Ako po si Rhaziel Maen A. Razo, at inaasahan ko po na mula sa asignaturang ito ay mas malilinang pa ang aming mga isipan sa mga prinsipyo at proseso ng masining na wikang Filipino. Bilang karagdagan po ay nais kong tangkain ang kagandahan ng pag-aaral ng iba’t ibang anyo ng wikang Filipino kasama ang aking mga kamag-aral habang napupuno  ang aming isipan ng mga bagong kaalaman. 

Ako si Jess Dominic M. Obra, tao ang anyo, Pilipino ang dugo, at Wikang Filipino ang Wikang Pambansa. 

Ngayong ibinigay na ang hudyat para sa pagsisimula ng panibagong paglalakbay para sa akademikong taong ito ay inaasam kong magiging mitsa ang semestreng ito sa Piling Larang sa pagsibol ng samu’t saring kaalaman na magbibigay ng isang komprehensibo at ispesipikong impormasyon na siyang makapagpapalawak ng kaalaman at pag-unawa sa mga konseptong umiikot sa nasabing asignatura. Inaasahan ko na mapapalawig ng Piliring Larang ang aming mga abilidad sa pagtakbo ng panahon at maimumulat nito ang aming mga mata sa kagandahang tinataglay nito. Karagdagan, hinihiling ko rin na sana ay makapagpreserba tayo ng positibong atmospera at makapagbigay daan sa pag-usbong ng mataas na lebel ng kaalaman.