Ano ang Lugar na iyong napuntahan? Magbigay ng maikling introduksyon.
     Halos lahat ng aking nakikita at nababasa ay lugar na may magagandang  tanawin at dagat. Bakit, Philippine General Hospital pa ang aking piniling lugar? Ang lugar na ito ay matatagpuan sa Ermita, Metro Manila. Kilala ito sa katawagan PGH, ito ay lugar kung saan binuksan noong 1907 na may pangunahing layuning matugunan at maglingkod sa nakararaming mahihirap na nangangailangan sa abot-kayang serbisyong pangkalusugan.

KATAWAN
Ano-ano ang iyong natuklasan?
     Sa pagpasok ko sa malaking hospital na ito iba't bang tao ang nakita kong may karamdaman na dinadala, mga sakit at hirap sa kanilang pangangatawan, at ang malala pa rito ay isa ako sakanila. Bukol, sakit sa ulo at pagtatangkang mag-suka. Hindi ko kinakaya ang aking dinaramdam, ingay ng paligid, mga taong nanghihingi ng tulong sa mga doctor ay aking naririnig. Ilang minuto lang ay naglaho at nandilim ang lahat, sa pagdilat ng aking mga mata liwanag aking nakita at nasilayang ako'y nasa operating room na. Sa paglipas ng maraming oras sa loob ng silid ako ay nakalabas, maraming salamat dahil natuklasan ko na ang hospital na ito ay maraming kinakailangan na taong pagalingin at tulungan. Mga lungkot at luha na makikita mo sakanilang mga mukha ay napalitan ng saya't galak na kasing-ganda ng iba't ibang tanawin. Natuklasan ko na hindi lamang sa dagat o pasyalan mo makikita ang tunay at kaakit-akit na tanawin, maari ko rin pala ito makita sa loob ng Hospital. Mga pamilyang umaalalay at naga-aalaga sa kanilang mahal, mga doktor at nars na nagtu-tulungan ay napakagandang pagmasdan. Sa pananatili ko sa loob ng aking silid, ito ay hospital at hindi maiiwasan ang pagkamatay ng mga mahal sa buhay. Ako ay maswerte dahil binigyan ako ng pangalawang buhay upang masundan ko pa at masilayan ang maraming kabigha-bighaning tanawin sa loob man o labas ng hospital.


WAKAS
Paano ito nakaapekto sa iyong sarili?
     Sa aking paglalakbay sa hospital binigyan ako nito ng malaking epekto sa sarili. Mga tanawin na nasilayan sa loob ng hospital ang siyang humubog sa kung ano ang gusto kong marating. Pagma-mahal, pagtu-tulungan at Pag-aaruga ng mga tao sa isa’t-isa ang dahilang kung bakit namulat ang aking mga mata sa reyalidad. Napagtantong iba ang pakiramdam na mapagmasdan ang kaligayahan ng mga taong nagma-malasakitan. Mga taong binigyan ng panibagong pag-asa mabuhay isa ako sakanila, mga taong itinigil ng Diyos sa paghihirap na dinaraing ay may dahilan, at napagtanto  na ang buhay ay napaka-ikli lamang at gamitin natin ito upang ipakita sa iba na ang buhay at mundo ay maganda sa pamamagitan ng Diyos na may Likha. Sa aking patuloy na paglalakbay sa buhay ako’y magiging isang Doktor isasapuso ang tungkulin na magampanan at masuklian ang pagmamalasakit na ibinigay sa akin. Laging isasaisip na walang kapantay na kaligayahan ang mabibigay at matatamo mo sa pagtulong sa ibang tao. Sa aking mga susuunod na paglalakbay inaasahan ko na ang aking sarili ay maka-tagpo pa ng mga ganitong uri ng lugar at masilayan pa ang iba’t iba magagandang tanawin. 

     
       B. ADYENDA AT KATITIKAN

IV. POSISYONG PAPEL: 

V. BAHAGI NG PORTFOLIO

       A. PROLOGO

       B. EPILOGO

       C. BIONOTE

 

Limos (2019) Noong panahon ng kolonyalismong Espanyol sa Pilipinas kung saan inilatag ang mga pundasyon para sa mga political dynasties. Ang mga elite na makapangyarihan sa panahon ng pananakop ng mga Espanyol ay ang Principalia. Sila ang marangal na uri ng panahong iyon at nang dumating ang mga Amerikano, lalo nilang pinalawak ang kapangyarihan ng Principalia. Ngunit upang makakuha ng higit na suporta at katapatan mula sa lokal, ipinakilala ng mga Amerikano ang lokal na halalan, pagkatapos pagkatapos ng pagpapakilala ng mga posisyon ng kapangyarihan sa simula ay binigyan nito ang mga pamilya ng Principalia ng malaking kapangyarihang pang-ekonomiya at pampulitika at ganyan nagsimula ang Political Dynasty sa Pilipinas. Pero ginawang kasuklam-suklam ng Political Dynasty sa Pilipinas ang ating gobyerno dahil nagdudulot ito ng sagupaan sa pagitan ng mga pamilya, nagdudulot ng maling pangangasiwa sa hukuman, at korupsyon.

 

Napakaraming pamilya ang kabilang sa Political Dynasty sa Pilipinas. Ngunit sa kanilang lahat ang mga pangalang ito ay ang kapansin-pansin: Ampatuan, Aquino, Estrada, Marcos, Binay, Roxas, at Duterte. Lahat sila ay may mga positibong gawa ngunit karamihan sa kanila ay may ilang mga salungatan na nakaapekto sa kanilang mga pamilya. Isang magandang halimbawa para dito ay ang mga Binay. Noong 2019 general elections, si Abby at Jun Jun Binay ay tumatakbo para sa posisyon ng alkalde ngunit dahil sa kanilang kagustuhang manalo, nagkaroon sila ng alitan sa debate sa isang simbahan sa Makati na nauuwi sa hidwaan sa kanilang relasyon bilang magkapatid. Kahit tapos na ang halalan, sinabi ng muling halal na Mayor na si Abby na magpapatuloy ang tunggalian nila ng kanyang kapatid. At ang isyung ito ay malinaw na negatibong epekto ng Political Dynasty ngunit may ilang mga salungatan na maaaring mangyari dahil sa Political Dynasty. Ang halimbawang ito ay isa sa pinakamasamang masaker na nangyari sa Pilipinas at ang dahilan sa likod nito ay political dynasty, ang Ampatuan Massacre na kadalasang kilala bilang Maguindanao Massacre. Nangyari ito noong umaga ng Nobyembre 23, 2009, nang si Esmael Mangundadatu at ang kanyang mga alyansa ay kinidnap at kalaunan ay pinatay habang papunta sila para maghain ng certificate of candidacy. Ang utak ng masaker na ito ay ang mga Ampatuan dahil hinahamon ni Mangudadatu si Andal Ampatuan Jr. para sa darating na Gubernatorial Elections, bahagi ng pambansang halalan noong 2010. Dahil si Andal ay anak ng nangungunang Muslim political clan sa Mindanao at sila ang namuno sa bayan mula noong 2001 kaya gusto nilang ipagpatuloy ang nasimulan nila. May 58 katao ang napatay sa masaker kabilang dito ang asawa ni Mangudadatu, ang kanyang dalawang kapatid na babae, mga mamamahayag, abogado, aide, at mga motorista na mga saksi o napagkamalan na nakilala bilang bahagi ng convoy. Tinawag ng Committee to Protect Journalists (CPJ) ang Maguindanao massacre na nag-iisang deadliest event para sa mga mamamahayag sa kasaysayan dahil hindi bababa sa 34 na mamamahayag ang napatay sa masaker.

 

Ang isa pang isyu na maaaring lumaki kapag ang isang bahagi ng isang Political Dynasty na pamilya ay nasasangkot ay ang Maling Pangangasiwa sa hukuman o Maladministration. Ang maling pangangasiwa ay ang mga aksyon ng isang katawan ng pamahalaan na makikita bilang nagdudulot ng kawalang-katarungan. May ilang opisyal na mula sa pamilyang kabilang sa Political Dynasty na sangkot sa ilang ilegal na gawain na nauwi sa maladministrasyon. Ito ay karaniwang makikita sa ating sistema ng hustisya. Ang isang halimbawa ay kapag ang isang opisyal na nagmula sa isang makapangyarihang pamilya, kung sila ay nakagawa ng mga krimen, mayroon pa rin silang pribilehiyong manatili sa isang mas magandang kulungan ng pasilidad. Samantalang kapag ang isang normal na tao ay nakagawa ng krimen ngunit mayroon silang makatwirang dahilan, sila ay mapupunta sa masikip at magulong kulungan. Tulad ng ilan sa mga krimen na nauugnay ang pandemyang ito ay pagnanakaw. Mayroong ilang mga tao na nagnanakaw upang bigyan ng pagkain ang kanilang mga anak dahil karamihan sa mga tao ay walang trabaho. Dumiretso sila sa kulungan ngunit kapag ang isang kilalang pulitiko ay nagnakaw ng bilyon-bilyon sa ating gobyerno, sila ay tinatrato na parang hindi sila gumawa ng malaking krimen. Iyan ay talagang isang malungkot na katotohanan sa ating bansa, ang mga mahihirap ay walang karapatan na humingi ng mga bagay tulad ng isang mas mahusay na kulungan, ngunit kung kilala ka ay tratuhin ka nila na parang hindi ka gumawa ng isang krimen.

 

Ang huli at pinakakaraniwang negatibong epekto ng political dynasty ay ang korapsyon. For sure alam kong karamihan sa inyo ay alam ang sitwasyon pagdating sa korapsyon sa ating bansa. At sino ang mga tiwaling pinuno na nasa gobyerno pa rin kahit na mayroon silang ilang mga isyu tungkol sa katiwalian. Parang tatay, parang anak. Ang pahayag na ito ay talagang batay sa isang pampulitika na pamilya kung saan nagpapatuloy ang tanikala ng korapsyon. Gusto mo bang malaman kung sino ito? Ang Pamilya ng Estrada ay isa sa mga pamilyang naugnay sa katiwalian. Siguro, nakalimutan mo na kung bakit 2 taon lang sa pagkapangulo si Erap Estrada. Ito ay dahil sa eskandalo sa katiwalian na sumiklab noong Oktubre 2000 nang sabihin ng isang kapwa pulitiko na tumanggap si Estrada ng milyun-milyong halaga ng suhol. Noong Nobyembre ay nagsimula ang Senado ng Pilipinas ng impeachment trial, ngunit ito ay inabandona matapos harangin ng ilang senador ang pagtanggap ng ebidensya. Noong Enero 20, 2001, napatalsik si Estrada sa gitna ng mga protestang masa, at ang kanyang bise presidente, si Gloria Macapagal Arroyo, ay umakyat sa pagkapangulo. Sa huling bahagi ng taong iyon ay dinala si Estrada sa paglilitis sa mga paratang ng pandarambong (malakihang katiwalian) at inakusahan na nakakuha ng higit sa $80 milyon sa pamamagitan ng mga suhol at tiwaling pakikitungo. Pagkatapos ang kanyang anak na si Jinggoy Estrada ay iniugnay din sa isang scam ang Pork Barrel Scam kasama sina Enrile at Revilla. Ang Priority Development Assistance Fund scam, na tinatawag ding PDAF scam o pork barrel scam, ay isang iskandalo sa pulitika na kinasasangkutan ng umano'y maling paggamit ng ilang miyembro ng Kongreso ng Pilipinas sa kanilang Priority Development Assistance Fund (PDAF, sikat na tinatawag na "pork barrel"), isang lump-sum discretionary fund na ipinagkaloob sa bawat miyembro ng Kongreso para sa paggastos sa mga priority development projects ng gobyerno ng Pilipinas, karamihan sa pambansang antas. Ito ay malinaw na nagpapahiwatig ng pahayag na "Like father, like son", parehong opisyal ay iniugnay sa katiwalian.

 

Kaya naman, malaki ang bahagi ng political dynasty sa ating bansa. Dahilan din ito ng mataas na rate ng mga katiwalian sa ating gobyerno at kahit may batas na nagbabawal sa political dynasty ay patuloy pa rin ito. Like what Miriam Defensor Santiago said “Kahit legal na magtatag ng dynasty, I WARN YOU! HINDI LAHAT NG LEGAL AY MORAL.” Kaya kung ikaw ay buboto sa darating na 2022 Pambansang Halalan, saliksikin ang lahat ng kasaysayan ng mga kandidato, para makaboto ka nang matalino. Ang kinabukasan ng ating bansa ay nakasalalay sa atin, kaya mas mabuting maging mapagmatyag.

 

[2] Bueza, M., Castro, G. M., (2019). MAP: Major political families in PH after the 2019 elections. Rappler. https://www.rappler.com/newsbreak/in-depth/map-major-political-families-philippines-after-elections-2019

[3] Lingao, E., (2013) Ampatuans, web of kin warp Maguindanao Polls. Philippine Center for Investigative Journalism.https://www.ombudsman.gov.ph/UNDP4/wp-content/uploads/2013/06/PCIJ-2012-Clan-Politics-of-ARMM.pdf

[4] Limpot, K., (2021) EXPLAINER: What you need to know about the PDAF Scam. CNN Philippines. https://cnnphilippines.com/news/2021/2/14/PDAF-scam-what-you-need-to-know.html