Инклюзивті білім беру- дамуында сәл ерекшеліктері бар балалардың дені сау балалармен бірге олардың әлеуметтендіру және интеграция процестерін жеңілдету мақсатындағы бірлескен оқыту.

мен тәрбие жұмыстарымен арнайы педагогика –тифлопедагогика айналысады.

Тифлопедагогиканың басты мақсаты: нашар көретіндер мен соқыр балаларды оқыту мен тәрбиелеу жұмыстарының әдістерін дамыту, олармен түзету жұмыстарын жүргізу. Тифлопедагогика грек сөзінен алғанда «tiflus» - соқыр деген мағынаны білдіреді, педагогика-тәрбиелеймін деген мағынада. Көруі бұзылған тұлғалар, соқырлар және нашар көретін тұлғалар арнайы педагогикада психоденелік бұзылысты қамтиды.

Көруі нашарлаған тұлғалар: 1)соқыр (толығымен көрудің жойылуы немесе сақталған қалдық көру); 2) нашар көретіндер (қылилық).

Көруі бұзылған балалар келесідей категорияларға бөлінеді:1) туылғаннан соқырлық; 2)ерте соқырлық; 3) 3 жастан кейінгі көру қабілетінен айырылған; Соқырлық – көру қабілетінің жоғалуының ең күрделі сатысы. Бұл сатыда қоршаған ортаны көру мүлдем мүмкін емес немесе шектеулі. Соқырлық туылғаннан және жүре пайда болады. Көрудің сақталуы екіге бөлінеді:1) жалпы (абсолютті) соқырлық (көру қабілеті екі көзде де толығымен жойылған) 2) практикалық соқырлық (қалдық көру) жарық сезгіштік немесе формалық көру сақталады. Көру сипаттамасы: көру функциясындағы әр түрлі іс-қимыл параметрлерінің теңсіздігі, сәйкессіздігі; көру қабілетінің тұрақсыздығы; ақпаратты өңдеу жылдамдығының төмендігі; көру функциональдық қабілетінің төмендеуі салдарынан қажу. Нашар көрушілік – көру қабілетінің төмендеуі нәтижесінде болатын ауытқу түрі. Мысалы: миопия (жақыннан көрушілік), гиперметропия (алыстан көрушілік), астигматизм. Нашар көретіндердің көрнекілік қабылдауының сипаттамасы: асықпауы,бұлыңғырлық, кез-келген жағдайда қоршаған ортаны тануға, еркін қозғалуға үлкен мүмкіндік береді. Нашар көрудің кемшіліктері прогрессшіл және прогрессшіл емес деп бөлінеді. Қылилық – бұл біржақты немесе екіжақты бинокулярлық көрудің қатысуымен көздің сынуының өзгеруі, конвергенция (көз осътерінің жақын болуы). Амблиопия-көру қабілетінің жойылуы. Патогенетикалық негізі: көру аймағы мен ми қыртысының, көздегі хрустальдың өзгерісі.

Туылғаннан соқырлықтың болу себептері: баланың іштегі даму кезіндегі ақаулықтар, анасының инфекциялық аурулармен жүктілік кезінде ауыруы, анасының немесе әкесінен тұқымқуалаушылық арқылы берілуі, туылғаннан бастағы ісік. Көздегі болатын ауытқулар - түрлі аурулар, көздің қысымын, ОЖЖ түрлі ауруларына әкеліп соғуы мүмкін.