Þemaverkefni - krókódíll by Sara Dögg Ólafsdóttir

Krókódíll í lyftunni minni

saradoggolafsdottir — 2017-04-03 20:26:52 UTC

http://www.bornogtonlist.net/Kr%C3%B3k%C3%B3d%C3%ADll_%C3%AD_lyftunni_minni/

saradoggolafsdottir — 2017-04-03 20:29:17 UTC

Ef sérðu krókódíl

aldakristinj — 2017-04-03 20:30:38 UTC

Ef sérðu krókódíl í þínu baðkeri,
vertu ekki við hann hræddur, sýndu hugrekki
og bjóddu honum inn í stofu
þar að snæðingi.

Ef situr stærðar górilla í geymslunni,
skaltu taka því með ró, þú veist af reynslunni
að ef hún fær svo banana
hún sýnir kurteisi.

Ef liggur stærðar ljón á þínu skrifborði,
skalltu ekki kalla á mömmu þína í ofboði,
heldur klappa því á bakið
svo það steinsofni.

Tekið úr bókinni Hring eftir hring.

Ég þekki kátann krókódíl

2017-04-03 20:31:13 UTC

Hlustið þið krakkar,
æ mig langar til að heyra
hvort þið þekkið nokkuð meira
af dýrum en ég.

Þið þekkir hunda (voff voff)
og ketti               (mjá)
og hesta             (uhuuu)
og kýrnar            (muu)
og hænur            (gaggalagú)
og kindur            (mee)

En krókódíl?
En krókódíl?

Ha?

Ég þekki kátan krókódíl
sem keyrir stóran rútubíl.
Hann ekur út um bæinn,
hann er nú meiri gæinn,
hann skoppar um og skransar
og skottísinn hann dansar,
svo gengur hann í jakka,
já og skóm og síðum frakka.

Ég þekki kátan krókódíl,
sá krókódíll er giftur fíl,
þau leigja lítið raðhús
og lítið gufubaðhús
í rokókókó krókódílastíl.

Oft hann skellir skoltum,
skoppar gjörð og boltum,
tekur heljarstökk og handahlaupin
uppá holtum.
Hann skoppar oft um miðbæinn á mjúkum strigaskóm
en mætirðu honum smellir hann í góm.

Ég þekki kátan krókódíl
sem kom hér alla leið frá Níl.
Hann segist heita Haffi
og hellir uppá kaffi
og ef hann burstar tennur
þá æði á hann rennur,
því öll sú heljarglíma
tekur einn og hálfan tíma.

Ég þekki kátan krókódíl
sem kærir sig ei neitt um víl,
hann hlær að góðu gríni
með gríðarstóru trýni
og hlustar allra helst á Bógómíl.

Hvað segið þið krakkar,
æ, mig langar til að heyra
hvort þið þekkið nokkuð meira
af dýrum en ég.

Þið þekkir hunda (voff voff)
og ketti               (mjá)
og hesta             (uhuuu)
og kýrnar            (muu)
og hænur            (gaggalagú)
og kindur            (mee)

En krókódíl?
En krókódíl?

Ha?

Ég þekki kátan krókódíl
sem keyrir stóran rútubíl.
Hann ekur út um bæinn,
hann er nú meiri gæinn,
hann skoppar um og skransar
og skottísinn hann dansar,
svo gengur hann í jakka,
já og skóm og síðum frakka.

Ég þekki kátan krókódíl,
sá krókódíll er giftur fíl,
þau leigja lítið raðhús
og lítið gufubaðhús
í rokókókó krókódílastíl.

Það er aldeilis munur að þekka krókódíl´

Í rokókókó krókódílastíl.

Krókódíll krókódíll hleyptu mér yfir gullbrúnna

2017-04-03 20:32:41 UTC

Leiklýsing:

Mjög svipaður stórfiskaleik en þetta fer fram í sundlaug.

Þetta er eltingaleikur með annarri útfærslu. Eitt

barn er valið til þess að vera Krókódíllinn og fer

í miðjuna á salnum/herberginu. Hinir bíða upp við annan

vegginn og syngja hátt og skýrt:

„Krókódíll, krókódíll hleyptu okkur yfir gullbrúna þína, veldu

hvaða lit sem er“. Þá velur krókódíllinn sér einhvern lit. Ef hann velur t.d. rauðan lit kallar

hann „allir sem eru í einhverju rauðu mega fara

yfir“. Allir sem eru með rétta litinn fara yfir

án þess að geta verið klukkaðir. Síðan klappar krókódíllinn sem gefur til kynna að hin börnin

sem eru ekki með rauðan lit á sér eigi að reyna að fara yfir. Krókódíllinn reynir þá að klukka

þau börn. Ef krókódíllinn nær að klukka annað barn

verður það barn einnig krókódíl

Krókódíll í leyni

aldakristinj — 2017-04-03 20:33:03 UTC

Öll börnin safnast saman öðrum megin í salnum, í röð upp að veggnum. Salurinn er fljótið og þau eiga að fara yfir á hinn bakkann (sem er við vegginn hinum megin). Kennarinn (eða eitt barnana) er krókódíll. Hann situr til hliðar með fimm mjúka bolta, einn fyrir hvert krókódílabarn.

Kennarinn þylur innganginn og börnin endurtaka eftir hverja línu um leið og allir klappa taktinn. (Inngangurinn er einungis notaður í upphafi leiksins).:

Ég ligg hér í kafi og er alveg kyrr
Ég er ótrúlega svangur sem aldrei fyrr
Brátt koma börnin a leiðinni heim
gaman væri nú að gæða sér á þeim

Leikurinn

Kennarinn þylur og börnin endurtaka eftir hvora línu (um leið og allir klappa):

Krókódillinn liggur í leyni úti í fljóti
Hann bíður eftir færi á að éta okkur

Allir saman:

Krókó- einn, 
krókó- tveir, 
krókó- þrír, 
krókó- fjórir,
krókó- fimm
krókó- dílabörn

Um leið og sagt er ”einn”, ”tvö” o.s.frv. er viðkomandi bolta slegið í gólfið.

Kennarinn segir: ”Nú eiga börnin að hoppa yfir fljótið” (eða valhoppa, eða hlaupa afturábak, eða hoppa á öðrum fæti, eða hoppa á hlið, hoppa jafnfæti o.s.fr.) Þegar börnin fara yfir lætur hann boltana rúlla yfir gólfið og reynir að hitta einhver barnanna. Best er að hitta ekki allt of mörg í byrjun.

Þau börn sem verða fyrir bolta breytast í krókódílabörn og hjálpa til við að senda bolta af stað í næstu umferð. Þegar meira en fimm börn hafa orðið fyrir bolta er leiknum lokið (eða þá að maður sækir fleiri bolta).

tekið af :
http://www.bornogtonlist.net/Kr%C3%B3k%C3%B3d%C3%ADll_%C3%AD_leyni/

Fimm litlir apar

aldakristinj — 2017-04-03 20:44:10 UTC

Fimm litlir apar sátu uppi í tré
Þeir voru að stríða krókódíl:"Þú nærð ekki mér!"
Þá kom hann Herra Krókódíll
svo hægt og rólega og... AMMM!

Fjórir litlir apar... o.s.frv.

Krókódíll

aldakristinj — 2017-04-03 20:48:32 UTC

Börnin búa til krókódíl og skreyta hann saman

Stafainnlögn

saradoggolafsdottir — 2017-04-03 20:52:50 UTC

Þennan leik er hægt að gera í stórum og litlum hópum.
Gott er að fá börnin til að sitja í hring þannig að allir sjái vel.
Börnin setja hendina ofan í boxið og taka upp eitt spjald. Þau segja svo hvað stafurinn á spjaldinu heitir og hvað hann segir (annað hvort, eða bæði).
Spjaldið er svo sett í miðjuna.
Þegar einhver dregur spjald sem stendur namm (e.snap!) þá fara öll spjöldin aftur ofan í boxið.

aldakristinj — 2017-04-03 20:55:14 UTC

Að ganga plankann.

binna89 — 2017-04-03 21:10:23 UTC

Börnin búa öll til sinn eigin krókódíl, það má útfæra það á alla vegu. Svo mála börnin stórt blað blátt sem er sjórinn og dreifa krókódílunum sínum um sjóinn. Kennari leggur spýtu yfir sjóinn og börnin eiga að ganga yfir spýtuna án þess að detta ofan í sjóinn fullan af krókódílum. Skemmtilegur leikur sem tvinnar saman hreyfingu, jafnvægi og krókódíla föndur.

Kródílaföndur með fótunum.

binna89 — 2017-04-03 21:20:08 UTC

Krókódíladans í frumskóginum

saradoggolafsdottir — 2017-04-03 21:28:04 UTC

Við útskýrum fyrir börnunum að þau ætli að reyna að dansa eins og krókódíl. T.d. búa til krókódíla munna með höndunum. Það er bannað að koma við hvort annað.
Svo bætist í leikinn veiðimaður (kennari), taka skal fram að börnin eru ekki hrædd við hann, heldur frjósa þau í smástund á meðan veiðimaðurinn bendir spjótinu sínu að þeim.
Lagið sem er spilað undir heitir "Jungle Buzz" eftir Momo Larendo.
Tekið af http://www.bornogtonlist.net/T%C3%ADgradans_%C3%AD_frumsk%C3%B3ginum/

Hreyfileikur:

erlarun91 — 2017-04-03 21:56:16 UTC

Eitt barn leikur hænu, eitt leikur krókódíl og hinir eru hænuungarnir. Krókódíllinn staðsetur sig á miðjunni eða til hliðar í fenjunum þar sem hann á heima. Hænann er í hænsnakofanum sínum sem er á öðrum endanum og hún hleypir ungunum sínum út í mýrina sem er hinum megin.

Svo kallar hænan: "komið þið heim, ungarnir mínir"
Ungarnir svara: "Við þorum ekki"
Hænan svarar: "Afhverju ekki?"
Ungarnir svara: "Útaf krókódílnum"
Hænan svarar: "hvar er hann?"
Ungarnir svara: "Hérna í fenjunum."
Hænan svarar: "Jú komið þið bara."

Ungarnir hlaupa af stað og þá reynir krókódíllinn að ná þeim og fer með þá sem hann nær í fenjarnar sínar. Síðan í næstu umferð eiga þeir ungar sem að náðust að aðstoða krókódílinn að ná hinum, þangað til að enginn verður eftir.

Staðreynd um krókódíla

erlarun91 — 2017-04-03 22:05:37 UTC

Krókódílar eru stærstu skriðdýrin sem eru lifandi í dag og sennilega einu forsögulegu risarnir á jörðinni.

Pælingar fyrir börnin

2017-04-04 16:59:48 UTC

Eru krókódílar vondir eða góðir?
Hvað borða krókódílar?
Hvar eiga krókódílarnir heima?
Eru krókódílar hættulegir?

Höfundar:

saradoggolafsdottir — 2017-04-05 20:24:52 UTC

Alda Kristín Jóhannsdóttir
Bryndís Gunnarsdóttir
Erla Rún Rúnarsdóttir
Kara Tryggvadóttir
Sara Dögg Ólafsdóttir

Bókin um Herra Krókódíl

aldakristinj — 2017-04-05 21:13:03 UTC