Skólinn er teymiskennsluskóli og er húsnæði skólans hannað með það í huga. Stoðþjónusta skólans er öflug og fer fram nær eingöngu á heimasvæði nemenda í mikilli samvinnu við umsjónarkennarateymin. Verið er að innleiða uppeldisstefnuna Jákvæðan aga í skólanum og lögð er áhersla á jákvæðan skólabrag.

Í erindinu munu Hilmar Björgvinsson, skólastjóri Stekkjaskóla og Ástrós Rún Sigurðardóttir, aðstoðarskólastjóri Stekkjaskóla fara yfir ferðalagið sem þetta verkefni hefur verið. Þau ætla að segja stuttlega frá í máli og myndum og fara yfir þau þróunarverkefni sem skólinn hefur unnið að í uppbyggingu skólans og leggja þar mikla áherslu á fagmennsku og samvinnu starfsfólks. 

Við hvetjum áhugasama til að kíkja á heimasíðuna okkar, Stekkjaskoli.is en þar má m.a. sjá starfsáætlun skólans, skýrslu þróunarverkefnis og allt um valsmiðjurnar á miðstigi.