Pixton er forrit sem er notað til þess að gera teiknimyndasögur og persónur.

Í forritinu búa notendur til eigin sögupersónur með því að stjórna útliti, aldri og fatnaði þeirra með fjölbreyttum valmöguleikum sem eru í boði.

Hægt er að velja líkamsstellingar og sjónarhorn sögupersónanna.

Einnig er hægt er að velja eða skapa mismunandi bakgrunna og sögusvið.

Book creator er einfalt forrit sem hæfir mjög við kennslu en í forritinu skapa notendur sínar eigin rafrænu bækur.

Nemendur og kennarar geta unnið saman í verkefnum og komið upp stafrænum bókahillum.

Stop motion studio er hreyfimyndaforrit sem býður upp á möguleika á að búa til hreyfimyndir úr ljósmyndum og setur kyrrstæðar myndir saman í hreyfimynd.

Ferlið virkar þannig að tekin er mynd af viðfangsefninu. Það síðan hreyft og tekin önnur, síðan koll af kolli þangað til hreyfimyndin er sett saman og spiluð á hraða sem þú velur þér. Því næst er hreyfimyndin vistuð og úr verður myndasaga.

Í Stop motion er einfalt að gera hreyfimynd úr leir, teikningum, leikföngum og hvaða hlutum sem er.

Einfalt er að klippa myndina til eftir á og laga hana til. Þá er hægt að bæta við hljóði, setja nýjan bakgrunn eða bæta við myndefni.. 

Ef notaður er grænn skjár á bak við myndefnið er hægt að skipta bakgrunninum út á einfaldan hátt. 

Í Procreate fá nemendur aðgang af fjölbreyttum gerðum af penslum til að vinna með geta fikrað sig áfram á einfaldan hátt.

Þeir vinna með eigin litablöndun sem kennd hefur verið í myndmennt. Nemendur geta skipt á milli pensla, blandað liti og leikið sér með áferðir í myndverkinu.

Hver teikning leggst ofan á hina ,,collage" þ.e. lag ofan á lag og geta unnið í hverju lagi fyrir sig og útfært sérstaklega.

• byggt eigin listsköpun á hugmyndavinnu tengdri ímyndun, rannsóknum og reynslu og miðlað reynslu sinni

• nýtt hugbúnað/forrit við miðlun þekkingar á skapandi og skýran hátt

• sýnt sjálfstæði í vinnubrögðum undir leiðsögn og í samvinnu með öðrum.

• fjallað um eigin verk og verk annarra í virku samtali við aðra nemendur með því að sýna og útskýra vinnuferlið frá hugmynd og lokaverki

  
  

• notað ýmsa miðla við þróun og framsetningu hugmynda

• tekið þátt í mótun og miðlun viðfangsefna á skapandi hátt,

  
  

  
  

Námskeiðið Sköpun með tækni er hugsað sem fjögurra vikna samvinnuverkefni á miðstigi grunnskóla í upplýsingatækni og myndmennt. Þar er þessum tveimur námsgreinum fléttað saman í eitt og einblínt á myndlæsi og tækninotkun.

Stuðst er við efni sem kennarar hafa útbúið fyrir kennsluna á formi rafrænnar möppu sem heitir Verkfærakistan. Í henni eru kennslumyndbönd og dæmi um verkefni unnin með fjórum forritum ætluð til kynningar fyrir aðra kennara. Möppunni deila þeir einnig með nemendum.

Í Sköpun með tækni eru þessi forrit tekin fyrir:

• Pixton

• Stop Motion Studio

• Procreate

• Book Creator

Í hverri viku eru kenndar þrjár kennslustundir, fyrst ein tvöföld (80 mínútur) þar sem vikulega er kynnt nýtt forrit sem nemendur nota til þess að skapa verkefnið sem lagt er fyrir þau í hverri viku.

Kennarar nýta sér Sjónarafl- sem eru efni fyrir kennara um myndlæsi á vegum Listasafns Íslands. Fyrir valinu í þessari lotu var valið úr verkefnabankanum málverkið Sumarnótt.

Í vinnu á verkefnunum er unnið með myndlæsi og sköpun með tækni þar sem nemendur læra á og vinna í forritunum sjálfstætt. Kennari styður við sjálfstæð vinnubrögð nemenda í stað eintómrar beinnar kennslu.

Seinni kennslustundin (40 mínútur) er ætluð fyrir sjálfstæða verkefnavinnu nemenda þar sem kennari er til staðar sem stuðningur.

Hverri viku fylgir markmið sem samræmist þeirri hæfni sem ætlast er til að nemandi hafi náð við lok 7. bekkjar samkvæmt Aðalnámskrá grunnskóla.

Auðveldar nemendum til að uppgötva hvaða upplýsingar liggja í hinu myndræna í heiminum og hvernig við tjáum okkur á myndrænan hátt.

Valin verk eru tekin fyrir og notuð spurnaraðferð og  umræður til að vekja athygli á verkunum og hvað þau standa fyrir.

Unnið út frá hugtökunum litur - lína - form - tónn - rými - áferð.

(Listasafn Íslands, 2023, Sjónarafl)

Fyrstu spurningunni er varpað til nemenda. Kennarinn: “hvað sjáið þið?”

Kennari hvetur þau til að svara spurningunni og tekur fram að það eru engin röng svör.

Áfram verður svo rýnt í málverkið næstu fjórar vikur og fleiri spurningum varpað fram sem tengist verkefni vikunnar. Lokaverkefni nemenda er verkefnamappa unnin í Book Creator þar sem þeir safna saman þremur sköpunarverkum sínum úr námskeiðinu.

Verkefnið er kynnt fyrir bekknum. Verkefnið samræmist hæfniviðmiðum aðalnámskrá það er að nemendur þjálfist í að geta fjallað um eigið verk með því að sýna og útskýra ferlið fyrir öðrum og hvernig komist var að lokaútkomu og hugmyndinni á bak við það

• Hverjar eru þetta?

• Hvað ætli þær séu að hugsa?

• Hvernig líður þeim?

• Hvað gerist ef málverkið lifnar við?

• Hvaða þrjú orð myndir þú nota til þess að lýsa verkinu?

• Hvaða liti sérðu þegar þú horfir á myndina?

• Hvaða stemningu skapa litirnir og formin í myndinni?  

• Hvað með árstíð og birtu, hefur það áhrif?

• Hvaða tilfinningalegu viðbrögð vekur þessi mynd hjá þér?

Jafningjamat og sjálfsmat

Jafningjamatið mun fara fram innan hvers hóps og munu nemendur meta vinnu hvors annars og þátttöku þeirra í samvinnunni eftir hverja viku. Sjálfsmatið er fyllt út einstaklingslega. Nemendur fá matsblöð í byrjun hverrar viku þar sem hæfniviðmið aðalnámskrá og markmið hverrar kennslustundar eru höfð til hliðsjónar- þeir fylla svo út matsblað við lok hvers verkefnis.  

Mikilvægt er að búið sé að kynna nemendum báðar aðferðir og þau gera sér grein fyrir því hvaða hæfni þeim er ætlað að ná þannig að þeir geti lagt sanngjarnt mat á frammistöðu annarra og síns sjálfs og notað það á uppbyggilegan hátt.

 Tilgangurinn með jafningjamati er að nemendur hjálpi hver öðrum að gera betur og skiptist á skoðunum (Erna Ingibjörg Pálsdóttir, 2011, bls. 53).  Í sjálfsmatinu er mikilvægt að nemendur læri að meta eigin vinnu og sjá í hverju þeir þurfa að bæta sig

Leiðsagnarmat

Kennarinn mun styðjast við leiðsagnarmat þegar það kemur að því að meta lokaverkefnið. Með því metur kennarinn framfarir nemenda jafnt og þétt eftir að hafa fylgst með nemendum í lotunni og skráð hjá sér. Lokaafurðin er svo metin til jafns við vinnuferlið. Notaðar eru fjölbreyttar matsaðferðir, m.a. frammistöðumat á virkni og sjálstæði einnig nýtir kennarinn sér samræður til þess að safna upplýsingum um stöðu hvers nemenda, hvað og hvernig þeir unnu verkefnin ásamt því að nýta sér jafningjamats- og sjálfsmatsblöð nemenda.

Undir þessum hlekk er aðgangur að mjög skýrum kennslumyndböndum á ensku.

Erna Ingibjörg Pálsdóttir. (2011). Fjölbreyttar leiðir í námsmati. Iðnú.

Listasafn Íslands. Sjónarafl - þjálfun í myndlæsi - https://www.listasafn.is/laera/sjonarafl-thjalfun-i-myndlaesi/

Wang, B. The Application of Modern Computer-Aided Technology in Fine Art Education", Security and Communication Networks, 2022, bls. 1-10. https://doi.org/10.1155/2022/8038178

• að geta tekið virkan þátt í samræðum um sameiginlegt verk af sanngirni og virðingu. Þar með talið hlustað, tjáð skoðanir, komið með styðjandi ábendingar og fært rök fyrir máli sínu (aðalnámskrá grunnskóla, 2013, bls. 149)