Ágústráðstefna Samtaka áhugafólks um skólaþróun Hraunvallaskóla 14. ágúst 2024 by Ingvar Sigurgeirsson

Valgarð Már Jakobsson: Töfrar samskipta í leiðsagnarnámi

ingvarsigurgeirsson — 2024-04-26 11:00:34 UTC

Einn af styrkleikum leiðsagnarnámsins eins og það er stundað hjá okkur í FMOS er samskiptamynstrið sem hefur þróast í kringum það. Nemendur upplifa sig hluta af samfélagi þar sem þeir finna stuðning frá hverjum öðrum og kennurum. Það er lykilatriði að skapa persónulegt traust milli kennara og nemenda. Þegar kennarar þekkja nemendur sína er mun auðveldara að meta námshæfni þeirra og hvort þér séu að standast þau námsviðmið sem við krefjumst af þeim. En þetta er virkar í báðar áttir. Þegar nemendur eru í persónulegum samskiptum við kennara sína vita þeir betur hvað ætlast er til af þeim. Góðir kennarar hafa áhuga á faginu sínu og ná að smita þann áhuga til nemenda. Frábærir kennarar hafa þar að auki áhuga á nemendum sínum. Áhuga á hvað þeir eru að hugsa, hvernig þeir nálgast námið og áhuga á því að þeir nái árangri. Þegar nemendur finna þetta verða töfrarnir til.

Valgarð Már Jakobsson

ingvarsigurgeirsson — 2024-04-26 11:00:34 UTC

Valgarð lauk B.Sc gráðu í líffræði frá Háskóla Íslands 1998 og M.Ed. gráðu í stærðfræðikennslu frá Háskólanum í Reykjavík 2009. Hann hefur kennt stærðfræði og líffræði í Framhaldsskólanum í Mosfellsbæ frá stofnun hans árið 2009. Valgarð hefur tekið virkan þátt í þróun leiðsagnarnámsins í FMOS frá upphafi. Alla tíð hefur Valgarð leitað allra leiða til að gera námið áhugavert og skemmtilegt í augum nemenda og tekið þátt í fjölmörgum þróunarverkefnum með það fyrir augum. Hann tók þátt í að skipuleggja ráðstefnu um leiðsagnarnám í FMOS vorið 2022 þar sem fulltrúar fjölmargra skóla komu saman og deildu reynslu sinni. Hann var formaður Flatar, félags stærðfræðikennara 2012-2014 og hefur haldið vinnustofur og fyrirlestra um stærðfræðikennslu víða hér heima og erlendis. Síðustu ár hefur Valgarð komið meira og meira inn í stjórnun og frá og með haustinu 2023 hefur hann gegnt stöðu skólameistara við Framhaldsskólann í Mosfellsbæ.

Aftur á ráðstefnusíðuna

ingvarsigurgeirsson — 2024-04-26 11:00:34 UTC

Glærur Valgarðs

ingvarsigurgeirsson — 2024-08-14 20:46:05 UTC