Nob. 1-5 | Draft

Nob. 6-8 | Consultation

Subalit, habang tumatagal, unti-unting bumaba ang kalidad ng blender. Minsan gumagana ito, minsan naman hindi. May mga pagkakataon pang kinakailangan pang ayusin ang wiring nito sa isang tiyak na posisyon para lang umandar ito. Isang araw, bigla na lang sumabog ang saksakan habang inutusan akong gumawa ng fruit juice para sa tatay ko. Aminin ko, siguro kasalanan ko ito dahil tinamad akong idurog pa ang yelo at masyadong malalaki ang mga piraso na inilagay ko sa blender. Ngunit, may punto rin na baka talagang luma na ito. Kaya napagisipan naming bumili na lamang ng bagong blender

https://www.youtube.com/watch?v=1trLKoiQuAo

Sa paglipas ng panahon, nawala ang duda ko noon dahil napakapino nga ng pagdurog ng blender sa kahit anong ilalagay mo. Kung dati parang napipilitan sina Mama at Papa na tiisin ang natutubig at chunky na fruit juices, mas nasisiyahan sila ngayon sa dahil mas pino na ang texture nito. Sabi pa nila, mas matamis at mas masarap na raw ang mga iniinom nila.

Napansin ko rin na mas smooth ang pakiramdam ng mga protein shake ko. Naisipan ko pang subukan kung puwedeng lagyan ng yelo. Tutal, sabi nga ng patalastas, nasa 17,000 rotations per minute raw ang lakas ng motor ng Wondermax, na katumbas ng 60,000 cuts per minute! Nang nilagyan ko ng yelo ang mga protein shakes ko sa blender, parang ice cream ang texture nito! Imbis iniinom ko lang ang mga protein shakes, parang niloloko ko na ang sarili ko na kaya ko pa ring kumain ng ice cream araw-araw ngunit nananatili pa rin sa fitness goals ko. Mas ganado akong mag-ehersisyo dahil nagiging reward ko na ang "ice cream" protein shake.