Pagpapakilala sa Sarili by Aileen A. Dacut

38, Lynx Tolentino

2022-08-08 02:02:50 UTC

Ngayon na muling tumataas ang mga kaso ng Covid - 19, paano maapektuhan ang HYFLEX SET-UP?

Hi, I'm Lynx, mahilig ako sa pusa**

10 Matt Gomez

2022-08-08 02:36:55 UTC

Ngayon na may onsite classes na, sana hindi lumala ang traffic sa katipunan.

2022-08-08 02:40:04 UTC

I. 01 Sam Angtuaco

II. Nag-aalala ako tungkol sa tumataas na mga kaso ng COVID-19. Nag-aalala din ako na kapag nagkasakit ako, maaaring mahuli ako sa mga aralin.

III. Hi po! Ako po si Sam. Ang paboritong kulay ko ay asul at medyo bulag ako kaya may salamin ako :,) Isang nakakatawang bagay tungkol sa akin ay sa pinakaunang beses na sinubukan kong magmaneho, muntik ko na mabangga ang isang poste ( hindi ito dahil medyo bulag ako… mahina lang talaga ako sa pagmamaneho :,) )

25, Juan Joel M. Paz

juanpaz3 — 2022-08-08 02:40:23 UTC

Paano tayo makikipag-interact kung hati ang klase. I like dogs

9 Aliyah Garcia

2022-08-08 02:42:03 UTC

II. Paano natin masisiguro na ligtas ang mga estudyanteng pumapasok sa COVID-19 at monkeypox?
III. Magandang araw! Ako si Aliyah, ngunit maaari niyo akong tawagin sa palayaw kong Ali. Mahilig ako gumuhit at nakikinig ako sa KPOP.

26, Yuri Anne Pesigan

2022-08-08 02:58:01 UTC

I. Yuri Pesigan

II. Nag aalala ako sa bagong virus na Monkeypox dahil maaari nitong matigil 🤬 ang F2F classes.

III. Magandang araw! Pwede niyo akong tawaging Yuri. Ako ay mahilig manuod ng mga movies sa Netflix at mahilig rin ako magbasa ng mga libro.

40 raoul yap

2022-08-08 03:01:21 UTC

a) isa sa mga aking concern sa ngayon ay kung papaano magkakaroon ng maayos na interaksyon at lubusang makilala ng mga estudyante mula sa group a at b ang isa't isa

b) hi! pwede niyo akong tawaging raoul at marami akong kinahihiligang gawin pero ang pagbabasa at panonood at nangingibabaw sa lahat.

15, Anne Guilbert R. Jose

2022-08-08 03:07:42 UTC

II. Nag-aalala ako sa patuloy na tumataas na COVID cases at pati na rin sa monkeypox outbreak sa ating bansa.
III. Magandang umaga sa inyong lahat! Ako si Anne, at mahilig akong manood sa Netflix. Mahilig din ako mag-alaga ng aso at meron kaming alaga sa aming bahay. Ang isang fun fact tungkol sa aking sarili ay kamakailan lang, in-enroll ako ng aking mga magulang sa isang driving school kaya natutuhan ko kung paano magmaneho. Ngunit, hindi ko pina-praktis ang pagmamaneho sapagkat maliban sa underaged pa ako para magkaroon ng lisensya sa pagmamaneho, natatakot akong masagaan o makabangga ng ibang tao.

29 Saul Goodman

sauldominickreyes1 — 2022-08-08 03:22:48 UTC

(paki-isip nalang na isa itong ritrato kasi wala akong ritrato ng peking duck)

II. Pagdating sa pagboto ng mga opisyal ng klase, paano natin masisiguro na ang mga estudyante sa Group A at Group B ay may sapat na kaalaman para sa kandidato?

III. Magandang Araw sa inyo! Ako si Saul at ako'y mahilig sa pagkain, pagluluto man o pagkakain. Kung magkakaroon man ng pagkakataon, sana ako'y makaluto para sa inyo <33

I. 23 Marco Nangpi

2022-08-08 03:29:05 UTC

II. Ano po ang mga pag-iingat na ginawa ng Ateneo para masiguro ang aming kalusugan at seguridad laban sa banta ng covid, monkeypox, lindol, at masasamang tao?

I. 14, Carlo Javison

louisejavison1 — 2022-08-08 03:39:33 UTC

II. Nakakapag-alala ang ideya na magkasakit at mahuli sa mga aralin at gawain sa klase. Bukod dito, napapaisip din ako kung paano kaya magkakaroon ng matibay na relasyon ang klase, lalo na't magkasalungat ang iskedyul ng pangkat a at b.

III. Hi! Ako si Carlo at bilang libangan, mahilig akong tumugtog ng mga instrumento tulad ng piyano at ng gitara. Bukod sa musika naman, ang paglalaro ng mga sports tulad ng basketball, ultimate frisbee, at handball ay ilan din sa aking mga hilig.

22 Seann Mendoza

seannmendoza1 — 2022-08-08 03:40:43 UTC

II. Wala naman po akong concern tungkol sa HYFLEX Set-up, curious pa rin ako kung paano mag-interact ang group A at group B, at lalo na sa mga Filipino performances, group projects, etc.
III. Magandang umaga sa lahat! Ako po si Seann at isa po akong introvert. Mas sanay ako gumamit ng Ingles kaya pasensya na kung medyo awkward ako pag nag-uusap sa wikang Filipino. May pagkautal din ako kapag nagsasalita at mas napapansin ito habang nagsasalita ako sa Filipino. Maliban diyan mahilig ako kumanta at tumugtog ng mga instrumento. Kahit na hindi ako gaano magiling sa pagkanta at pagtugtog, ang mga bagay na ito ay masaya para saakin at sa aking isip iyon ang pinakamahalaga.

37 Zenji Tolentino

josetolentino1 — 2022-08-08 04:12:18 UTC

II. Para sa mga onsite na pasusulit, iba iba ang mga araw na kukunin namin ito (groupo A at B). Parehas ba ng mga tanong ang pagsusulit, at kung oo paano masisiguro na hindi ilalabas ng mga unang kumuha ang mga tanong.
III. Hello! Ako po si Zenji, mahilig po ako sa mga pusa, mag basketboll at lumabas kasama ang aking pamilya at mga kaibigan. Medyo tahimik pero habang tumatagal mas nagsasalita. Mahilig din ako sa damit, pagguhit at mga iba pang klase ng sining

I. 04 Judd Bragais

2022-08-08 05:24:15 UTC

II. Ang mga katanungan na aking naisip ukol sa HYFLEX set-up ay nabanggit na ng aking mga kaklase. Ngunit, sa aking sitwasyon, isa sa aking inaalala ay ang konti ng e-jeep na nagbibiyahe sa campus.

III. Magandang araw sa lahat! Ako si Judd Miguel C. Bragais. Tawagin niyo po akong Judd, na katunong ng bud at hindi Jude haha. Sa aking bakanteng oras, mahilig akong manood sa YouTube at Netflix, maglaro ng bidyo games, at magpatugtog ng gitara. Sabik na po akong makilala kayong aking mga kaklase at ating mga guro! :D

03, Athena D. Beltran

2022-08-08 05:27:35 UTC

Isang mapagpalang araw sa lahat! 🙆🏻‍♀️

II. Sa totoo lang, ako ay panatag na tunay ngang mabisa ang HYFLEX SET-UP para sa aming paglalakbay sa ASHS. Ngunit, kung mayroon man, ako’y nag-aalala kung paano ang magiging ugnayan ng Grupo A at B, kung paano namin ito ma-ipagtitibay lalo na’t na-iiba ang aming mga iskedyul.
III. Hey! Ako po si Athena at ang mga larawan sa ibabaw siguro ang pinaka-bumubuod ng aking pagkatao at buhay. Gaya ng bawat teenager, masasabi kong mayroon akong hilig sa pagbabasa at panonood ng mga palabas sa Netflix. Sa aking paglaki, nababad din ako sa mga kilos na pang community service, sa pamamagitan ng council at pagtutulong sa aking magulang sa mga sulok ng ospital. Narito ako sa STEM upang ipagpatuloy ang kaparehong layunin- upang alamin how the brain could give rise to an organism capable of finding meaning in this world. At nais kong lakbayin ito kasama ninyong lahat! 🤝

35 Euan Tanwangco

2022-08-08 06:20:11 UTC

II. Sa ngayon, sana maging maayos ang daloy ng ating HYFLEX setup dahil hindi ko pa ito nasusubukan. Sana naman ay maging madali pa 'rin ang pakikilahok naming mga estudyante sa klase kahit nakahati sa dalawang grupo at dalawang paraan ng pagturo ang aming klase.

III. Kamusta po sainyo! Ako si Euan, at mahilig ako mamasyal kasama ng aking pamilya at kaibigan. Mahilig ako maglaro ng mga games at pisikal na gawain tulad ng basketball. Mahilig akong makinig sa musika sa tuwing wala akong ginagawa. Na-eenjoy ko rin ang pagcamp kasama ng aking tatay at kapatid. Nakagiginhawang makita ang kagandahan ng kalikasan lalo na't nasa loob lang tayo ng bahay sa nakalipas na dalawang taon. 'Yun lang po, salamat sa iyong oras at ako'y nasasabik na makilala pa kayong lahat!! :)

13 Mantosh Hansra

2022-08-08 06:37:12 UTC

II. Nag-aalala ako sa kung paano makainteract sa iba't-ibang kaklase lalo na yung mga taga group B.

III. Hello!! Kumusta kayo? ako po si Mantosh, mahilig ako sa sports tulad ng basketball at football. Mahilig rin ako sa mga iba't ibang pelikula lalo na yung mga pelikulang indiano.

29 Seach Reyes

2022-08-08 06:50:36 UTC

II. Wala pa akong mga concerns sa hyflex setup. Medyo pamilyar naman sa akin ang konseptong nito. At sana masanay natin lahat ito.
III. Maganadang araw sa inyong lahat. Sa ulit ang pangalan ko ay Seach Reyes. Mahilig po akong mag-kilikot ng mga komputer, electronics atbp. Minsan manan gumuguhit ako at naglalaro ng games.

I. 06 Sergio de los Reyes

2022-08-08 07:34:26 UTC

II. May pag-asa naman po ako na magiging mahusay ang HYFLEX set up ngayong taon. Sana lang po makapag-collaborate kami at makilala ang mga kaklase namin sa kabilang grupo.

III. Ako po si Sergio (Silent 'g' haha). Isa akong Track in Field athlete pero mahilig rin ako sa ibang isports. Isa rin po akong Kristiyano. Mahilig rin ako sa Math at gusto kong maging isang Engineer at mag-aral sa ibang bansa. Masining rin ako at mahilig ako mag-drowing. Sa aking bakanteng oras, mahilig akong sumali sa paglabas ng kaibigan ko at pamilya. Sana makilala ko kayong lahat, God bless!

02 Brenn Balladares

2022-08-08 07:59:25 UTC

II. Sa tingin ko maayos naman ang HYFLEX, sana lang ay hindi masyado malala ang traffic.

III. Hello! Ako si Brenn at ang dalawang nasa larawan sa itaas ay ang aking mga mahal sa buhay. Mahilig ako sa mga hayop tulad ng aso at pusa. At ang mga hobby ko ay ang pagkuha ng letrato at tumakbo ng napakabilis.

I. 34 Tiffany L. Tan (Mga palayaw: Tiff, Tiffy, o Tiffa)

2022-08-08 08:32:17 UTC

II. Ang unang pagkakataon ko na maranasan ang HYFLEX ay dito po sa ASHS. Nagtataka lang po ako kung paano maghalo ang Grupo A at B kung magkaiba ang mga araw na pupunta kami sa paaralan.

III. Magandang hapon po, Bb. Dacut at 11-Owen! Ako po ay si Tiffany Tan at ang mga palayaw na binigay sa akin ng pamilya at mga kaibigan ko ay Tiff, Tiffy, o Tiffa. Mahilig po ako sa mga adventure kaya natutuwa ako kapag mag hiking, roadtrip, o kung sasakay ako sa mga rollercoasters at iba pang masasayang atraksyon. Naglalaro rin ako ng table tennis, marunong din ako tumugtog ng piano at konting violin. Meron din akong aso na ang pangalan ay si Bentley. Inaasahan ko na magkita tayong lahat ng personal sa lalong madaling panahon at inaabangan ko ang bagong adventure ko rito sa ASHS! AMDG!

05 Justine Buenaventura

2022-08-08 08:45:10 UTC

II. Sa ngayon, wala naman po akong mga concern ukol sa kasalukuyang HYFLEX set-up.

III. Magandang araw po sa inyong lahat. Ako po si Justine Buenaventura at mahilig akong maglaro ng mga bidyo games, manood ng mga pelikula at magbasa.

12 Issa Guerrero

isabelladeniseguerrero1 — 2022-08-08 08:54:54 UTC

II. Kinakatakutan ko na maaaring tumaas 🤬 ang mga kaso ng COVID-19 at baka magkaroon uli ng pandemya dahil sa impeksyon na monkeypox.

III.

Magandang araw sa makakabasa nito
Ako si Issa, isang mag-aaral na ordinaryo

Sabik na sabik akong makilala lahat kayo

Ngayon ay ipapakilala ko ang aking sarili sainyo

Noong nagsimula ang pandemya, marami akong natutunang kahiligan

Pagbabasa, pagbabadminton, at ang pagkuha ng mga larawan

Pero ang pinakamamahal kong gawin ay ang pakikinig sa musika

Sa kabutihang-palad, ako ay mahilig tumugtog ng gitara at kumanta

Hindi ko na gagawin itong mahaba
Sana'y kahit papano, ako'y inyong nakilala
Ang aking hiling ay tayo'y magkaisa
Sana magkaroon tayo ng masayang pagsasama

<3

21 Jireh Marasigan

2022-08-08 09:44:00 UTC

II. Nakakapag-alala po ang patuloy na pagtaas ng kaso ng Covid-19 pati na rin ang mga maaaring epekto nito sa aming mga klase.

III. Magandang araw po sa inyong lahat! Ako po si Jireh at mahilig po akong manood ng mga palabas sa Netflix at magbasa ng mga libro. Nasasabik na po akong makilala kayong lahat at hangad ko po na magkaroon tayo ng mga masasayang karanasan sa ating pagsasama sa Grade 11.

17 Reece Malonzo

thereseeleanormalonzo1 — 2022-08-08 12:30:52 UTC

II. Ang una pong pumasok sa isip ko ay ang kalusugan at kaligtasan mula sa mga kumakalat na sakit (COVID at monkey pox) ng mga magaaral at ng mga guro. Gayunpaman, may tiwala ako sa ating ASHS admin at inaasahan ko ang ligtas na balik-eskwela (lalo na't nahati ang klase namin sa dalawang grupo).

III. Magandang araw! Ang pangalan ko ay Therese Malonzo, ngunit maaari niyo akong tawaging Reece. Marami akong hilig at nangingibabaw sa mga ito ang sports. Bago ang lockdown, varsity ako sa Taekwondo, Volleyball, at Wushu, ngunit napilitan akong tumigil sapagkat nagkaroon ako ng injury, at hindi ko natapos ang therapy dahil sa pandemya. Nang madehado ako, nabigyan ako ng pagkakataong sumubok ng iba pang bagay. Matagal na akong tumutugtog ng piano, ngunit nito ko lang din siya nilaanan ng oras. Tinuruan ko ang sarili kong tumugtog ng ukulele at maggantsilyo. Maliban sa sports at music, nahiligan ko din ang magbasa at manood ng mga pelikula. Mayroon rin kaming anim na pusa, at sila ang pinaka-naging libangan ko ngayong pandemya.
Sana mashigit ko pa kayong makilala!

7 Christmas Dioko

2022-08-08 13:10:04 UTC

Ano ang mga concern/s mo sa HYFLEX SET-UP, kung mayroon man?

Nasasabik na akong bumalik 🤬 sa silid-aralan, ngunit mayroon pa rin akong isang dahilan kung bakit ako ay nag-aalala. Naisip ko na maari akong magkaroon ng problema sa lakas ng aking boses. Dati naman ay wala akong problema rito at inaabangan ko pa nga ang mga presentasyon sa harap ng klase, ngunit dahil sa pandemya ay hindi na ako sanay na mag-"project" sa isang buong kwarto. Nag-aalala na baka hindi ako marinig.

27 Rohan Ravishankar

rohanravishankar1 — 2022-08-08 13:15:47 UTC

II. Wala akong anumang tanong o alalahanin tungkol sa HYFLEX set-up.

III. Kamusta! ako ay si Rohan Ravishankar at mahilig akong manood ng mga pelikula, lalo na mga horror movies. Mahilig din akong maglaro ng basketball. Ako ay isang introvert, ngunit inaasahan kong makilala kayong lahat sa ating mga online at on-site na sesyon.

I.) 16 Malaya

2022-08-08 16:01:00 UTC

II.) Wala namang isyu sa sa set-up kasi makikita ko naman si crushie :> o baka maging problema yan pero... BAHALA NA MUNA HAHAHAHA

III.) Kammustaaa ako si Bennard ang inyong kaklase(woww krazy) . Mahilig ako mag workout ganon at mag-guhit kasi wala akong magawa sa bahay JOWK pero gusto ko lang kasii masaya silang gawin. Sana mas makilala ko kayo ngayong taonn at yun lang salamat. (pasensya kung sobrang di pormal ganito lang talaga ako xD)

39 Agatha Villamor

2022-08-08 16:30:42 UTC

II. Sa ngayon, wala akong naiisip na concerns tungkol sa HYFLEX set-up.

III. Bago tayo magsimula

Hayaan niyong ako’y magpakilala

Ako si Agatha Julia

Ang inyong bagong makakasama

May intres ako sa pagluluto at pagbabasa

At may pagmamahal sa pagpintura at pagkanta

Pagtanim ng halaman ang aking pahinga

Opo, ako ay isang plantita

Bilang isang indibidwal

Pinapahalagahan ko ang magandang asal

Kadalasan ako ay masigla at may malakas na boses

Pero ako ay matamlay tuwing Lunes

Sana ako ay inyong nakilala

Kahit maikli ang aking tula

Nais ko kayong mapasaya at makasama

Sana makagawa tayo ng mga magagandang alaala

35 Tristine Te

2022-08-09 02:13:31 UTC

Nag-aalala ako kung paano ako mag-adjust sa HYFLEX SET-UP, dahil baka mahuhuli ako sa mga aralin kapag hindi ako maka-adjust ng maayos.

Hello po! Ako po si Tristine. Ako ay taga Davao City. Mahilig ako gumuhit at manood ng iba’t ibang pelikula at palabas sa telebisyon.

19 Mangilit, Sebastian

2022-08-09 03:04:05 UTC

II. Wala naman akong concern ukol sa HYFLEX SET-UP.

III. Kamusta! Ako ay si Basti. At mahilig ako sa mga video games, anime at manga. Introvert ako kaya hindi ako madalas nakikipag-usap, sa f2f o sa mga group chat natin, pero excited pa rin akong makilala kayong lahat. Hindi ako rin magaling sa tagalog kaya pasenya na in advance kung awkward ang ating mga conversations 😅

24 Ian Nasam

iannasam1 — 2022-08-09 03:26:39 UTC

II. Medyo nag-aalala ako na baka nakakadistract para sa mga guro at sa amin na dalawa ang iniintindi (onsite at online) sa mga sesyon pero may tiwala naman na ako nakapaghanda ang Ateneo para rito at makakaya rin naman naming mag-adjust dito.

III.

Swerte mo kung mapagbibigyan
Ingatan mo ang pag-ibig ng
Isang kakai-babe, kakai-babe
Kakai-babe, kakai-babe

'Pag natagpuan, 'wag pakawalan
Ang kakai-babe na ang ngalan ay IAN

okay tama na naubusan na ako ng mga tugma sa tulang ito(charot kinopya ko lang yan sa lyrics ng kakaibabe). Hello po sa lahat ako nga po pala si Ian. Natutuwa akong makilala kayong lahat! Ilang mga bagay tungkol sa akin:

Mga hilig gawin: halata naman sa picture chz, mag-aral (huoy tama na ang kaplastikan vebz) kasi bahay-paaralan lang naman ako lagi haha, manood ng kdrama, makinig sa musika (kpop)

Mga talento (wow meron?): pagsulat, canva-level na graphic design, pagiging organisado

Paboritong
kulay: mga pastel na kulay
pagkain: kahit anong sweets
bulaklak: sunflower
inumin: NAWASA charing Coke
sports: pagtulog, paglalakad
kanta: FOREVER1 (SNSD) as of now
aktor/aktres: Jodi Sta. Maria as Doc Jill and Amor Powers
singer: Taeyeon, IU, Nina, Taylor Swift etc
palabas: Encantadia, The Broken Marriage Vow, Nevertheless, Yumi's Cells, Penthouse etc
libro: hindi ako nagbabasa maliban na lang kung kailangan sa paaralan haahhhs pero nagustuhan ko ang The Giver at Dekada 70
subject: dismissal

Pangarap: tamabay with 6 digits na sahod
Paninindigan nung Halalan 2022: siyempre Gobyernong Tapat Angat Buhay Lahat 🌸. 💗. 🎀. 🌷

Okay Mes Hart lagyan mo na ng neutralizer ang bunganga ni madam dahil nag-oovershare na siya charot. Yun lang po haha. Nasasabik na akong magkaron ng masayang panahon sa klase ng Filipino kasama kayo! :))

20 Jessy Jewel Manuel (Jessy, Jewel, Eii)

2022-08-09 04:09:18 UTC

1. Hindi panibago and setup na ito sa akin dahil ito rin ang ginamit ng aming paaralan noong ako ay nasa ika-10 baitang pa lamang, ngunit ang pinaka pagkakaiba nito ay magkasama ang buong klase sa isang kuwarto imbis na hinati ito sa dalawang grupo. Siguro ang pinakamalaking “problema” na nakikita ko sa setup na ito ay ang mababang posibilidad na magkaroon ng “collaborative” na interaksyon ang mga estudyante na hindi nabibilang sa magkaparehong grupo.

2. Hi! Ako ay si Jessy Jewel C. Manuel, 15 na taong gulang. Ako ang bunso sa 3 magkakapatid, ngunit ako ang pinakamatangkad. Mahilig akong manood ng Netflix at ng kahit anong bidyo na makikita sa YouTube. Mahal ko ang pagtugtog ng piano dahil sa natuto akong magtugtog nito simula nung ako ay 4 na taong gulang pa lamang. Marunong din akong tumugtog ng guitar at ukulele. Nang magsimula ang quarantine, nagkaroon ako ng interes sa baking, ngunit sa kasamaang palad, ito ay bumawas. Siguro ay matatawag ko ang aking sarili na “mahiyain” lalo na kung nakikihalubilo ako sa mga taong bago ko pa lamang nakikilala, sapagkat hindi ako “unapproachable” kaya kung nakita niyo man ako na naglalakad, huwag kayong magdalawang-isip na bumati. Tila para akong bulaklak na ipinapakita ang totoong magandang kulay kapag ako ay pinapaligiran ng mga taong may magagandang puso. Ibig sabihin nito, umiingay ako o mas lalo akong nag-oopen up kapag kumportable na ako sa’yo. Kapag mali ang aking “grammar”, pasensya na dahil hindi ako ganon kagaling sa pagsalita ng Wikang Filipino, ngunit maniwala ka kapag sinabi kong ginagawa ko ang aking lahat para gumaling sa larangan na ito. Ako ay nasasabik na makita kung ano ang meron para sa atin ng kinabukasan, Owen! All the love ❤️

18 Ynah Danielle Manansala

2022-08-09 05:34:14 UTC

Tulad ng aking mga kaklase, inaalala ko kung paano mapapalalim ang kaugnayan sa pagitan ng mga mag-aaral sa Group A at Group B. Gayunpaman, ako’y kampante na magkakaroon kami ng sapat na oportunidad upang makapaghalubilo maski magkaiba ang aming mga iskedyul!

Magandang araw! Ako ay nagngangalang Ynah Danielle Manansala, maaari niyo akong tawaging Ynah o Dani! Mayroon akong dalawang pusa na sina Mia at Loumie. Marami rin akong hilig tulad ng pagbabasa, panunulat, pagbibisikleta, pag-iiskating, pamamasyal, at pagkain! Sa bagong yugto ng aking buhay, nasasabik akong makahanap ng mga kaibigan na nais gumawa ng masasayang memorya!

11 Brent Isaiah Gonzales

2022-08-09 05:46:23 UTC

II. Wala akong concern/s sa HYFLEX SET-UP sapagkat ang motto ko sa buhay ay “go with the flow”. 🤭

III. Isang mapagpalang araw sa inyong lahat! Ako si Brent Isaiah A. Gonzales, tawagin niyo na lamang akong Brent sapagkat iyon ang aking nakasanayan. Ngunit kung nais niyo akong tawagin sa iba pang mga palayaw, ayos lang sa akin iyon! Isa sa aking mga libangan bago nagsimula ang pandemya ay ang pagtugtog gamit ang drums. Ukol sa panahon, isa ito sa aking mga pampawala ng pagod sapagkat salungat sa popular na paniniwala na ito lamang ay isang tagalikha ng ingay, ang ritmo at kumpas na dinadala ng instrumentong ito ay nakapagbibigay sa akin ng lakas at kahinahunan. Ang huling beses na pinalo ko ang mga simbalo at tambol ay noong 2019 kaya sana ay sa pamamagitan ng tadhana, 🤬 kong mabuksan ang pintuan na minsang nagbukas pa ng mas maraming pintuan.

30 Denwin Rostata

2022-08-09 07:26:42 UTC

II. Wala naman po akong mga corcerns para sa HYFLEX, sana lang po na ma-adopt ko ang HYFLEX at makakuha ako ng mga bagong kaibigan.
III. Hello po mga kapwa kaklase at guro, ako po si Denwin Kirk T. Rostata. Mahilig po akong makinig sa mga musika sa Spotify sa aking libreng oras. Mahilig rin po ako sa Anime, sa aking libreng oras rin akong nanonood. Sana lang po may oras pa ako manood kasi may pasukan na at baka wala na akong oras para diyan. Hindi po talga ako super fan sa KPOP pero may mga gusto akong KPOP groups tulad ng TWICE o ITZY (Lumayo kayo kay Ryujin, akin lang siya!! HAHA joke lang). Mga ito lang po ang masasabi ko tungkol sa sarili ko, sana maging magbati at magkaibigan tayong lahat sa dalawang taong ito at sa kinabukasan. SALAMAT PO!!

31 Janna Santos

2022-08-09 07:43:02 UTC

Dahil sa halos dalawang taon o higit pa na tayo ay hindi nakakapasok sa paaralan, ako ay nahihirapan na makipag-usap lalo na sa mga bagong kakilala. Dahil din sa mayroon paring COVID, sana ay mag-ingat ang lahat hindi lamang para sa kanilang sarili ngunit pati na din para sa kanilang makakasalamuha araw-araw.

Magandang araw sa inyong lahat! Ako si Janna. Ako ay nag-aral sa San Beda mula grade 1 hanggang grade 10, kaya naman ang paglipat ko ngayong senior high ay isang napakalaking hakbang para sa akin. Mahilig akong magbasa at manood. Isa din akong kpop fan (hello sa mga kapwa kong exo-l, nctzen, at carat diyan, kung meron man<3). Makikita naman sa larawan sa itaas na mahilig akong gumala at maglakbay. Ako ay nasasabik na mas makilala kayong lahat <3

33 Tiffany Grace Sy ( ang mga maaari na palayaw ay: Tiff o Grace)

tiffanygracesy2 — 2022-08-09 08:12:29 UTC

II. Ang aking mga concers sa HYFLEX - SET UP ay paano magkaroon ng interaksyon ang dalawang grupo at kapag kumonti ang biktima ng covid-19, tutuloy po ba ang HYFLEX - SET UP?

III. Pasensya na po kapag mali ang aking gramatika sa wikang Filipino dahil ang mas ginagamit ko ay Wikang Tsino at Ingles. Ang aking gustong gawin para pampalipas ng oras ay magbasa ng mga manga, magnood ng mga pelikula, o maglaro ng Genshin Impact.

25 Thea Natividad

2022-08-09 08:17:52 UTC

Isa sa aking mga inaalala para sa set-up ng ating pag-aaral ay ang magandang interaksyon ng grupong A at B. Ang aming grupo po ba ay maaari pang mabago sa mga darating na buwan? Salamat po!

Isang malugod na pagbati sa inyong lahat !! <3

Mula sa isla ng Oriental Mindoro, ako si Therece Jhoanna F. Natividad. Makikita sa aking ginawang munting "collage" ang mga buhay-ilang na nakapagkukumpas ng ngiti sa aking mga labi. Subalit, hindi lingid sa ating kaalaman na ang ilan sa mga ito ay unti-unti ng nalilipol. Kung kaya't kaakibat nito, isa sa aking mga hilig ang makilahok sa mga aktibidad na may paugnay sa konserbasyon ng ating kinagagalawan.

Sana'y hindi lamang ito naging introduksyon sa aking sarili, bagkus naging isang paalala rin sa aking mga kapwa mag-aaral na bigyang pansin ang lumalalang kondisyon ng ating kapaligiran <3

Ang ilang detalye patungkol sa akin ay inyong lubos na malalaman sa mga darating pang panahon. ^^

08 Boom Domingo

benitodomingo1 — 2022-08-09 08:42:37 UTC

II. Ang isa kong concern ay kung paano mag-interact ang Group A at B sa isa't isa.

III. Hello! Ako si Benito (o Boom). Mahilig akong makinig ng musika at magbasa ng komiks. Lagi kong dala ang aking headphone at may nagpe-play sa Spotify. Sana magkasundo tayong lahat ngayong school year.