Leikskólinn á krossgötum (hópur 6) by Ingvar Sigurgeirsson

1. Er æskilegt / hægt að samræma starfstíma og þjónustustig leikskólanna?

ingvarsigurgeirsson — 2025-04-14 14:09:20 UTC

Það er hægt að samræma starfstíma. Þá á að hafa börn og faglegt starf í forgrunni. Grunnforsenda er að fara í breytingu með lagasetningu. Setja ætti í lög reglur um hámarksvistun á viku og innan ársins, sem ætti að miðast við aldur barnins. Setja ætti til hliðar opnunartíma en horfa á heildardvalartíma á viku. Þannig er hægt að koma á móts við atvinnulífið með hag barna að leiðarljósi. Mikilvægt að veita þeim foreldrum stuðning sem kjósa að hafa barn/börn sín ekki á leikskóla frá 12. mánaða aldri. T.d. með lenginu fæðingarorlofs. Foreldrar sem hafa fengið leikskólapláss ættu að missa rétt á fæðingarorlofi.

2. Hvernig getum við komið betur til móts við starfsfólk með annað móðurmál en íslensku?

ingvarsigurgeirsson — 2025-04-14 14:09:20 UTC

Setja á lágmarkskröfur um íslenskukunnáttu til að geta unnið í leikskóla og skilyrði um að umsækjandi hafi lokið námskeiði í íslensku.

Hafa mentora og virkja ábyrgð annarra starfsmanna til þátttöku í inngildingu - ætti að vera hluti af starfslýsingu allra starfsmanna.

Sveitarfélög þurfa að bjóða upp á starfstengd íslenskunámskeið. Hvetjandi að til séu launatengdir hvatar sem tengjast aukinni íslenskukunnáttu.

Sveitarfélög ættu að sameinast um starfstengd íslenskunámskeið.

3. Hvernig stuðlum við að jákvæðari umræðu um leikskólastigið?

ingvarsigurgeirsson — 2025-04-14 14:09:20 UTC

Mikilvægt að sveitarfélög skilgreini dvalartíma, opnunartíma, viðmiðunargjaldskrá. Stuðla þarf að samstarfi sveitarfélaga en ekki samkeppni. SÍS og kennarasamabandið þarf að stíga inn og leiða verkefnið. Fagfólk þarf að vera duglegra að tala upp starfið, skrifa greinar og birta greinar úr skólastarfinu. Samræming á gjaldskrá á milli sveitarfélaga. Hvetja þarf ákveðna fjölmiðla til viðhorfsbreytingar.

4. Hvaða sóknarfæri eru í samstarfi um málefni leikskólanna þvert á sveitarfélög?

ingvarsigurgeirsson — 2025-04-14 14:09:20 UTC

Samræming á milli sveitarfélaga í stað samkeppni.

Endurskoða kjarasamning kennara sem er ljár í þúfu og hamlandi í skólaþróun. 36 stunda vinnuvika, 10 tímar í undirbúning og 30 orlof. Breytingunni fylgdi ekki fjármagn og hefur verið íþyngjandi fyrir skólana.

Lengja fæðingarorlof í 2 ár. Leggja áherslu á að foreldrar séu með börnum sínum fyrstu tvö árin. Þannig styrkjum við tengsl á milli barna og foreldra, eflum málþroska og líðan barna. Setja aldursviðmiðaðan hámarksvistunartíma á viku og fjölda daga á ari. Árangur mun vafalítið skila sér síðar á skólagöngu barnsins.

Setja skólaskyldu frá 4. ára aldri og gjaldfrjálsan leikskóla fyrir 4 ára og eldri.

SÍS þarf að efla þátttöku í faglegri fræðslu til starfsmanna.

Háskólasamfélagið er mikilvægur hlekkur í umræðunni, efla grunnnám í kennslufræðum og uppfæra námið til samtímans.

Sóknarfæri að endurskoða kjarasamninga B.Ed. fagfólks. Endurskoða þarf fagmennsku og kjör þeirra sem ljúka grunnnámi í kennslufræðum + meistarnámi og þeirra sem ljúka öðru fagnámi + meistaranámi.

Hvetja atvinnulífið til að koma til móts við foreldra t.d. með sveigjanlegum vinnutíma og heimavinnu.

Dagskrársíða

ingvarsigurgeirsson — 2025-04-14 14:09:20 UTC