Leiklist í leikskólastarfi er verkefni sem unnið hefur verið í leikskólanum Laufskálum í Reykjavík undanfarin 10 ár. Verkefnið er frábær leið í eflingu sjálfsöryggis og sköpunar í leik. Málörvun og tjáning eru stórir þættir innan verkefnisins og mörg tækifæri til vaxtar og þroska. Gleði, áhugi og þátttaka barnanna er áberandi í leiklistarverkefnunum okkar. Leiklistin gefur öllum tækifæri til að prófa og máta sig áfram í mörgum hlutverkum. Hugmyndir barnanna hafa alltaf áhrif á verkefnin og börnin hafa þróað leiklistarstarfið í gegnum árin. Starfsmenn Laufskála eru stoltir af leiklistarstarfinu og það er alltaf í forgang að sinna leiklistarverkefnum 😊 

Hildur hefur starfað við leikskólann Gefnarborg síðastliðin 19 ár sem leikskólakennari og deildarstjóri. Undanfarin ár hefur hún haft umsjón með og stýrt skynjunarrými leikskólans. Hún er ein þremur verkefnastjórum Erasmus+ verkefnisins „Inclusion through sensory integration“ í leikskólanum Gefnarborg.