hennar meginrannsóknarefni fjallar um þróun málþroska og læsis frá leikskólaaldri til unglingsára og hvernig sú þróun tengist öðrum sviðum þroska. Freyja var ráðinn sviðstjóri matssviðs hjá Miðstöð menntunar og skólaþjónustu þann 1. apríl síðastliðinn.

Aftur á ráðstefnusíðuna

ingvarsigurgeirsson — 2025-03-25 15:41:17 UTC