Repleksyong Lasalyano by Jared Adriel Aguirre

jared_aguirre — 2025-09-20 06:22:47 UTC

Isang personal na danas na aking naranasan patungkol sa isyung kinakaharap ng wika ay ang pagkakaroon ng iba't ibang representasyon ng wika sa iba't ibang grupo na aking nakakasalamuha sapagkat may mga Bagay na hindi tampok sa aking pagkakaintindi ng wika, dahil na rin sa malawakang paglago ng wika at ang impluwensiya into sa ating mga Pilipino. Bagama't nakakatulong din ito sa paglago ng koneksyon ng bawat isa sa atin, mintan ay nagkakaroon din ito ng miskomunikasyon.

jared_aguirre — 2025-09-20 06:48:39 UTC

Ilan sa mga sanhing nagpapalubha sa nabanggit na hamon na ito ay ang lumalaking impluwensiya ng medya, internet, at malawakang globalisasyon. Sa medya at internet, mas nabibigyang diin ang mga sosyolek sa parian ng pakikipag-usap kung kaya't nasasanay ang ilana mga indibidwal sa ganitong paraan ng pakikipag-usap. Malaki rin ang nagiging impluwensiya ng globalisasyon sa hamon ng wika na ito, sapagkat maaaring mawala ang balanse sa paggamit ng tunay na wikang Pilipino sa salitang banyaga.

jared_aguirre — 2025-09-20 06:59:50 UTC

Bagama't may mga hamon at isyu itong naidudulot sa wikang Pilipino at sa kabuuan ng wika, isa sa mga hakbang na dapat kong gawin, bilang isang Lasalyano at isang mamamayan, at dapat nating gawin ay balansehin ang paggamit ng sosyal na pananalita at paggamit ng tunay at pormal na wikang Pilipino sapagkat mahalaga ang bawat parte ng ating sosyolohikal na pag-unlad at kinakailangan lang na magkaroon ng balanse sa paggamit nito.