Þegar skoðað er þær staðreyndir hér að ofan má gera sér þá hugmynd um að menn séu meðal annars félagslega, efnahagslega, líkamlega, hegðunar- og atferlislega og tilfinningalega séð háðir svefni, við þurfum hann til að tryggja hin bestu lífsgæði sem við mögulega getum.

Alvarlegt svefnleysi getur haft skaðlegar og jafnvel í versta falli lífshættulegar afleiðingar. 

Heimsmetabók Guinness hætti að samþykkja allar tilraunir til þess að slá heimsmetið í svefnleysi og eyddu einnig svefnleysisheimsmetum úr fyrri annálum þeirra vegna hræðslu þeirra um að þau myndu verða hvati til tilrauna með svefnleysi seinna meir eftir að þeim hafði verið gert grein fyrir andlega- og líkamlega skaðanum sem að getur fylgt langvarandi svefnleysi. Það er einnig vegna þessa sem að vísindamenn hafa takmörkuð sönnunargögn um áhrif langvarandi svefnleysis á menn. Það er siðferðislega óviðunandi að leggja það á einhvern. 

Góður svefn getur varið okkur gegn öllu sem nefnt var í hlutanum um skaðleg áhrif svefnleysis, en hann getur einnig gert okkur sterkari, betri í að takast á við tilfinningalega erfiðleika og grætt tilfinningaleg sár sem við höfum fengið á lífsleiðinni. Góður svefn skerpir einbeitingu, hjálpar okkur að læra betur og festa fleiri hluti á minnið. Skörp einbeiting og góður svefn gerir okkur einnig að betri bílstjórum svo við getum fullvissað að við séum ekki okkur eða neinum öðrum til hættu. Svefnleysi hefur valdið mörgum stórslyssum sem sem eru jafnvel söguleg, eins og Chernobyl. Hann hjálpar okkur að finna lausnir á erfiðum vandamálum. Og síðast en ekki síst getur góður og reglulegur svefn stuðlað að góðri heilsu, verndað okkur gegn sjúkdómum og veikindum og hjálpað okkur að takast betur á við átakanlega og erfiða hluti sem geta fylgt okkur í gegnum ákveðna daga eins og kvíða og þunglyndi

Eftir að hafa verið vakandi í ákveðinn tíma fer meira og meira adenosine að vera til staðar og því meira adenosine sem er til staðar, því þreyttari verður maður. Þegar koffíns er neytt festir það sig við adenosine viðtaka í heilanum og gerir þá óvirka í ákveðin tíma. Koffín hindrar þannig syfjutilfinninguna sem við finnum fyrir. Því miður er afar stór hluti þess hóps sem neytir koffíns ekki meðvitaður til fulls um hversu lengi koffín getur verið í kerfi líkamans. Það tekur koffín um fimm til sjö klukkutíma til þess að hætta verka á einstakling og þess vegna er mikilvægt að passa hvenær maður ákveður að drekka koffín svo maður geti reynt að tryggja sem bestan nætursvefn. Með mikilli koffínneyslu geta fylgt erfiðleikar við að sofna og þar með slæmur nætursvefn. Það leiðir að neyslu koffíns næsta dag og jafnvel neyslu meira magns en hafði verið neytt daginn áður, hér getur myndast slæmur vítahringur sem maður verður að passa sig á. 

Blundur getur einnig ekki komið í staðinn fyrir svefn, blundar geta aukið einbeitingu og virkni í stutta stund út daginn ef sofið var illa daginn áður en munu þeir aldrei vera nóg. Bæta þarf upp þann svefn sem ekki var fenginn nóttina áður. Oft vinna blundar og koffín saman hjá einstaklingum.

Nikotín
Nikotín er ávandabindandi og örvandi lyf. Þeir sem neyta nikotíns geta vaknað yfir nóttina vegna fráhvarfseinkenna og átt erfitt með að sofna aftur, þetta myndar slæman svefnhring og getur skilið einstakling eftir órólegan og fullan af syfju yfir daginn. Einnig er talið að þeir sem neyta nikotíns eða tóbaks eiga erfiðara með að sofna almennt, sofa lausar, vakna oftar yfir nóttina og ná ekki eins djúpum og endurnærandi svefni.

Í svefni verður taugakerfi okkar óvirkt, augu okkar lokast, líkamsstöðuvöðvarnir slaka og meðvitund verður stöðvuð. Svefn hefur lengi verið ein stór ráðgáta sem snertir mörg svið sálfræðinnar og eru læknar enn til dagsins í dag að rannsaka svefn.

Við þurfum svefn fyrir einbeitingu og virkni út daginn, við þurfum hann til þess að geta lifað hinu besta lífi og verið við hina bestu heilsu. 

Svo virðist vera að menn séu með einhvers konar innri ,,líkamsklukku” sem að stýrir þessum dægursveiflum okkar. Þegar við sofum eru líkamar okkar tiltölulega óvirkir og aðgerðalitlir og við erum með takmarkaða vitund um umheiminn, en heilar okkar eru enn virkir til ákveðna marka og við förum í gegnum mismunandi stig í meðvitundinni í endurteknum lotum.