Ang pangarap na mahirap abutin, kailangan mo itong paghirapan at pagsumikapan. Sabi nga nila “madaling mangarap”, ngunit paglipas ng panahon napagtanto ko na tama nga sila napakadaling mangarap ngunit, napakahirap din itong abutin. 

May mga pagkakataon na sa pag abot ng iyong pangarap mapanghihinaan ka ng loob o may mga taong magsasabi sa iyo ng negatibo, imbes na ito’y iyong pakingan at dibdibin, gawin mo itong inspirasyon. Gawin mong positibong pag-iisip ang mga negatibong kaisipan. 

May mga pagsubok o balakid, ngunit wag mo itong gawing rason upang huminto at sumuko sa pag abot ng iyong pangarap. Malayo pa ang iyong mararating, paano ka makakaabot sa dulo kung sa simula pa lang ay susuko ka na.

Darating din ang panahon na matutupad mo ang iyong pangarap, at sa panahong iyon ikaw naman ang magiging inspirasyon nila at kanilang ipagmamalaki. Walang mahirap sa taong may pangarap. Padayon!

   Mula pagkabata, pangarap ko na talagang yumaman. Gusto kong tumigil na sa pagtratrabaho ang mga magulang ko at ako na lamang ang magtrabaho sa kanila. Alam kong hirap sila sa pagtratrabaho para lang may makain at makapag-aral kami kaya naman pinagbubuti ko ang pag-aaral ko para magkaroon ako ng magandang kinabukasan. Mahirap man ay kinakaya ko parin para sa mga pangarap ko. Lagi kong inisip ang mga magulang ko na siyang ginagawa kong inspirasyon para makamit ko ang mga ito. Minsan ay gusto ko nang sumuko kapag naiisip ko ang mga hirap na pinagdaanan nila para sa akin ay nagkakaroon ako ng panibagong lakas para harapin muli ang mga pagsubok na pinagdadaanan ko. Naisip kong sumusuko ako sa mga bagay na nagbibigay sa akin ng kaunting hirap kumpara sa mga sakripisyo nila para sa akin kaya naman bumabangon ako lagi para magpatuloy. Babangon at babangon akong muli at magpapatuloy para sa mga inspirason ko sa buhay hanggang sa maabot ko na ang aking mga pangarap.

   Hindi dapat tayo sumuko gaano man kadali o kahirap abutin ng ating mga pangarap. Isipin lang natin ang dahilan o ating inspirasyon na nagtutulak sa kanila para abutin ang kanilang mga pangarap o para gawin ang isang bagay. Minsan ideya, lugar o bagay pero madalas ay tao. Magpatuloy lang tayo sa pag-abot nito dahil makakamit natin lahat kung pagsusumikapan nating itong abutin.

   “don’t put your self down motivate your self keep your self up and ready for any challenges that comes”

Sinasabi sa ating ang pangarap ay susi sa paghihirap, naniniwala ako sa kasabihan na ito lalo na kung tayo ay determinadong kumilos makamit lamang ito. Minsan, hindi maiiwasan na tayo ay mapapaisip kung matutupad ba ang mga pangarap na ito at may iba namang kokontra sa ating mga gusto ngunit hindi ito sapat na dahilan para sumuko, dahil kung iisipin man natin ang paghihirap na nararanasan sa kasalukuyan ay dapat lalo tayong maging matatag at mas maging determinado. Sabi nga sa bidyo, walang madali sa mundo. Kung ang negatibong pag-iisip ang mananalo, siguradong nasa huli ang pagsisisi mo. Mahirap man ang bawat hakbang, at hindi man makamit sa ngayon, subok lang nang subok hanggang sa pagdating ng kinabukasan na matutuwa at may maipagmamalaki ka na sa bawat tao lalo na sa mga taong hindi naniwala sa 'yo at sa kakayahan mo.

Pangarap, isang salitang kailangan mong samahan ng gawa, determinasyon, at sakripisyo sa buhay. Sabi nga nila, libre nga lang naman mangarap. Ngunit walang mangyayare kung patuloy ka lang na mangangarap at hindi magsisimula. Kung kaya, hayaan mong maging pakpak mo ang iyong mga pangarap. Pakpak sa kung anong hakbang at paraan para makamit ang iyong mga pangarap sa buhay. 

Dreams without goals are just dreams. Lahat ng tao ay may kaniya-kaniyang pangarap sa buhay na nais matupad. Upang makamit ang iyong mga layunin, dapat kang magsanay ng disiplina at, higit sa lahat, pagbabago. Dahil hindi ka magsisimula nang walang panunumpa, ngunit hindi ka matatapos nang walang pagbabago. Kung tayo ay may lakas ng loob na ituloy ang ating mga pangarap, lahat ng ito ay maaaring magkatotoo.

Lagi nating tatandaan, ang isang pangarap ay hindi nagiging katotohanan sa pamamagitan ng mahika. Dito ay kinakailangan ng pawis, determinasyon at pagsusumikap. 

Ang pagtitiyaga at pagsusumikap ay bumuo ng isang tulay na nag-uugnay sa iyong mga pangarap sa katotohanan. Kung kaya, patuloy mong sundin ang iyong hilig, maging handa sa pagsusumikap, sakripisyo at higit sa lahat. Huwag hayaang limitahan ng sinuman ang iyong mga pangarap. 

Balang araw, makikita mo ang sarili mong naiiyak sa tuwa dahil sa wakas nakamit mo na ang iyong mga pangarap, bunga nang iyong mga paghihirap.

Bawat isa sa atin ay may kaniya-kaniyang pangarap. Iba't-iba man ang ating minimithi, ngunit iisa lamang ang ating layunin at iyon ay ang makamit ito. "Isang salita ngunit taon ang bibilangin" ang isinasaad nito ay bago natin maisakatuparan ang ating mga pangarap ay kinakailangan nating maglaan ng mahabang panahon para dito. Dahil dito, lumuluha tayo nang hindi natin alam at ngumingiti tayo ng hindi natin namamalayan. Tayo ay magdadaan sa napakaraming pagsubok kaya't marapat na tayo ay maging matatag nang sa gayon ay maabot natin ang ating mga pangarap.

Ating baliwalain ang mga taong hindi naniniwala sa ating kakayahan bagkus gawin natin itong motibasyon sa ating mga ikinikilos at gabay na ginagawa tungo sa ating magandang mithiin. Alam natin sa ating mga sarili na mayroong tao sa ating tabi na kailan man ay hindi tayo sinukuan dahil sila pa mismo ang nagpapalakas ng ating kalooban, sila ay gawin nating inspirasyon upang malampasan ang mga pagsubok na magdadaan.

Lagi nating ilagay sa ating mga isipan na maaaring tayo ay magdaan sa mga kabiguan, ngunit ito ay kasali sa mga hakbang patungo sa ating magandang kinabukasan. Samahan natin ng dasal ang ating sipag at pagtatyaga na ginagawa upang tayo ay gabayan ng Panginoon sa ating itinatahak na landas.

Determinasyon lamang ang kailangan upang makamit ang ating mga mithiin, kapag ito ay ating nalampasan tiyak na tayo ay magtatagumpay at tayo naman ang maging magandang halimbawa sa mga taong nangangarap.

Ika nga nila “Libre ang mangarap.” Kaya magpatuloy, padayon lang at huwag tayong tumigil na mangarap. 

Madalas tayong sabihan ng ating magulang na magaaral mabuti dahil tanging edukasyon lang ang kayamanan na maipapamana na hindi makukuha ng sino man. Ang edukasyon lang ang kayamanang  na maipapamana na hindi makukuha ng sino man. Ang edukasyon ay walang pinipiling edad at estado ng pamumuhay. Edukasyon rin ang pwedeng maging daan upang makamait mo ang inaasam mong mga pangarap. Maaring sa edukasyon ay mas maaaninagan mo ng husto ang daan tungo sa pangarap mo. Ang edukasyon rin ang huhubog sa isang tao para maging handa at preparado sa pagkamit ng kanyang mga pangarap. Ang edukasyon rin ang nagpapaigting sa kaalaman ng isang tao upang lubos na makita pa ang mga bagay na tatahakin ng tao sa pagkamit ng kanyang mga pangarap.