Xunía en baxamar a L'Aramar, el so nome vien del dique que zarraba un pequeñu puertu onde entá güei  vense los restos d’un antiguu y artesanal astilleru, ún de los de meyor relevancia de la villa de Lluanco, xusto onde desagua l’arroyu de Cañéu.

Dafechu, el Dique y L'Aramar fueron testigos de les actividaes de los primeros balleneros de la villa, como asina lo acoten los restos de güesos de cetáceos atopaos na playa de la Ribera.

El conxuntu d’ambes cales ye ún de los llugares con más encantu de la zona, con grandes árboles en cantu mesmu de la sablera 

Esti rincon de sable y cantos al este de Lluanco ye ún de los paisaxes más guapos del conceyu de Gozón, unu de los preferíos pal descansu branizu de los lluanquinos. La concha que forma la sablera d'arena y cantos rodaos de L'Aramar xúnese casi la Isla del Carmen nes baxamares, llugar nel que tolos años celébrase la procesión marinera pa rindir homenaxe a la virxe. 

La Ribera ye la marina más querida polos lluanquinos, que celebren equí les sos más arraigaes tradiciones, siendo l'escenariu de la procesión de la Venia en Selmana Santa,de les fogueres de San Xuan nos solsticios de branu y del afamáu Torneu Internacional de Tenis-Playa de Lluanco  

Los sos inmexorables servicios y la calidá ambiental de les sos agües, escelentes pal bañu, faenla merecedora, dende l'añu 2004, del distintivu Bandera Azul. 

Bañugues destaca pola so hestoria, como importante referente na arqueoloxía asturiana polos últimos afayos del xacimiento de Traslailesia y el del Paleolíticu Inferior atopao al Este de la sablera. Amás tiense constancia de que na dómina romana atopábase equí una villa.  

Son testigos mudos d’esta hestoria minera la bocamina, les ruines de les edificaciones de la esplotación y el pequenu puertu onde cargábase'l mineral.  

Bien frecuentada por pescadores, Llumeres tien un gran interés arqueolóxicu industrial; un llugar únicu na marina  asturiana que bien merez ser conocíu y fotografiáu p'amosar esi pasáu d’esfuerzu qu’entá recuerden los más vieyos del llugar.  

Al oeste de Llumeres, más allá del vieyu dique del puertu, comparte'l so ancón el Puertín de Viodo, cala de cantos y sable gris con espléndides vistes a la mar a la que tamién se puede llegar dende l’aldega de Viodo, caminando peles roques en baxamar.  

Verdiciu, cola so forma de concha y les sos grueses arenes doraes, destaca pol so estensu campu dunar, de gran valor ecolóxico pola so flora, na que destaquen algunes especies vulnerables que tienes de respetar nel to  camín  a la sablera. Escontra l'este, la mirada afaya una cadena de castros (Los Negros, Les Prietes, El Pollín ..), y el pimpanu relieve del Cabu Peñes mancando  la mar frente a la Isla Erbosa.  

Nes sos cercaníes atopáronse  xacimientos del Paleolíticu y el recintu castreñu de “El Cuernu”, ente les llombes  que se ven pa Peñes.  

Tamien llamada Sablera de Barquera,llegar a Carniciega caminando polos senderos a pie de los cantiles que la arrodien y, tamién en marea baxa dende l'oeste de la playa de Verdiciu. Ye un formosu y sele arenal dorao, de gran valor paisaxísticu, que ye probable que fora utilizao como puertu pesqueru na antigüedá. Nes sos proximidaes pueden vese los restos del castru de los Garabetales.  

Bien concurrida pel branu, tamién tien llugares seles pa xugar, facer deporte o pasiar reparando nos sufistas a lo llargo de los sos  casi 2 kilómetros de llargor  hasta la Punta la Garza. Quiciabes tamien pueda sorprendete nel cielu dalgún parapentista que saltó dende los cantiles de pizarra del Cabu Negru.  

Frecuentada por pescadores y surfistas pol so fuerte folaxe, ta bien espuesta a los vientos del nordeste, lo que fai recomendable bañase con precuru.   

La sablera de de San Pedro d’Antromero y los cortes que la arrodien son una auténtica aula de xeología, pos equí se pueden reparase, axuntaes en bien curtiu espaciu , facies turbiditicas con abondoses estructures sedimentaries,carboniferas y continentales, percima de les cualos se instálense caliares marines del cretácicu, con fósiles perbién calteníos.